1. Die Wes-Kaap Onderwysdepartement (WKOD) en Bridge, 'n organisasie sonder winsbejag, het 'n aanlyndatabasis ontwikkel om die werksaamhede van organisasies sonder winsbejag (NPO’s) in Wes-Kaapse skole aan te teken.
1.1 Die databasis is beskikbaar by http://educollaborate.westerncape.gov.za/

2. Die databasis stel die WKOD en die burgerlike samelewing in staat om saam te werk en hul hulpbronne so effektief en doeltreffend moontlik te gebruik waar dit die meeste benodig word.
2.1 Die betrokkenheid van NPO's in skole regoor die provinsie en die tipe werk wat hulle doen word met behulp van 'n geografiese inligtingstelsel op 'n kaart aangedui.
2.2 Die WKOD baat hierby deur 'n beter idee te kry van waar watter organisasies werk en die kwessies wat hulle hanteer.
2.3 NPO's kan die databasis gebruik om uit te vind waar hulle hul dienste kan aanbied en watter tipe dienste die meeste benodig word.

3. Bridge bestuur die databasis namens die vennootskap. Dit sluit in om NPo's aan te moedig om hul inligting vas te lê en data te verifieer.

4. Distrikte en skole word versoek om NPO's, wat hulle nader, te vra om hul inligting op die databasis vas te lê.
4.1 Die databasis stel distrikte en skole in staat om meer uit te vind van enige NPO wat by skole in die provinsie werk.


GETEKEN: J H LYNERS
ADJUNK-DIREKDIREK-GENERAAL: INRIGTINGSONTWIKKELING - EN KOÖRDINERING
DATUM: 2015:08:04