1. Die Wes-Kaap Onderwysdepartement is verbind daartoe om te verseker dat die maksimum tyd vir onderrig en leer benut word. Dit is dus die verantwoordelikheid van elke skool om die onderrigtyd te beskerm en leer vir die volle 201 skooldae per jaar te ondersteun, in ooreenstemming met die Nasionale Leerderbywoningsbeleid.

2. Personeel van alle skole en distrikskantoorpersoneellede word versoek om op die volgende te let:
2.1 Dit is die verantwoordelikheid van elke skool om sy skoolprogram te beplan tydens en na die eksamens tot op die laaste dag van die skoolkwartaal, en om alle leerders, ouers en distrikskantore daarvolgens in te lig.
2.2 Skole wat graad 10, 11 en 12 aanbied (waar van toepassing) word daaraan herinner dat geen eksamens voor 1 Junie 2015 en 12 November 2015 mag plaasvind nie. Skole kan egter by die distriksdirekteur aansoek doen om toestemming dat praktiese eksamens in sekere vakke vroeër begin.
2.3 Skole wat graad 7 tot 9 aanbied, mag nie hulle eksamens voor 10 Junie 2015 en 12 November 2015 begin nie.
2.4 Skole wat graad 4 tot 6 aanbied, mag nie hulle eksamens voor 17 Junie 2015 en 19 November 2015 begin nie.
2.5 Daar word van alle leerders verwag om gedurende die eksamentydperk, vir 'n minimum van 5 ure per dag by die skool te wees. As 'n skool dus om 08:00 begin, kan die skool nie die leerders vroeër as 13:00 laat gaan nie. Met die reëling van die vroeër sluitingstyd, moet die veiligheid en vervoer van leerders in ag geneem word. Dit is dus belangrik dat ouers vooraf ingelig word sodat hulle in staat is om ander reëlings te tref.
2.6 Alle leeders word versoek om gedurende die eksamentydperk skool by te woon, met die uitsondering van graad 12-leerders wat geregtig is op 5 afdae vir studiedoeleindes voor die aanvang van die Nasionale Senior Sertifikaat-eksamen.
2.7 Skole mag leerders nie onder die wanindruk plaas dat dit elke leerder se besluit is om skool by te woon sodra die eksamens vir die kwartaal geëindig het, of wanneer hulle nie eksamens of toetse skryf nie.
2.8 Daar word van alle onderwysers verwag om by die skool te wees vir die volle skooldag (35 uur per week) gedurende die eksamentydperk, ongeag of hulle toesighoudende pligte het, of nie.
2.9 Op die laaste dag van die skoolkwartaal moet leerders, vir ten minste drie ure, by die skool wees. Daar word van onderwysers verwag om vir `n minimum van 5 ure by die skool te wees.

3. Prinsipale word daaraan herinner dat hulle hul eksamenroosters aan die IBB-bestuurder moet stuur, ten minste vier weke voor die begin van die eksamens. Distriksbeamptes sal die implementering van hierdie direktiewe moniteer.

4. Ten einde te verseker dat waardevolle tyd vir onderrig en leer nie verlore gaan nie, word prinsipale en beheerliggame versoek om spesiale aandag te skenk aan die samestelling van hulle programme gedurende die eksamenperiodes.


GETEKEN: J H LYNERS
ADJUNK-DIREKDIREK-GENERAAL: INRIGTINGSONTWIKKELING - EN KOÖRDINERING
DATUM: 2015:04:13