1. Die Wes-Kaap Onderwysdepartement (WKOD) het sedert 2002 sistemiese toetse in Geletterdheid en Gesyferdheid vir graad 3- en 6-leerders afgeneem. In 2010 is die program na graad 9 uitgebrei. Die uitslae help skole om areas wat verbetering nodig het, te identifiseer. Dit help ook die WKOD om kurrikulumareas te identifiseer wat bykomende ondersteuning vereis.

2. Vanaf 2010 is onafhanklike skole genooi om aan die toetsprogram deel te neem. Daar word van gesubsidieerde onafhanklike skole vereis om deel te neem, terwyl niegesubsidieerde onafhanklike skole op uitnodiging deelneem.

3. Hierdie minuut dien as 'n formele uitnodiging aan alle nie-gesubsidieerde onafhanklike skole met meer as 10 leerders in graad 3, 6 en 9 om aan die WKOD se sistemiese toetse vir 2015 deel te neem. Hierdie toetse sal deur onafhanklike diensverskaffers geadministreer word wat deur die WKOD aangestel is.

4. U aandag word gevestig op die volgende besonderhede oor die 2015-toetse:

  • Toetsing sal van 14 tot 28 Oktober 2015 plaasvind.
  • Toetse sal geskeduleer word vir een dag per skool.
  • Graad 3-leerders in Geletterdheid en Gesyferdheid sal getoets word in die taal van leer en onderrig (TLO) in die skool (Engels, Afrikaans, of isiXhosa).
  • Graad 6- en 9-leerders sal in Geletterdheid en Gesyferdheid in die TLO van die skool getoets word (Engels of Afrikaans).
  • Die slaagpunt vir alle toetse is 50%.
  • Skoolverslae sal aan alle skole uitgereik word.
5. Doen asseblief die volgende indien u skool geinteresseerd is om aan die 2015-toetse deel te neem.

  • Voltooi die aangehegte vorm as 'n bewys dat u skool belangstel om aan die graad 3-, 6- en/of 9-toetsprogram deel te neem, en stuur dit teen 17 April 2015 aan mnr Vumile Nyalashe by faksno. 086 555 3955 of e-posadres vumile.nyalashe@westerncape.gov.za

  • Registeer op die WKOD se Sentrale Onderwysbestuursinligtingstelsel (SOBIS) en voer teen 31 Julie 2015 die name en ander besonderhede van u graad 3-, 6- en 9-leerders in. Kontak me Shalien Galiem by tel. no. 021 467 2293 of e-posadres shaliem.galiem@westerncape.gov.za vir verdere navrae oor SOBIS-registrasie.
6. Let asseblief daarop dat die SOBIS nie inligting oor nuwe leerders sal aanvaar na die einde van die derde skoolkwartaal van elke jaar nie.

7. Die WKOD sien daarna uit dat nie-gesubsideerde onafhanklike skole aan die WKOD se sistemiese toetse vir graad 3, 6 en 9 deelneem.


GETEKEN: PA VINJEVOLD
HOOF: ONDERWYS
DATUM: 2015:02:10

Aansoek-vorm  (grootte: 28 KB)