1. Die Wes-Kaap Onderwysdepartement (WKOD) het groot waardering vir die toewyding van staatsdienswerknemers wat daarop ingestel is om hulle kennis te verbreed en hulle vaardighede te ontwikkel.

2. Om hierdie rede staan die WKOD werknemers finansieel by sodat hulle verder kan studeer en rig dus 'n uitnodiging aan werknemers wat in 2016 deeltyds wil studeer om aansoek te doen om vir 'n beurs.

3. Beurse sal slegs aan aansoekers toegeken word indien hulle:

  • Suid-Afrikaanse burgers is;
  • permanente WKOD-werknemers is wat aangestel is ingevolge die Staatsdienswet van 1994 (Wet 103 van 1994);
  • voldoen aan die toelatingsvereistes van die betrokke opvoedkundige inrigting;
  • verbind is tot deeltydse studies gedurende 2016
  • studeer om 'n voorgraadse kwalifikasie te verwerf; en
  • nie in ontvangs van 'n staatsbeurs of enige ander beurs is nie.
4. Alle aansoeke sal geevalueer word ooreenkomstig die volgende kriteria:

  • die gepastheid van die voorgenome studieveld met betrekking tot die WKOD se huidige en toekomstige strategiese behoeftes;
  • die betrokke direktoraat se behoefte aan spesifieke of skaarsvaardighede;
  • gelyke beregtiging (ras, geslag, gestremdhede);
  • stedelike teenoor landelike gebiede;
  • verband met die spesifieke werkbeskrywing;
  • ontwikkelingstoepaslikheid;
  • salarisvlakke;
  • beskikbaarheid van fondse;
  • eerste of tweede nagraadse kwalifikasie teenoor voorgraadse kwalifikasie; en
  • die toesighouer se aanbeveling, wat die aansoek moet vergesel.
5. Aansoeke vir die volgende studievelde, waar daar 'n tekort aan gekwalifiseerde personeel is en/of 'n departementele behoefte ontstaan, sal voorkeur ontvang;

No Kwalifikasietitel Studieveld
1. Graad of Diploma Finansiële Bestuur, Finansiële Bestuurstelsels, Rekeningkunde, Ouditkunde
2. Graad of Diploma Menslikehulpbronbestuur
3. Graad of Diploma Openbare Bestuur

6. Alle aansoeke moet teen die sluitingsdatum - Vrydag 18 September 2015 by die Direktoraat: Strategiese Mensbestuur, vir aandag: L Ndzongo/NP Funani by kamer 9, 8ste Vloer Goue Akker Gebou, Kaapstad, 8001 of Privaatsak X9114, Kaapstad, 8000 ingedien word.

7. Elke beursaansoek moet uit die volgende dokumente bestaan:

  • 'n Voltooide "Application for Study Bursary"-vorm (aanlyn beskikbaar).
  • 'n Geskrewe beraming van studiekoste (registrasie, onderiggeld en ander studieverwante uitgawes) vir die 2016 akademiese jaar. Hierdie inligting kan verkry word van tersiere inrigtings.
  • Die toesighouer se aanbeveling op die aansoekvorm.
8. Geen laat, onvoltooide, gefaksde of onleesbare aansoeke sal in aanmerking geneem word nie.

9. Die Beurskomitee sal alle aansoeke oorweeg en dan aanbevelings maak oor die toekenning van beurse. Beurstoekennings sal nie die volle registrasie- en onderrigeld oorskry nie, maar sal dit ook nie noodwendig volledig dek nie. Die aantal aansoeke wat ontvang is en die beskikbare fondse sal bepaal hoeveel beurse toegeken sal word.

10. Elke suksesvolle aansoeker sal 'n formele ooreenkoms met die WKOD moet aangaan om 'n jaar se diens te lewer vir elke jaar waarvoor die beurs toegeken is, en om te voldoen aan al die ander bepalings wat in die ooreenkoms uiteengesit is.

11. Moet asseblief nie huiwer om die persone wat in die briefhoof bo-aan hierdie minuut gemeld, word te kontak indien u verdere inligting benodig oor die beursskema nie.

12. Maak asseblief seker dat al die personeellede in u komponent bewus is van die inhoud van hierdie minuut.


GETEKEN: PA VINJEVOLD
HOOF: ONDERWYS
DATUM: 2015:08:12

"Public Service Act, 1994 (Act 103 of 1994)"  (grootte: 183 KB)
Bylae A: Toesighouer se aanbeveling  (grootte: 22 KB)
Aansoek om publieke diens beurs 2016  (grootte: 79 KB)