1. Die Nasionale Skoolvoedingsprogram (NSVP) is ingestel om te verseker dat leerders voedsame maaltye kry om hul leer- en konsentrasievermoe te verbeter. Navorsing toon dat daar 'n verhouding tussen voeding en denke (kognisie) is. As ons dus ons uitslae wil verbeter, moet ons seker maak dat alle leerders gevoed is. Dit is 'n gesamentlike verantwoordelikheid van alle belanghebbendes by skole.

2. Die NSVP word deur 'n voorwaardelike toekenning van die Departement van Basiese Onderwys (DBO) befonds. Hierdie toekenningsraamwerk word in die Wet op die Verdeling van Inkomste (WVI), Staatskoerant No. 38458 van 13 Februarie 2015 uiteengesit.

3. Hierdie minuut dien om alle belanghebbendes (distriksdirekteure, kringspanbestuurders, lede van beheerliggame, prinsipale, skoolkoordineerders en vrywillige voedselhanteerders) oor die belangrikheid, doeltreffende bestuur en administrasie van die NSVP met beperkte hulpbronne in te lig.

4. Die NSVP kan tot die verbetering van leerderprestasie in die vroee skooljare lei. Die volgende aspekte is baie belangrik vir die doeltreffendheid van die program:
4.1 Doeltreffende operasionele prosedures om te verseker dat kos betyds afgelewer word (Omsendbrief 0015/2014).
4.2 Opvoeders moet elke skooldag toesig hou oor die bediening van voedsame maaltye en tuiniers moet help om die skool se groentetuine te bewerk om die maaltye wat voorsien word, te verbeter.
4.3 Die vereiste dokumente moet betyds aan distrikskantore voorgele word, soos in die WVI se finansiele bestuurvereistes uiteengesit. Alle voorwaardes wat verband hou met die begroting en die finansiele bestuur van 'n openbare entiteit word in die Wet op Openbare Finansiele Bestuur, 1999 (Wet 1 van 1999), omskryf.
4.4 Daar moet voldoen word aan die beplande implementering van die program.
4.5 Voorraad moet voortdurend gemonitor word om verkwisting van kos te voorkom, aangesien dit armoedeverligting sal verydel.
4.6 Kos moet behoorlik gestoor word om die besoedeling van kos en voedselvergiftiging te voorkom.
4.7 Skole moet seker maak dat diensverskaffers ten opsigte van gehalte gemonitor word.
4.8 Die verwydering van voedsel wat verval het, kan slegs deur die diensverskaffer gedoen word wat deur die Wes-Kaap Onderwysdepartement gekontrakteer is. (Verwydering van NSVP-voedselitems van 'n openbare skool moet deur die gekontrakteerde diensverskaffer gedoen word. Diensverskaffers moet duidelike identifikasie vertoon of onder die toesig van die distrikskoordineerder werk. Die nodige dokumente moet voltooi en aan Hoofkantoor gestuur word.)
4.9 Die NSVP word deur beide interne en eksterne ouditeurs vir al sy bedrywighede geoudit. Alle dokumente (veral bewys van afleweringsnotas [BVAfs]) en betaling van die vrywillige voedselhanteerders) moet in die NSVP-leer gehou word.

5. NSVP-skoolbestuur en die NSVP-distrikskoordineerder moet alle voorkomende maatreels neem om te verseker dat VEILIGHEID en HIGIENE (bv. die opleiding van nuut aangestelde vrywilligers oor die gebruik van gas) te alle tye voorkeur geniet.

6. Die prinsipaal, as die rekenpligte amptenaar, is verantwoordelik vir die algehele bestuur van die program by die skool (Omsendbrief 0015/2014, punt 2.3).


GETEKEN: J H LYNERS
ADJUNK-DIREKDIREK-GENERAAL: INRIGTINGSONTWIKKELING - EN KORDINERING
DATUM: 2015:09:11

"Public Finance Management Act (PFMA), 1999 (Act 1 of 1999)"  (grootte: 487 KB)