| VERWYSING: | 45835
3/1/5/2-2014/15 |
 | | NAVRAE: | MJ Comer | TEL.: | 021 467 2000 | FAKS: | 021 467 2996 |
FINANSIËLEREKENINGKUNDEMINUUT: 0002/2015 |
AAN: | DIE HOOFDIREKTEUR: FISIESE HULPBRONNE
DIE DIREKTEUR: INFRASTRUKTUURBEPLANNING EN BESTUUR
DIE DIREKTEUR: INRIGTINGSHULPBRONONDERSTEUNING
DIE HOOFDIREKTEUR: MENSEBESTUUR
DIE DIREKTEUR: DIENSVOORDELE
DIE DIREKTEUR: WERWING EN KEURING
DIE ADJUNK-DIREKTEUR-GENERAAL: FINANSIES (HFB)
DIE HOOFDIREKTEUR: FINANSIËLE BESTUUR
DIE DIREKTEUR: FINANSIËLE REKENINGKUNDE
DIE DIREKTEUR: BESTUURSREKENINGKUNDE
DIE DIREKTEUR: VERKRYGINGSBESTUUR |
| INSETTE VIR DIE SAAMSTEL VAN FINANSIËLE STATE VIR DIE 2014/2015 FINANSIËLE JAAR |
| 1. |
Die doel van hierdie minuut is om u te herinner aan die insette wat van u vereis word vir die samestelling van die finansiële state deur die Wes-Kaap Onderwysdepartement (WKOD) vir die 2014/2015 finansiële jaar. Hierdie minuut moet saamgelees word met Finansiële Rekeningkundeminuut 0001/2015 betreffende die BRS sluitingsprosedures vir die 2014/2015 finansiële jaar. |
| 2. |
Ingevolge artikel 40(1)(c) van die Wet op Openbare Finansiële Bestuur (WOFB), 1999 (Wet 1 van 1999), soos gewysig deur Wet 29 van 1999, moet die Rekenpligtige Amptenaar die finansiële state vir elke finansiële jaar voorberei en hulle binne twee maande na die einde van 'n finansiële jaar by die Ouditeur-Generaal (OG) en die Provinsiale Tesourie indien, wat die gekonsolideerde finansiële state sal voorberei. Dit beteken dat die WKOD se voltooide en ondertekende finansiële state teen nie later nie as 31 Mei 2015, ingedien moet word. |
| 3. |
Om die Direktoraat: Finansiële Rekeningkunde in staat te stel om aan die vereistes van die WOFB te voldoen, is dit noodsaaklik dat die persone op die aangehegte lys hulle insette, so spoedig moontlik na die sluiting van die finansiële jaar, aan hierdie direktoraat voorlê, of teen nie later nie as 15 April 2015, indien nie onderhewig aan die sluiting nie. Let asseblief daarop dat insette vergesel moet word van ondersteunende dokumentasie in elektroniese formaat, soos en wanneer dit deur die OG se kantoor vereis word. Alle insette of ondersteunende dokumentasie wat in hardekopieformaat ingelewer word, moet deur die betrokke direkteur of toesighouer as korrek gesertifiseer en afgeteken word. |
| 4. |
Vir maklike verwysing sal elektroniese weergawes van die uittreksels uit die profielvorm vir die samestelling van die finansiële state, soos van toepassing op elke afdeling, saam met die betrokke gids vir die voorbereiding van finansiële state aan die persone op die aangehegte lys ge-e-pos word. |
| 5. |
Enige navrae in hierdie verband kan gerig word aan mnr MJ Comer by tel. no 021 467 2736 of mnr H Mouton by tel. no. 021 467 2263. |
| 6. |
U samewerking sal opreg waardeer word. |
GETEKEN: PA VINJEVOLD
HOOF: ONDERWYS
DATUM: 2015:04:08
Grand Central Towers, Laer-Parlementstraat, Privaatsak X9114, Kaapstad 8000
Meld asseblief verwysingsnommers in alle korrespondensie
Indiensneming- en salarisnavrae: 0861 92 33 22
Veilige Skole: 0800 45 46 47
|
 |
