| 1. |
Die Wes-Kaap Onderwysdepartement (WKOD) het navrae van skole ontvang met betrekking tot die moontlikheid om af te wyk van 'n enkele SBL-nominasie- en verkiesingsvergadering. Die huidige Provinsiale Maatreëls betreffende Beheerliggame van Openbare Skole bepaal dat skole by die Hoof: Onderwys om verlof kan aansoek doen om van die formele prosedure, tydens die 2015 SBLverkiesing, af te wyk. |
| 1.1 |
Bylae A bevat die vorm wat skole moet gebruik om, via die provinsiale kiesbeampte, by die Hoof: Onderwys, aansoek te doen. |
| 2. |
Enige afwyking waarvoor aansoek gedoen word, moet die beste belange van die skoolgemeenskap bevorder om voorsiening te maak vir maksimum deelname van ouers wat graag sou wou stem. Daar mag nie onbillik teen enige potensiële kiesers gediskrimineer word nie, en daar moet voorsiening gemaak word vir 'n billike nominasieproses voor die verkiesing. |
| 2.1 |
Die aansoek van die skool moet ten volle gemotiveerd wees en die datum, tyd en manier waarop die skool van voorneme is om die alternatiewe nominasie- en verkiesingsproses te bestuurder, duidelik aandui. |
| 3. |
Skole moet die volgende minimum riglyne oorweeg voor hulle by die WKOD aansoek doen om 'n voldag verkiesing te hou: |
| 3.1 |
Die aangestelde kiesbeampte moes die riglyne aanvaar het en moet gedurende die verkiesingsproses beskikbaar wees. |
| 3.2 |
Voldoende en doeltreffend veiligheids- en sekuriteitsmaatreëls sal in plek wees om te verseker dat die integriteit van die verkiesings deurgans gehandhaaf word. |
| 3.3 |
Kommunikasie wat aan ouers deurgegee word, moet verseker dat hulle ten volle in kennis gestel word van die nominasie- en verkiesingsprosedures wat gebruik gaan word. |
| 3.4 |
Wanneer skole aansoek doen, moet hulle bewys lewer dat stappe geneem is om aan die bogenoemde riglyne te voldoen. |
| 4. |
Die nominasie- en verkiesingsprosedures moet die volgende in ag neem: |
| 4.1 |
Alle nominasies moet skriftelik ingedien word, op 'n nominasievorm wat deur die skool uitgereik is, en moet nie minder nie as 10 dae voor die datum van die verkiesing deur die skool ingedien word. |
| 4.2 |
Nadat die indieningstydperk van nominasies verstryk het, sal die kiesbeampte die nominasies oorweeg en die besonderhede van daardie kandidate wat aanvaar is sal dan, ten minste 5 werksdae voor die verkiesingsdatum, skriftelik aan al die ouers gekommunikeer word. |
| 4.3 |
Wanneer die verkiesing sluit, sal ten minste 15% van die totale aantal ouers wat op die kieserslys is, gestem het om sodoende die vereiste kworum te bereik en die verkiesing as geldig te laat beskou. |
| 5. |
Behalwe vir die bogenoemde, sal alle ander prosedures vir die kennisgewing, nominasie en verkiesing van SBL-lede van toepassing wees, soos uiteengesit in die Provinsiale Maatreëls. |
| 6. |
Bring asseblief die inhoud van hierdie minuut onder die aandag van alle betrokkenes. |
GETEKEN: J H LYNERS
ADJUNK-DIREKDIREK-GENERAAL: INRIGTINGSONTWIKKELING - EN KOÖRDINERING
DATUM: 2014:12:09
|
 |