1. Injongo yale ngcaciso imfutshane kukukukhumbuza ngamagalelo acelwa kuwe okulungiselela ukwenziwa kweengxelo-mali liSebe leMfundo leNtshona Koloni zonyaka-mali ka-2014/2015. Le ngcaciso imfutshane mayifundwe neNgcaciso eMfutshane yoLawulo lweMicimbi yezeMali 0001/2015 (Financial Accounting Minute 0001/2015) engeenkqubo zokuvalwa kweBAS zonyaka-mali ka-2014/2015.
2. NgokweSiqendu (40)(1)(c) soMthetho woLawulo lweMali kaRhulumente, uMthetho 1 ka-1999, (Public Finance Management Act) (PFMA), 1999, (Act 1 of 1999)), njengoko ufakelwe izilungiso nguMthetho 29 ka-1999, iGosa eliMele ukuPhendula ngoSetyenziso lweMali (Accounting Officer) kufuneka lilungise iingxelo-mali zonyaka-mali ngamnye lize lizingenise ukuba ziphicothwe, zingadlulanga iinyanga ezimbini zokuphela konyaka-mali, kuMphicothi-zincwadi Jikelele (Auditor-General) (AG) nakuNondyebo wePhondo (Provincial Treasury), oya kulungisa iingxelo-mali ezidityanisiweyo (consolidated financial statements)). Oku kuthetha ukuba iingxelo-mali zeSebe iWCED ezigqityiweyo zaza sayinwa mazingeniswe ungadlulanga owe-31 Meyi 2015.
3. Ukwenzela ukuba iCandelo lezeMicimbi yeMali lingqinelane ngqo neemfuno ezingummiselo zePFMA, kubaluleke gqitha ukuba abantu abakolu luhlu luqhotyoshelweyo apha bangenise amagalelo abo kweli candelo ngokukhawuleza emva kokuvalwa kwalo nyaka-mali, okanye ungadlulanga owe-15 Apreli 2015 ukuba akaxhomekekanga ekuvalweni konyaka-mali. Kucelwa niqaphele ukuba amagalelo enu makahanjiswe namaxwebhu axhasayo, namakangeniswe ngokuthunyelwa ngekhompyutha, ngendlela nangexesha ekufunwa ngalo yi-Ofisi yoMphicothi-zincwadi Jikelele (AG’s Office). Onke amagalelo okanye amaxwebhu axhasayo angeniswayo engamaphepha (in hard copy format), makangqinisiswe njengachanekileyo (certified as correct) aze asayinelwe (signed off) ngumlawuli okanye yisuphavayiza echaphazelekayo.
4. Ukwenza kube lula ukujonga izalathiso (reference), kuza kuthunyelwa kwicandelo ngalinye nge-imeyili iikopi ezisekhompyutheni zeethempleyithi zokusetyenziswa xa kulungiswa iingxelo-mali ezifanele icandelo elo, kwakunye nesikhokelo esifanelekileyo sokunceda xa kulungiswa ezi ngxelo-mali kubantu abakuluhlu oluqhotyoshelweyo.
5. Nayiphi na imibuzo emalunga noku inokubhekiswa kuMnu MJ Comer kule nombolo yefoni 021 467 2736 okanye kuMnu H Mouton kule nombolo yefoni 021 467 2263.
6. Iya kuthakazelelwa kakhulu intsebenziswano yakho malunga noku.


ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2015:04:08

"Public Finance Management Act, 1999 (Act 1 of 1999)"  (ubukhulu: 487 KB)
"Control list of inputs received for annual financial statements"  (ubukhulu: 54 KB)