ISebe leMfundo leNtshona Koloni (iWCED) likhuphe ii-ayithem eziyimizekelo zovavanyo ezifanayo nezo zifakwe kwiiMvavanyo zeNkqubo yeMfundo yeWCED. Kukhuthazwa izikolo naBacebisi ngezeKharityhulam ukuba basebenzise ezi ayithem ziyimizekelo njengesikhokelo senqanaba lemibuzo enokubandakanywa kwiimvavanyo zenkqubo yemfundo. Injongo yayo kukunika inkxaso ekufundeni nasekufundiseni. Ukubethelelwa ngokugqibeleleyo kwesigama esifundiswa kule misebenzi kuya kubenza abafundi bazilungele iimvavanyo zokuphela konyaka yaye kukwanceda ekwakheni isiseko samabakala aphezulu.
  IMathematika
Isilabhasi yeBakala 9 iqulethe izihloko ezisithoba (9) kwikota yesikolo yokuqala, nezihloko ezihlanu (5) kwikota yesikolo nganye kwezilandelayo. Imizekelo inezihloko ezibini (2) kwikota yokuqala, eyesibini neyesithathu nesihloko esinye (1) kwikota yesikolo yesine.

Imibuzo ifanele ukusetyenziswa njengeseeti ze-ayithem ezinika ingcaciso (formative assessment sets) ukwenzela ukulinganisa ubungakanani benkqubela eseyenziwe. Ekuqulunqeni le mizekelo, kuqatshelwe isigama esiphambili (key concept) esifundiswa kumxholo ngamnye kwaza kwaqulunqwa namaqhina ezibalo (mathematical problems) avavanya indlela abasiqonda ngayo abafundi isigama esifundiswayo.
  Ulwimi
Imibuzo yolwimi iqulunqelwe ukunika abafundi ingqiqo nolwazi oluphangaleleyo (insight) ngemibuzo eyahlukileyo neempendulo ezifunekayo ukuze kwaziwe oko kufunekayo. Imibuzo yenza umfundi acinge nzulu xa eqwalasele itekisi kwinqanaba lolwazi analo yena buqu, kwinqanaba lentsingiselo yengqikelelo nakwinqanaba lentsingiselo enjengoko injalo (personal, literal, and inference level). Ukuba inqanaba lolwazi lwengqikelelo (inference level) libonakala liphezulu (advanced), ootitshala ke ngoko banokusicacisa isigama (vocabulary) sibe lula kodwa baxoxe ngeengqikelelo ezinokwenzeka (possible inferences) nabafundi ukwenzela ukuba babenako ukuziqonda kakuhle iintsingiselo eziqondakalayo nezamkelekayo (plausible meanings) kwitekisi.

Le mizekelo ifakwe kwiCEMIS. Imizekelo yesiNgesi neyesi-Afrikansi inee-ayithem ezifanayo. Ukufikelela kwimizekelo, makulandelwe le migaqo inikwe apha ngezantsi:

  • Khetha i-ayithem yemenyu, "Exams/ Assessment";
  • Kwi-drop-down menu, khetha i-icon ebonisa imizekelo yebakala elifanelekileyo, umz. "Grade 3 Exemplars", "Grade 6 Exemplars", okanye "Grade 9 Exemplars";
  • Klikha kwisifundo onqwenela ukusivula;
  • KumaBakala 3, 6 no- 9, khetha phakathi ko-"Language" no-"Mathematics".
  • Kuya kuvuleka iibhokisi ezimbini okanye ezintathu ezineelwimi onokukhetha kuzo.
  • Khetha ulwimi olufunayo ukhuphele (download) imizekelo nesikhokelo sikatitshala.
  • Makuqatshelwe ukuba yonke imizekelo ikwi-PDF.

IWCED iyayiqaphela indima ebalulekileyo yootitshala ekudaleni iimeko eziyimfuneko ezikhuthaza ukufunda nokufundisa yaye inethemba lokuba ezi zibonelelo ziya kuba luncedo kubo.

Malunga nayo nayiphi na imibuzo ngokuqulethwe kule ngcaciso imfutshane, kucelwa uqhagamshelane negosa elijongene nesithili sakho njengoko kucacisiweyo kule theyibhile ingezantsi:

Umntu emakuqhagamshelwane naye Isithili semfundo
Dr Audrey Wyngaard, ifoni 021 467 9272
Audrey.Wyngaard@westerncape.gov.za		 Metro East
Overberg
Ms Bukelwa Maxakana , ifoni 021 467 9296
Bukelwa.Maxakana@westerncape.gov.za		 Metro South
Cape Winelands
Dr Nomawabo Makapela, ifoni 021 467 9297
Nomawabo.Makapelao@westerncape.gov.za		 Metro North
Eden & Central Karoo
Mr Vumile Nyalashe, ifoni 021 467 9350
Vumile.Nyalashe@westerncape.gov.za		 Metro Central
West Coast
Izikolo ezizimeleyo


ISAYINWE: NGU-M M HARKER
USEKELA MLAWULI-JIKELELE WOCWANGCISO LWEMFUNDO
UMHLA: 2015:05:22