1. |
Die Departement van Kuns en Kultuur, in samewerking met die Biblioteek en Inligtingsvereniging van Suid-Afrika (LIASA), het besluit dat Suid-Afrikaanse Bibltioteekweek (SALW) vanaf 14 tot 21 Maart 2015 gevier sal word met die tema, "Connect @ your library." |
2. |
Hierdie tema vind aanklank by die oortuiging dat biblioteke mense, kennis en inligting, druk en elektroniese hulpbronne, tegnologie en professionele ondersteuning met mekaar verbind. |
3. |
Die tema moedig ook almal aan om die konneksie te maak dat biblioteke gewenste een-stop en sosiale inklusiewe ruimtes is vir die bevordering van geletterdheid deur die intellektuele en estetiese ontwikkeling van alle ouderdomme. |
4. |
Die Wes-Kaap Onderwysdepartement (WKOD) moedig onderwysers aan om gebruik te maak van die WKOD-Biblioteek- en Inligtingsdiens wat beskikbaar is. Dit sluit die EDULIS Biblioteekdiens (Hoofkantoor in Bellville, distrikhulpbronsentrums, mobiele biblioteke en kwartiere) en die EDULIS-skoolbiblioteekdiens in. |
5. |
Die volgende leer- en onderrigondersteuningsmateriaal (LOOM) is beskikbaar vir individuele uitleen deur onderwysers, prinsipale en distriksbeamptes, of as bloklenings aan skole:
- Inspirerende aktiwiteitsgebaseerde idees vir lesplanne, en geletterdheids- en syfervaardigheid (vele hiervan kan gefotokopieer word);
- 'n Wye reeks kurrikulumondersteuningsmateriaal;
- 'n Baie groot versameling onlangs gepubliseerde boeke oor bestuur en leierskap;
- Prikkelende materiaal ter ondersteuning van onderwysnavorsing en beleidsontwikkeling;
- Materiaal wat kritieke kwessies soos geletterdheid en syfervaardigheid, insluiting, dissiplinere en gedragsprobleme, differensiasie, MIV/Vigs en fetale alkoholsindroom dek;
- Leerdergefokusde materiaal (insluitend prenteboeke en storieboeke vir alle ouderdomme vir gebruik gedurende leesperiodes), wat spesiaal geevalueer en geresenseer is om onderwysers te help om stof vir hulle skoolbiblioteke te kies;
- Multimedia soos video's, DVD's, oudiokasette, CD's, CD-ROM's wat 'n wye reeks onderwerpe insluit om klasonderrig en -leer te verryk en te ondersteun.
|
6. |
Die volgende Skoolbiblioteekdienste is aan onderwysers en skole beskikbaar:
- Evaluering en aanbeveling van kurrikulumverwante biblioteekhulpbronne om literatuur en syfervaardigheid te ondersteun;
- Leiding in die aankoop van biblioteekhulpbronne deur gebruik te maak van Norme en Standaarde en eie fondse;
- Die bevordering van lees deur skoolbesoeke om boekgesprekke te voer;
- Orientasiesessies vir skoolpersoneel as deel van hulle professionele ontwikkeling;
- Ondersteuning met katalogisering van biblioteek materiaal vir skoolbiblioteke;
- Ondersteuning met die ontwikkeling van die gebruik van skoolbiblioteke; en
- Die koordinering van en ondersteuning vir opleiding in basiese skoolbiblioteekadministrasie vir onderwysers in beheer van skoolbiblioteke
|
7. |
Die volgende distriksbeamptes kan in verband met Skoolbiblioteekdienste gekontak word:
Faith Lawrence |
Skoolbiblioteekadviseur, Onderwysdistrik Weskus |
tel. 021 860 1562 |
Janine Ontong |
Skoolbiblioteekadviseur, Onderwysdistrik Kaapse Wynland |
tel. 023 348 4657 |
Sara Clegg |
Skoolbiblioteekadviseur, Onderwysdistrik Overberg |
tel. 028 214 7387 |
Jennifer Caroto |
Skoolbiblioteekadviseur, Onderwysdistrik Metro-Noord |
tel. 021 938 3197 |
|
8. |
Na aanleiding van versoeke van onderwysers vir skoolbiblioteekadvies, kan die volgende EDULIS personeel in Bellville gekontak word:
Theresa de Young |
Koördineerder: Skoolbiblioteekadviseur |
tel. 021 957 9638 |
|
9. |
Maak asseblief die aangehegte bylae oop vir 'n reeks voorstelle oor hoe die WKOD-skole Suid-Afrikaanse Biblioteekweek 2015, kan vier. |
GETEKEN: M M HARKER
ADJUNK-DIREKTEUR-GENERAAL: ONDERWYSBEPLANNING
DATUM: 2015:02:27
|
|