1. |
Kitsopname 2015
- Die jaarlikse kitsopname vir gewone openbare en onafhanklike skole is een van die belangrikste bronne van inligting. Dit sal gebruik word vir die administrasie en bestuur van skole, insluitende die voorsiening van hulpbronne.
- Die kitsopname vir gewone openbare en onafhanklike skole moet teen 3 Februarie 2015 deur die prinsipaal voltooi en afgeteken wees. Die sperdatum vir IBBbestuurders om die aanlyn SOBIS-kitsopname se data af te teken is 6 Februarie 2015.
- Onafhanklike skole word versoek om die opname in harde kopie te voltooi en te reël vir die aflewering van die voltooide kitsopname vorm, wat deur die prinsipaal en IBBbestuurder afgeteken moet word, teen nie later nie as 9 Februarie 2015. Die voltooide kitsopname vorms moet afgelewer word by:
Mnr Abdurahman Noordien Adjunk-direkteur: Kennis- en -Inligtingsbestuur Kamer 19-03 19de Vloer Adderleystraat Kaapstad
- Voor die prinsipaal of hulle afgevaardigdes op die SOBIS afteken moet hulle verseker dat die volgende afgehandel is:
- Alle leerders wat ingeskryf het en skool in 2015 bywoon in hulle korrekte graad en klas op die SOBIS verskyn.
- Enige leerder wat ingeskryf het en nog nie teen 3 Februarie 2015 by u skool aangemeld het nie, moet gederegistreer word, soos vereis deur leerderteenwoordigheidsbeleid. (Indien hierdie leerders na 3 Februarie 2015 aanmeld, kan hulle weer op die SOBIS geregistreer word.)
- Die lys van opvoeders is op die SOBIS opgedateer en geverifieer, soos op 3 Februarie 2015, en hulle aanstellingstatus is op die SOBIS-rekord bevestig. 'n Personeel opsommingskerm op die SOBIS sal outomaties aangevul word deur gebruik te maak van die geverifieerde opvoedersdata. Die vasleggingskerms wat die aantal personeel by die skool aandui, is korrek voltooi.
- Die aftekeningsafdeling van die opname korrek voltooi is.
|
2. |
JNA-leerderregistraie
Die leerderregistrasie vir die 2015 Jaarlikse Nasionale Assesserings word aan die einde van Februarie 2015 benodig. Prinsipale moet verseker dat die taalvakke en die taal van leer en onderrig korrek vasgevang is vir elke leerder voor die einde van Februarie 2015.
|
3. |
Graad 12-vakveranderinge
Die vakke wat deur alle graad 12-leerders geneem word, moet nagegaan word om te verseker dat dit korrek is en moet teen 31 Januarie 2015 voltooi wees sodat dit afgeteken kan word. Die vakverandering-versoekfasiliteit vir graad 12-leerders sal slegs tot die einde van Januarie 2015 beskikbaar wees.
|
4. |
Die OBIS-data gehalte sal gekoppel wees aan die norme en standaarde oordragbetalings. OBIS-data nakomingsverslae sal vanaf Maart 2015 op die SOBIS beskikbaar wees vir prinsipale. Die prinsipaal moet die bestuur en koördinering van hierdie vereiste take bestuur om akkurate data en tydige voltooiing op die SOBIS te verseker. |
Die WKOD waardeer opreg die bydrae en toegewydheid van alle onderwysbeamptes gedurende 2014. Ons maak staat op u voortgesette ondersteuning in 2015
GETEKEN: M M HARKER
ADJUNK-DIREKTEUR-GENERAAL: ONDERWYSBEPLANNING
DATUM: 2014:12:12
|
![](images/shim.gif) |