1. |
Die Wes-Kaap Onderwysdepartement (WKOD) het sy Uitdienstredingsbestuursvraelys, wat oorspronklik in 2011 uitgereik is, hersien om dit in lyn te bring met die Ministeriele Direktief van die Departement van Staatsdiens en Administrasie (DSA) om die Praktyk van Uitdienstredingsonderhoude in die Staatsdiens te Institusionaliseer (Institutionalise the Practice of Exit Interviews in the Public Service). |
2. |
Die bovermelde ministeriele direktief dui dat daar van alle departemente verwag word om jaarliks 'n uitdienstredingsbestuursontledingsverslag op te stel vir werknemers wie se diens vanwee swak gesondheid of 'n besering, aftrede en bedanking beeindig word. |
3. |
Ten einde die DSA se direktief na te kom, moet alle werknemers wat die diens van die WKOD vanwee swak gesondheid of 'n besering, aftrede en bedanking verlaat, die aangehegte Uitdienstredingsbestuursvraelys voltooi. Die voltooide vraelyste sal ontleed word om vas te stel waarom werknemers die staatsdiens verlaat en watter moontlike korrektiewe maatreels die WKOD kan neem om vaardige en bekwame werknemers te behou. |
4. |
Let asseblief daarop dat werknemers die hele vraelys volledig moet invul sodat die ontleding so insiggewend as moontlik kan wees. Die inligting wat op die uitdienstredingsvraelys verskyn, sal streng vertroulik hanteer word. |
5. |
Stuur asseblief die uitdienstredingsvraelys na die Direktoraat: Strategiese Mensbestuur (Aandag: Me Charné Jones: 8ste verdieping, Goue Akker-gebou, Adderleystraat, Kaapstad, 8001 sodra dit voltooi is. |
GETEKEN: PA VINJEVOLD
HOOF: ONDERWYS
DATUM: 2015:08:18
|
![](images/shim.gif) |