 | | IMIBUZO: | G Valentine | IFONI: | 021 467 2919 | IFEKSI: | 086 5611 665 |
INGCACISO EMFUTSHANE YECANDELO LOLAWULO LWEEMVIWO: 0002/2015 |
IYA: | KUMASEKELA BALAWULI-JIKELELE, KUBALAWULI ABAZIINTLOKO, KUBALAWULI (KWANDLUNKULU NAKWII-OFISI ZEZITHILI ZEMFUNDO), KUMASEKELA BALAWULI, KWIINGCALI ZEMFUNDO EZIZIINTLOKO, KWIINTLOKO ZOQUQUZELELO NENGCEBISO NGEZEKHARITYHULAM, KUBAPHATHI BEEKOMITI ZEESEKETHE, KWIINTLOKO ZOQUZELELO NENGCEBISO NGEZEIMG, KUMASEKELA EENGCALI ZEMFUNDO EZIZIINTLOKO, KUBACEBISI NGEZEKHARITYHULAM NAKUBAPHATHI BAMAZIKO ALUNGISELELA ABAVIWA IIMVIWO ZE-AET LEVEL 4 |
| UBHALISO LWABAFUNDI LWEEMVIWO ZANGOJUNI 2015 ZE-AET LEVEL 4 NGENJONGO YOKUFUMANA I-GENERAL EDUCATION AND TRAINING CERTIFICATE |
| 1. |
Iimviwo zeMfundo noQeqesho lwaBadala (AET) Level 4 zicwangciselwe ukuqala ngoMvulo, we-01 Juni 2015 ziphele ngoLwesine, we-25 Juni 2015. |
| 2. |
Kucelwa onke amaZiko eMfundo oLuntu abhalisiweyo eSebe leMfundo leNtshona Koloni (WCED) ukuba abhalisele abaviwa bawo ezi mviwo kwiinkalo zokufunda abazikhethele zona, ngokuxhomekeka ekubeni abaviwa bayigqibile yonke imigangatho yeeyunithi (unit standards) kwiinkalo zezifundo ezichaphazelekayo. |
| 3. |
Kunyanzelekile ukuba zonke iifom zobhaliso (entry forms) zihanjiswe nekopi eqinisekisiweyo (certified copy) yesazisi (identity document) somviwa. |
| 4. |
Uviwo lwenkalo yesifundo lwenza i-50% yamanqaku ewonke, lo gama i-50% eseleyo iya kufunyanwa kwiiphothifoliyo zeemvavanyo eziqhubekela esikolweni ezimodareyithiweyo (moderated school-based assessment (SBA) portfolios). |
| 5. |
MAKUNGABIKHO MFUNDI UVUNYELWAYO UKUBHALISELA INKALO YESIFUNDO UKUBA UMFUNDI OLOLO HLOBO AKAWUGQIBANGA UMSEBENZI WE-SBA KULO NKALO YESIFUNDO ICHAPHAZELEKAYO. ABAFUNDI ABANGENAWO AMANQAKU E-SBA ABASAYI KUFUMANA ZIPHUMO. |
| 7. |
Ngako oko ke, kucelwa abaphathi bamaziko ukuba bazalise ifom yobhaliso (entry form) efakwe apha ngomviwa ngamnye onqwenela ukubhala iimviwo. Ukuba umviwa akabangakho ngenxa yokugula okanye ngenxa yezinye iimeko ezingenakuthintelwa, ifom yobhaliso yomviwa ololo hlobo, mayisayinwe ngumphathi weziko, nomakabonise ngakwisiginitsha yakhe ukuba umviwa ebengekho. |
| 8. |
Kucelwa uqaphele ukuba akusayi kuvunyelwa lutshintsho kwiinkalo zezifundo emva kokuba ubhaliso lwabaviwa lugqityiwe. Ngako oko ke, iifom zobhaliso mazizaliswe ngokuchanekileyo. |
| 9. |
Zonke iifom ezizaliswe ngokupheleleyo, zaza zalandelelaniswa ngokwe-alfabethi, zikunye nesiHlomelo A mazifike kwiSebe leMfundo kule dilesi ilandelayo engadlulanga uLwesihlanu, we-17 Apreli 2015 (Akukho zifom zifike emva kwexesha ziya kwamkelwa):
|
ISAYINWE: NGU-BK SCHREUDER
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2015:03:26
Grand Central Towers, Lower Parliament Street, Private Bag X9114, Cape Town 8000
Nceda ubhale iinombolo zesalathiso kuyo yonke imbalelwano
Employment and salary queries: 0861 92 33 22
Safe Schools: 0800 45 46 47
|
 |
