1. |
Izicelo zokuqaliswa kweendlela ezintsha ngoJanuwari 2016 mazingeniswe kwii-ofisi zezithili ukwenzela ukuba ziqwalaselwe nguSekela-Mlawuli weeNkonzo zeZiko ungadlulanga owe-31 Julayi 2015. Izikolo maziqale kwangethuba ukulungiselela ukuzalisa ifom yesicelo esixhaswa zizizathu ezivokothekileyo ukususela ngelo xesha lokuvulwa kwezikolo kwakhona kwiKota yesiThathu. |
2. |
Izicelo zabafundi abongezelelweyo kwiindlela esele zikho ngoJanuwari 2016 mazingeniswe kwii-ofisi zezithili ukwenzela ukuba ziqwalaselwe nguSekela-Mlawuli weeNkonzo zeZiko ungadlulanga owe-7 Agasti 2015. |
3. |
Ii-ofisi zezithili ziya kufumana izicelo zokuqaliswa kweendlela ezintsha nezabafundi abongezelelweyo ungadlulanga owe-31 Julayi nowe-7 Agasti 2015 ngokulandelelanayo zize ziziqwalasele izicelo njengoko kuyimfuneko. Izicelo ezisayinelweyo ezineemephu zeendlela mazingeniswe kwiCandelo lokuXhasa amaZiko ngeziBonelelo ukwenzela ukuba ziqwalaselwe ngu-Mnu MJ Hendricks, uSekela-Mlawuli weLTS ungadlulanga owe-31 Agasti 2015. |
4. |
Uyacelwa uMphathi weze-IMG ukuba angqinisise/aqinisekise ukuba ngaba abafundi banako na ukufakwa ezikolweni okanye kwiihostele nokuba azalise iCandelo B lefom yesicelo phambi kokuthathela ingqalelo ukubandakanywa kwaba bafundi kwiskim sothutho lwabafundi. |
5. |
Apha kuqhotyoshelwe ifom yesicelo yeLTS ehlaziyiweyo (yangoJulayi 2015) ukwenzela ukuba isetyenziswe ngokukhawuleza. Le fom yeyokulungiselela ukuba kuboniswe umhla eziya kufuneka ngawo iinkonzo zeLTS. |
6. |
Kubaluleke gqitha ukuba izicelo zeendlela ezintsha nezabafundi abongezelelweyo zifunyanwe ngexesha ukwenzela ukuba zibe nako ukuthengwa iinkonzo nokuba zenziwe zifumaneke kwangolo suku lokuqala lwesikolo ngo-2016. |
7. |
Iya kuthakazelelwa into yokuba inokulandelwa ngokungqongqo le migqaliselo iqulethwe apha kule ngcaciso imfutshane. |
ISAYINWE: NGU-M M HARKER
USEKELA MLAWULI-JIKELELE WOCWANGCISO LWEMFUNDO
UMHLA: 2015:07:17
|
|