| 2. |
Die Wet plaas ook die VLR as die amptelike leerderverteenwoordigende struktuur in elke openbare skool met leerders van graad 8 en hoer. Skole word aangemoedig om die VLR te bevorder as die statutere struktuur wat elke skool moet hê. |
| 3. |
Die VLR is 'n belangrike struktuur vir kapasiteitsbou van leerders en die ontwikkeling van jeugleierskapsvaardighede by skole. Onderwyserskakelbeamptes (OSB's) word versoek om te verseker dat die vaardighede van die VLR-lede versterk word deur toepaslike leierskapsopleidingsinisiatiewe en -programme. |
| 4. |
Die opleiding van die nuutverkose VLR'e moet vanaf 01 Februarie 2016 begin. |
| 5.1 |
Ten einde te verseker dat die VLR'e so vroeg as moontlik in 2016 begin funksioneer, word aanbeveel dat die VLR-verkiesing vir 2016 tussen 01 Oktober 2015 en 31 Januarie 2016 plaasvind. |
| 5.2 |
Prinsipale word daarop gewys dat die bekledingstydperk parallel loop met die akademiese jaar. Skole word aangemoedig om die nuwe graad 8-leerders behoorlik voor te berei voor hulle aan die verkiesing in Januarie van 'n bepaalde jaar deelneem. |
| 6. |
Die skoolverkiesingspan |
| 6.1 |
'n Skoolverkiesingspan moet gevorm word om vroee beplanning vir 'n suksesvolle VLR-verkiesing te verseker. |
| 6.2 |
Skoolverkiesingspanne word aangemoedig om hul eie voorspraakstrategiee te ontwikkel om leerders aan te moedig om aan die verkiesings deel te neem en om te verseker dat bevoegde kandidate verkies word. Voorspraakstrategiee sluit in die alombekendmaking van kriteria vir die kies van geskikte leerderlede. |
| 7. |
Na die verkiesing van die nuwe VLR |
| 7.1 |
Prinsipale moet seker maak dat 'n behoorlike oorhandigingsproses van die uitgaande VLR na die inkomende VLR gevolg word. |
| 7.2 |
As deel van die kapasiteitsbou, moet die nuutverkose VLR 'n induksieproses ondergaan wat deur die distrik se VLR-koordineerder gefasiliteer word. Skole word ten sterkste aangemoedig om aan distriksgeorganiseerde induksie-aktiwiteite deel te neem. |
| 7.3 |
Prinsipale word aangemoedig om inlywingseremonies te reel. Dit kan op verskeie maniere gedoen word, bv. by 'n saalbyeenkoms of by 'n spesiale geleentheid waar ouers teenwoordig is. |
| 7.4 |
Prinsipale moet seker maak dat, in ooreenstemming met die SASW, twee VLR-lede verkies word om in die beheerliggaam te dien. |
| 7.5 |
Bylae A is 'n opsommingsblad waarop besonderhede van nuutverkose VLR'e ingevoeg moet word. Skole word vriendelik versoek om hierdie bylae te voltooi en dit op of voor 12 Februarie 2016 na die distrik se VLR-koordineerder terug te stuur. |
| 8. |
Indien skole enige navrae oor die VLR-verkiesing het, kan hulle die toepaslike distrik se VLR-koordineerder, wat hieronder gelys is, kontak:
- Distrik Metro-Oos: Me Mary-Joan Swartz, tel. 021 900 7000/7253
- Distrik Metro-Suid: Me Akeda Isaacs, tel. 021 374 4107
- Distrik Metro-Noord: Me Grace Ziegler, tel. 021 938 3191
- Distrik Metro-Sentraal: Me Anusha Naidoo, tel. 021 514 6700/6716
- Distrik: Kaapse Wynland Mnr Fred Josias, tel. 023 348 4600
- Distrik Weskus: Me Cathlene Beukes, tel. 021 860 1200/10
- Distrik Overberg: Mnr Mike Kobus, tel. 028 214 7368
- Distrik Eden en Sentrale Karoo: Me Sinovuyo Stofile, tel. 044 803 8300/8315
|
| 9. |
Bring asseblief die inhoud van hierdie minuut onder die aandag van alle betrokkenes. |
GETEKEN: J H LYNERS
ADJUNK-DIREKDIREK-GENERAAL: INRIGTINGSONTWIKKELING - EN KOÖRDINERING
DATUM: 2015:09:11
|
 |