| ISALANTHISO: | 20150618/502
6/24/R |
 | | IMIBUZO: | IZiko leeFoni | IFONI: | 021 467 2000 | IFEKSI: | 021 483 7658 |
INGCACISO EMFUTSHANE YECANDELO LOLAWULO LWEZABASEBENZI NGOBUCHULE: 0005/2015 |
IYA: | KUMASEKELA BALAWULI–JIKELELE, KUBALAWULI ABAZIINTLOKO, KUBALAWULI (KWANDLUNKULU NAKWII-OFISI ZEZITHILI ZEMFUNDO), KWIINTLOKO ZOQUQUZELELO NENGCEBISO NGEZE-IMG, KUBAPHATHI BEEKOMITI ZEESEKETHE, KUBAPHATHI BEZE-IMG, KWIINGCALI ZEMFUNDO EZIZIINTLOKO NAKWIINTLOKO ZAMAZIKO EMFUNDO |
| UKUZALISWA KWEKHWESHINE YOLAWULO LOKUSHIYA INKONZO |
| 1. |
ISebe leMfundo leNtshona Koloni (WCED) liyihlaziyile iKhweshine yoLawulo loKushiya iNkonzo (Exit Management Questionnaire), eyayisetyenziswe okokuqala ngo-2011, ukwenzela ukuba ingqinelaniswe noMyalelo woMphathiswa weSebe leNkonzo kaRhulumente (Department of Public Service Administration (DPSA)) i-Ministerial Directive to Institutionalise Practice of Exit Interviews in the Public Service. |
| 2. |
Lo myalelo wesebe lomphathiswa ukhankanywe apha ngentla ucacisa ukuba onke amasebe kufuneka aqulunqe ingxelo ehlalutya ulawulo lokushiya inkonzo (exit management analysis report) qho ngonyaka ukulungiselela abaqeshwa abankonzo yabo iye yapheliswa ngenxa yokungaphili okanye umenzakalo, umhlala-phantsi nokuyeka emsebenzini (resignation). |
| 3. |
Ukwenzela ukuthotyelwa komyalelo we-DPSA, bonke abaqeshwa abayishiyayo inkonzo kwiSebe i-WCED ngenxa yokungaphili okanye umenzakalo, umhlala-phantsi nokuyeka emsebenzini (resignation), bafanele ukuzalisa iKhweshine eqhotyoshelweyo i-Exit Management Questionnaire. Iikhweshine ezizaliswe ngokupheleleyo ziya kuhlalutyelwa ukufumanisa ukuba kutheni na abaqeshwa beyishiya inkonzo karhulumente yaye ngawaphi na amanyathelo okulungisa le meko anokuphunyezwa liSebe iWCED ukugcina abaqeshwa abanezakhono nabanobuchule. |
| 4. |
Kucelwa uqaphele ukuba abaqeshwa bafanele ukuwazalisa onke amacandelo kwikhweshine ukwenzela ukuba olu hlalutyo lunike ingcaciso kangangoko kunokwenzeka. Ingcaciso enikiweyo kule khweshine yokushiya inkonzo, iya kuthathwa njengeyimfihlo ngokungqongqo. |
| 5. |
Yakuba izaliswe ngokupheleleyo ikhweshine yokushiya inkonzo, mayigqithiselwe kwiCandelo loLawulo lwezaBasebenzi ngoBuchule (Iqwalaselwe ngu-Nks Charné Jones) UMgangatho wesi-8, eGolden Acre Building, Adderley Street, Cape Town, 8001. |
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2015:08:18
Grand Central Towers, Lower Parliament Street, Private Bag X9114, Cape Town 8000
Nceda ubhale iinombolo zesalathiso kuyo yonke imbalelwano
Employment and salary queries: 0861 92 33 22
Safe Schools: 0800 45 46 47
|
 |
