| 1. |
Die Nasionale Onderwystoekennings (NOT) erken uitnemendheid en hoe vlakke van professionalisme, en voorsien die onderwysgemeenskap van die geleentheid om die prestasies van uitnemende onderwysers te vier. Voorts plaas hulle die kollig op die buitengewone werk wat deur onderwysers verrig word. |
| 2. |
Die Wes-Kaap Onderwysdepartement (WKOD) is dus trots om die 17de jaarlikse provinsiale toekenningseremonie aan te bied, 'n geleentheid wat die 17de Jaarlikse NOT-seremonie voorafgaan. |
| 3. |
'n Afskrif van die Elektroniese weergawe van die Inligtingsgids wat die nominasievorms en kwalifiserende kriteria bevat, is aangeheg. 'n Drukstuk sal alle WKOD-inrigtings teen die begin van die derde kwartaal bereik. |
| 4. |
Alle onderwysers, beheerliggame en distriksamptenare word uitgenooi om nominasies, wat op die kriteria van die inligtingshandleiding gebaseer is, by hulle skoolhoofde of sentrumbestuurders in te dien. |
| 5. |
Verdienstelike onderwysers kan in die volgende kategoriee genomineer word:
- Uitnemendheid in graad R-onderrig
- Uitnemendheid in Laerskoolonderrig (graad 1 - 7)
- Uitnemendheid in Sekondereskoolonderrig (graad 8 - 12)
- Uitnemendheid in Laerskoolleierskap
- Uitnemendheid in Sekondêreskoolleierskap
- Uitnemendheid in Spesialebehoeftes en Inklusiewe Onderrig
- Uitnemendheid in Tegnologie – Verrykte Onderrig en Leertoekenning
- Uitnemendheid in onderrig van Wiskunde (VOO)
- Uitnemendheid in onderrig van Fisiese Wetenskappe (VOO)
- Lewensprestasietoekenning
|
| 6. |
Skoolhoofde en sentrumbestuurders word versoek om die voltooide nominasievorms aan hulle onderskeie distrikskantore te stuur vir die aandag van die distrikskoördineerders. Indien u verdere inligting verlang, kontak asseblief die toepaslike distrikskoördineerder soos hieronder gelys:
|
| 7. |
U aandag word gevestig op die volgende uittreksels uit die nominasiehandleiding:
- "Die skoolhoof/voorsitter van die nominasie-span moet 'n nominasievergadering belê, wat die skoolbeheerliggaam (SBL) sal insluit, om die nominasieproses te bespreek.
- Die personeel en SBL-lede van die skool moet die kriteriavereistes van elke kategorie bestudeer en spesifieke kenmerke of eienskappe, wat met hulle genomineerdes in 'n gegewe kriteria ooreen sal stem, saamstel.
- Wanneer geskikte onderwysers/spanne genomineer is, moet hulle name op die Nominasievorms soos voorsien, ingevul word.
- Distriks-/ Streeksamptenare mag ook nomineer in oorleg met die skool se beheerstruktuur."
|
| 8. |
'n Maksimum van vyf onderwysers per kategorie kan 'n span vorm. |
| 9. |
Die sluitingsdatum vir die indien van alle nominasievorms by die distrikskoordineerder is 02 Augustus 2016. |
| 10. |
Kluster- en provinsiale finaliste (wenners en naaswenners) sal elk Inligtings-en-kommunikasietegnologie (IKT)-geskenkbewyse van verskillende waardes ontvang wat by 'n betroubare IKT-diensverskaffer afgehaal kan word, d.w.s.:
| Vlak |
Waarde van IKT-geskenkbewys |
| Kluster-wenners |
R4 000 |
| Kluster-naaswenners (2de en 3de) |
R2 000 |
| Provinsiale wenners |
R12 000 |
| Provinsiale naaswenners |
R7 000 |
|
| 11. |
Daarbenewens sal skole wat wen elk 'n kontanttoekenning van R5 000 (kluster) en R7 500 (provinsiaal) per skool per finalis ontvang wat gebruik moet word vir professionele ontwikkeling van die onderrigpersoneel ter verbetering van klaskamerpraktyk. |
| 12. |
Die Nasionale Onderwystoekennings word ondersteun deur die Hoof van Onderwys, unies, beheerliggaamverenigings en die Provinsiale Minister verantwoordelik vir Onderwys. |
| 13. |
Alle lede van die skoolgemeenskap word aangemoedig om deel te neem aan die nominasie van verdienstelike onderwysers vir die Nasionale Onderwystoekennings. |
| 14. |
Bring asseblief die inhoud van hierdie minuut onder die aandag van alle onderrigpersoneel. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2016:06:23
|
 |