| 1.1 |
Injongo yale ngcaciso imfutshane kukwazisa ii-ofisi zezithili nezikolo ngenkqubo yokuthenga ifanitshala kunye nezixhobo zokusebenza. |
| 1.2 |
ISebe leMfundo leNtshona Koloni (iWCED) linemvumelwano yeminyaka emithathu yokubonelela ngefanitshala kuzo zonke izikolo kwiPhondo leNtshona Koloni. Le mvumelwano iquka ii-ayithem eziyi-31 zefanitshala yesikolo kwikhatalogu eqhotyoshelweyo (kwisiHlomelo A). Izikolo zinga-odola kuphela kwilisti yee-ayithem ezikwifom eqhotyoshelweyo i-WCED 026A (IsiHlomelo B). |
| 1.3 |
Makwenziwe i-odolo yee-ayithem zezixhobo zokusebenza kwifom i-WCED 026B (IsiHlomelo C). |
| 2. |
Inkqubo yokuthenga izixhobo zokusebenza nefanitshala yezikolo ezikhoyo (yokongezelela) |
| 2.1 |
Zonke izicelo zefanitshala ezisuka kwizikolo ezilolo hlobo mazingeniswe ungadlulanga owe-05 Februwari 2016 kumphathi wesekethe wesikolo eso. |
| 2.2 |
Ifom i-WCED 026A ezalisiweyo yerikhwizishini (yefanitshala) mayihambe kunye nezicelo zefanitshala (zokongezelela) ezingeniswa zizikolo ezikhoyo: |
| 2.3 |
Abalawuli bezithili baya kuqwalasela iimfuno zefanitshala kuzo zonke iisekethe baze benze ilisti eyiprayorithi (prioritised list) ngokungqinelana nebhajethi ekhoyo benika ingqwalaselo ii-odolo zexesha elidlulileyo kunye namanani abafundi. Le listi iyiprayorithi iya kuthunyelwa kwiCandelo loMlawuli oyiNtloko wee-Ofisi zeZithili ungadlulanga owe-26 Februwari 2016, ukwenzela ukufumana imvume kunye nokusayina. |
| 2.4 |
Ii-ofisi zezithili ziya kwazisa izikolo ngokubhala incwadi ukuqonda malunga nokuba ingaba izicelo zabo zaba yimpumelelo na, zatshintshwa phaya naphaya okanye zange zamkelwe. |
| 2.5 |
ICandelo lokuXhasa amaZiko ngeZibonelelo (The Directorate : Institutional Resource Support) liya kufaka ii-odolo zefanitshala eyenziwe iprayorithi evunyiweyo kubathengisi ekungenwe kwimvumelwano nabo ekuqaleni konyaka-mali omtsha oqala ngowe-01 Apreli 2016. Abathengisi baya kuyizisa ifanitshala zingadlulanga iiveki ezi-4 – 6 ukususela kumhla wokwenziwa kwe-odolo. |
| 2.6 |
Imvumelwano ngefanitshala inewaranti yonyaka kunye nale mimiselo ilandelayo:
- Izikolo eziye zafumana ifanitshala eyonakeleyo mazazise ngoko nangoko uNdlunkulu ngokungenisa ingxelo eyincwadi ebhaliweyo kule dilesi ye-imeyili ilandelayo: Jerome.Gordon@westerncape.gov.za
- Kwii-ayithem eziye zonakele kwakunyaka wokuqala zifunyenwe sisikolo, iWCED iya kuthetha-thethana nabathengisi ukwenzela amalungiselelo okutshintsha ezo zinto zonakeleyo ngokukhawuleza kangangoko kunako.
|
| 2.7 |
Izikolo mazinga-odoli fanitshala ngqo kubathengisi. Iintlawulo zee-odolo ezilolo hlobo ziya kuba zeze-akhawunti yesikolo eso. |
| 2.8 |
Kucetyiswa izikolo ukuba zisebenzise isabelo sazo ngokweMimiselo neMigangatho yolwabiwo-mali lwazo lwaqho ngonyaka (their annual Norms and Standards) neengxowa-mali zesikolo zokuthenga kunye/okanye ukulondoloza izixhobo ze-ofisi nezinye izixhobo. |
| 3. |
Ukulawulwa kwefanitshala nezixhobo zokusebenza ezikolweni |
| 3.1 |
Izikolo maziseke ikomiti ejongene nokuthengwa kweempahla neenkonzo eya kuba noxanduva lokugcina iirekhodi ezinengcaciso ehlaziywa qho yezixhobo zokusebenza nefanitshala (Funda isikhokelo i-Basic Financial System for Schools). |
| 3.2 |
Ifanitshala engasafunekiyo mayikhutshwe (written off) yaye ichithwe (disposed of) emva kokuba kuthathwe isigqibo soko kwintlanganiso yokuchithwa kweempahla (disposal meeting). Imizuzu yentlanganiso makubhalwe kuyo isigqibo esilolo hlobo yaye eso sigqibo masifumaneke ngeenjongo zokubeka inkqubo esweni. |
| 3.3 |
Ifanitshala eyaphukileyo esengalungiswa mayigcinwe kakuhle ukuthintela umonakalo ongaphezulu. |
| 3.4 |
Izikolo mazihlaziye iirekhodi ze-inventri zazo qho ngonyaka (istokhwe esikhoyo, izinto ezichithwayo nezinto ezishotayo). Ezi rekhodi mazisetyenziselwe ukungqinisisa imfuneko yezinto ezifuna ukongezelelwa nekufuneka ukuba zifumaneke kusakuba kwenziwe isicelo soko. |
| 3.5 |
Kwenziwa isistim ye-inventri ngokunje kwiCEMIS ukwenzela ukuba izikolo zibe nokufaka ekhompyutheni iirekhodi zee-inventri zazo. Iinkcukacha zesistim ye-inventri yeCEMIS ziya kwaziswa kamva. |
| 3.6 |
Ukwenzela ukuba kugcinwe ngokunqatyisiweyo ii-asethi kubusela, kukhuthazwa izikolo ukuba ziphawule zonke izixhobo zokusebenza nezinto zefanitshala, ngokukodwa izitulo zeplastikhi zaseholweni. |
| 4. |
Siyakubulela ngentsebenziswano yakho kule miba ibaluleke kangaka. |
ISAYINWE: NGU-P A VINJEVOLD
INTLOKO YESEBE LEMFUNDO
UMHLA: 2015:10:22
|
 |