| 1. |
Die Wes-Kaap Onderwysdepartement (WKOD) wil hiermee die kansellasie van Vakaturelys 3/2015 vir Instellingsgebaseerde Staatsdiensposte aankondig. |
| 2. |
Die Hoof van Onderwys het goedkeuring verleen vir die omskakeling van die tydelike aanstellings van staatsdienspersoneel na permanente aanstellings by publieke skole. |
| 3. |
Die omskakeling van 'n tydelike aanstelling na 'n permanente aanstelling word na goeddunke van die Hoof van die (WKOD) gedoen. |
| 4. |
'n Tydelike werknemer is 'n werknemer wat tans in 'n goedgekeurde substantiewe vakante pos in 'n tydelike hoedanigheid vir 'n vaste tydperk aangestel is. Hierdie definisie is nie van toepassing op staatsdienspersoneel wat in 'n waarnemende hoedanigheid in vakante substantiewe bevorderingsposte aangestel is nie. |
| 5. |
Die volgende maatstawwe vir die omskakeling van die aanstellingstatus van tydelik na permanent met ingang van 01 Januarie 2016 is van toepassing: |
| 5.1 |
Die omskakelingsproses is oop vir die volgende kategoriee by gewone publieke skole:
- Administrasie Klerk; en
- Algemene Assistent.
|
| 5.2 |
'n Permanente aanstelling sal in 'n vakante substantiewe pos gemaak word, en hierdie pos moet ook op die skool se diensstaat vir 2015 verskyn. |
| 5.3 |
Die betrokke werknemer moet tans in 'n tydelike hoedanigheid vir 12 maande by die WKOD in diens wees, met 'n aansteldatum van voor of op 01 Julie 2014.
|
| 5.4 |
Die gepasplasing van botallige werknemers sal voorkeur geniet. |
| 5.5 |
Versoeke vir omskakelings sal nie goedgekeur word waar werknemers wat botallig verklaar is, gepasplaas kan word nie. |
| 6. |
Alle spesiale skole is van die omskakelingsproses uitgesluit. |
| 7. |
Die sperdatum vir die indien van aansoeke is 14 Augustus 2015. |
| 8. |
Aansoeke om omskakelings van tydelike aanstellings na permanente aanstellings moet 'n voltooide Z83-vorm (aansoekvorm vir aanstelling) sowel as 'n motiveringsbrief via die beheerliggaam aan die WKOD insluit. Aansoeke moet na die volgende adres gestuur word:
Direktoraat: Werwing en keuring
Wes-Kaap Onderwysdepartement
3de Verdieping
Grand Central-gebou
Kaapstad
8000 |
| 9. |
Aansoeke vir die omskakeling van tydelike aanstellings na permanente aanstellings sal slegs oorweeg word indien dit vergesel word van 'n bevestiging vanaf die betrokke beheerliggaam en skoolhoof deur die voltooiing van die Verifikasievorm dat geen botallige werknemers vir die pos gewerf kon word nie. |
| 10. |
Skoolhoofde word versoek om te verseker dat hierdie minuut onder die aandag van hul beheerliggame en alle staatsdienspersoneel op hul diensstaat gebring word. |
GETEKEN: PA VINJEVOLD
HOOF: ONDERWYS
DATUM: 2015:08:03
|
 |