Byela emva     Close this Minute     Maak omsendbrief toe

ISALANTHISO:  20151008-4085
17/4
IMIBUZO:   ABaphathi beze-IMG    IFONI:   021 467 2000  IFEKSI:   021 467 9370

INGCACISO EMFUTSHANE YECANDELO LOLAWULO LOKUCWANGCISELA UKWENZIWA KOMSEBENZI NABATHATHI-NXAXHEBA:  0006/2015


IYA:   

KUMASEKELA BALAWULI-JIKELELE, KUBALAWULI ABAZIINTLOKO, KUBALAWULI, KWIINTLOKO ZOQUQUZELELO NENGCEBISO NGEZE-IMG, KUBAPHATHI BEEKOMITI ZEESEKETHE, KUBAPHATHI BEZE-IMG, KUMAGOSA ANIKA INKXASO NGEZEKHARITYHULAM, KWIINQUNUNU ZEZIKOLO ZIKARHULUMENTE EZIQHELEKILEYO, NAKUMALUNGU AMABHUNGA OLAWULO


 

INKQUBO YOKUBEKA ESWENI UPHUCULO LWEZIKOLO (SCHOOL IMPROVEMENT MONITORING (SIM))


1. Inkqubo yoKubeka eSweni uPhuculo lweZikolo (SIM) yokugqibela ukulungiselela u-2015 inemibuzo eyongezelelweyo ebuzwa liSebe leMfundo esiSiseko. Le mibuzo ivumela ukuba kugxininiswe ngakumbi kumba wokulungela kwezikolo u-2016.

2. Iinkcukacha zekota yesine zinikwe kuxwebhu oluqhotyoshelweyo.

3. Umhla wokungeniswa kwale SIM utshintshelwe kuMvulo we-09 Novemba 2015 ukunika ixesha elaneleyo lokulandelela imisebenzi emininzi ebekwe esweni.

4. Ziyacelwa izikolo ukuba zizihlaziye iingxelo zazo zeSIM qho ngoMvulo emva koku kude kube ngowe-01 Disemba 2015.

5. Ukwenzela ukuququzelela ukubekwa esweni kwemiba, makulandelwe le nkqubo ilandelayo:
5.1 Le miba iqhotyoshelweyo kuza kugxininiswa kuyo neya kubekwa esweni, iya kubonelelwa ukulungiselela ukusayinelwa kwayo kwi-CEMIS phantsi ko-"ADMINISTRATION".
5.2 Inqununu iya kuzifaka iimpendulo kwikhompyutha.
5.3 Inqununu iya kulusayinela uxwebhu kwi-CEMIS.
5.4 Umphathi weze-IMG uya kuyisayinela le miba kwi-Eduinfosearch emva kokusayinelwa kwayo okokugqibela ekupheleni kwekota nasemva kwengxoxo yokugqibela kunye nenqununu.
5.5 Iikopi eziprintiweyo zokusayinelwa okokugqibela nge-01 Disemba 2015 ziya kugcinwa sisikolo nanguMphathi weze-IMG.

6. Kuyabulelwa ukuzimisela kwenu kwimfundo esemgangathweni.


ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2015:10:09

Grand Central Towers, Lower Parliament Street, Private Bag X9114, Cape Town 8000
Nceda ubhale iinombolo zesalathiso kuyo yonke imbalelwano
Employment and salary queries: 0861 92 33 22
Safe Schools: 0800 45 46 47

La maxwebhu alandelayo abhekisele kule kwingcaciso.
Sebenzisa i-Adobe Acrobat Reader® ukuwafunda okanye ukuwaprinta.
Klikha kwisihloko esingezantsi:  uxwebu luya kuvula i-Acrobat Reader® apho unokugcina okanye uprinte ikopi.
Ukubuyela kule kwingcaciso, klikha kwi logo ye-WCED Online ephezulu kwesi sikrini.
ISixhobo soKuvavanya uKulungela kweSikolo u-2016 ne-SIM yeKota 4 ka-2015  (ubukhulu: 74 KB)
Byela emva     Close this Minute     Maak omsendbrief toe