1. Die Menslikekapitaal-verlofbestuurstelsel (MK-VBS) is sedert 2008 in werking. Om te verseker dat die naam van die stelsel al die modules wat op die stelsel beskikbaar is saamvat, is die stelsel na die Mensebestuurspraktyke Stelsel hernoem (MBPS). Alhoewel die naam verander het, sal die webtuiste se adres en hulptoonbankbesonderhede dieselfde bly.

2. Ten einde die benutting en doeltreffendheid van die MK-VBS te optimaliseer, is die Kontrakaanstellingnasporingstelsel (KAN)-module op die stelsel geaktiveer.

3. Deur die MBPS te gebruik, sal die KAN-module skoolhoofde in staat stel om 'n kontrak- of plaasvervanger-opvoeder by 'n spesifieke skool te nomineer. Die benutting van die KAN sal die skole se nodigheid om nominasies per hand aan Hoofkantoor te stuur, uitskakel. Dit sal ook help met die bespoediging van betalings aan werknemers. In omstandighede waar skole nie in staat is om die KAN-module op die MBPS te gebruik nie, sal voorleggings steeds per hand aanvaar word.

4. Let asseblief daarop dat:

  • Buitelandse werknemers van hierdie stelsel uitgesluit is. Hulle besonderhede sal per hand vasgevang word.
  • Indien 'n werknemer nie 'n Persalnommer het nie, sal die stelsel 'n unieke nommer genereer wat dan gebruik kan word.
  • Die oplaai van 'n aansoekvorm is verpligtend. Slegs dokumente in PDF-formaat sal aanvaar word om opgelaai te word.
  • Indien 'n fout met die nominasie, op die stelsel gemaak word, sal die rekord eers 24 uur nadat die vasgevang is, gereed wees vir redigering / skrapping. Dit is weens die agtergrond geldigheidsvalidering wat in plek is.
5. Volg asseblief die volgende stappe om die nominasies op die KAN-module vas te vang:

  • Stap 1: Die skoolhoof moet op die stelsel aanteken deur hulle unieke gebruikersnaam en wagwoord te voorsien (http://lms.pgwc.gov.za).
  • Stap 2: Kies die KAN-module op die boonste ry van die tuisblad. Kies "Add nominee".
  • Stap 3: Voeg die identiteitsnommer van die genomineerde opvoeder in en kliek "Search". 'n Lys van vorige genomineerdes sal vir opvoeders wat voorheen by ander skole genominieer is, verskyn. 'n Opsie om 'n nuwe nominasie by te voeg, sal ook beskikbaar wees.
  • Stap 4: Vyf (5) oortjies "tabs" sal verskyn met verskeie velde wat voltooi moet word. "(Tab 1: Personal Details, Tab 2: Contact Details, Tab 3: Employment Details, Tab 4: Post Details, Tab 5: Form Uploads)". Voltooi elk van die oortjies en stoor die inligting na elke oortjie.
6. Sodra 'n elektroniese nominasie via die KAN-module ingedien word, sal die Direktoraat: Diensvoordele die aansoek verwerk.


GETEKEN: PA VINJEVOLD
HOOF: ONDERWYS
DATUM: 2015:01:28