| 1. |
Die Wes-Kaap Onderwysdepartement sal weereens die implementering van die Skoolverbeteringsplanne in 2015 monitor. |
| 2. |
In 2015 sal die volgende fokusareas in die Skoolverbeteringsmonitering (SVM) van die Skoolverbeteringsplan (SVP) gemonitor word:
- Voorbereiding vir, en implementering van, die SVP;
- Werkboeke;
- Handboeke;
- Slaagkoerse vir graad 1 en 9;
- Bestuur (vergaderings met ouers, kurrikulumdekking, databestuur, leerder- en onderwyserbywoning, vul van vakatures, onderwyserontwikkeling);
- Dae waarop onderrig nie plaasgevind het nie, insluitende vir eksamens en vergaderings;
- Tafels en stoele;
- Infrastruktuur, met die fokus op toilette; en
- Finansiele bestuur.
|
| 3. |
Die besonderhede per kwartaal word in die aangehegte dokument verskaf. |
| 4. |
Die SVP moet soos volg deur beide die skool en beamptes voltooi word:
| Tydperk |
Sperdatum |
| Kwartaal 1 |
27 Maart 2015 |
| Kwartaal 2 |
19 Junie 2015 |
| Kwartaal 3 |
23 September 2015 |
| Kwartaal 4 |
13 November 2015 |
|
| 5. |
Ten einde die monitering te vergemaklik, moet die volgende prosedures gevolg word: |
| 5.1 |
Die moniteringfokus sal elke kwartaal in 'n minuut voorsien word. |
| 5.2 |
Hierdie moniteringfokusitems sal op die SOBIS onder "ADMINISTRATION" verskaf word vir aftekening. |
| 5.3 |
Die prinsipaal sal antwoorde aanlyn vaslê. |
| 5.4 |
Die IBB-bestuurders sal 'n afspraak maak om die terugvoering te bespreek, en die voltooide blad sal deur beide partye onderteken word. |
| 5.5 |
Die prinsipaal sal op SOBIS afteken. |
| 5.6 |
Een harde kopie sal, vir ouditeringsdoeleindes, deur die IBB-bestuurder bewaar word. 'n Tweede een sal by die skool gehou word. |
| 5.7 |
Die IBB-bestuurder sal op Eduinfosearch afteken. |
| 6. |
Enige navrae sal deur die IBB-bestuurder hanteer word. |
| 7. |
Ons dank u vir u verbintenis tot gehalte-onderrig. |
GETEKEN: PA VINJEVOLD
HOOF: ONDERWYS
DATUM: 2015:01:10
|
 |