| 1. |
Die Departement van Basiese Onderwys (DBO) en die nege provinsiale onderwysdepartemente sal die Suid-Afrikaanse Skoolkooreisteddfod (SASKE) vir primêre en sekondêre skole in 2015 reël. |
| 2. |
Die 2015-kompetisie is herverwerk en maak voorsiening vir soliste, ensembles en skoolkore in die volgende afdelings:
- Grondslagfase;
- Primêre skole; en
- Sekondêre skole.
Let wel:
- Daar is nie 'n Senior Phase (junior sekondêre) kategorie nie.
- Die Own Choice Category is slegs vir spesiale skole.
- In die Primary School Section, is die SAB-sextet slegs vir plaasskole.
- Die Boy's Choir Section is ingestel vir primêre skole.
- 'n Groepkoor sal beperk wees tot 'n maksimum van 45 leerders.
- Die sekondêre skole het 3 afdelings naamlik; Secondary A, Secondary B en Open Category-
- Secondary A sal bestaan uit daardie skole wat vir die afgelope vier jaar deurlopend goed presteer het in die vyf goedgekeurde kategorieë (d.w.s. gemengde kore – Afrikaan, Afrikaans, Westers en manlike en vroulike kore). Die DBO het 'n lys van hierdie skole saamgestel en sal daardie skole, wat in hierdie kategorie val, in kennis stel. Daar sal van skole in hierdie kategorie verwag word om in al vyf kategorieë deel te neem. Hulle kan ook in die oop kategorie deelneem.
- Secondary B skole is nuwe skole en daardie skole wat aan die program deelgeneem het, maar nie die nasionale vlakke behaal het nie.
- Open Category is vir beide bogenoemde kategorieë om vanuit te kies watter een hulle as geskik vind.
|
| 3. |
Grondslagfase-kore sal slegs in die distrik se eisteddfod deelneem. Hulle sal nie aan die provinsiale en nasionale afdelings van die kompetisie deelneem nie. |
| 5. |
Uitdunrondes in die Wes-Kaap sal tussen April en einde Mei 2015 in die agt onderwysdistrikte gehou word. |
| 6. |
Skole sal slegs kwalifiseer om voort te gaan na die provinsiale en nasionale eindronde indien drie of meer skole in 'n kategorie deelneem.
|
| 7. |
Die nasionale eindronde sal in Durban gehou word vanaf 12 tot 18 Julie 2015. Die Wes-Kaap Onderwysdepartement (WKOD) sal vervoer vir hierdie geleentheid voorsien. Die WKOD sal geen versoeke van skole toestaan om vroeër te vertrek of later terug te keer nie. Slegs geregistreerde leerders en ondewysers sal toegelaat word om te reis. |
| 8. |
Skole wat privaat koordirekteure in diens neem, moet verseker dat hulle privaat vervoer vir sodanige individue reël aangesien die WKOD nie verantwoordelik gehou sal word vir hierdie individue in die geval van oorvoorsiene omstandighede nie. |
| 9. |
Om vir hierdie kompetisie in te skryf, moet skole die aangehegte registrasievorm voltooi en dit teen 20 Maart 2015 aan die beampte, wat verantwoordelik is vir skoolverryking by hulle distrikskantoor, terugstuur.
|
| 10. |
Prinsipale en skoolbestuurspanne moet verseker dat koor repetisies nie met die skool se akademiese program inmeng nie. Leerders moet nie uit klasse gehaal word vir repetisie doeleindes nie |
| 11. |
Dit is onder die aandag van die WKOD gebring dat 'n klein hoeveelheid oortredings en bedrieglike dade gedurende die SASKE-program gepleeg is. Die volgende is oor die jare aangemeld:
- Die gebruik van alkohol en dagga tydens distriks- en provinsiale eindrondes;
- Oproerige gedrag deur leerders, onderwysers en ondersteuners;
- Ongeregistreerde jeugdeelname in kore;
- Leerders wat nie by 'n bepaalde skool ingeskryf is nie wat in die provinsiale en nasionale rondes deelneem; en
- Skole wat mense toelaat, wat nie lede van die koor is nie, om saam met die leerders te reis.
Die WKOD neem die bogenoemde oortredings baie ernstig op. Skole wat skuldig bevind word aan sodanige oortredings, sal nie toegelaat word om aan die volgende SASKE-program deel te neem nie.
|
| 12. |
Bring asseblief die inhoud van hierdie minuut onder die aandag van alle skoolkoordirigente, onderwysers, ouers en leerders. |
GETEKEN: P A VINJEVOLD
HOOF: ONDERWYS
DATUM: 2015:03:10
|
 |