| 1. |
ISebe leMfundo leNtshona Koloni (WCED) lixhalabile yinkqubo engancumisiyo kwiMathematika, kuLwimi lweeNkobe nakuLwimi lokuQala oloNgezelelweyo eNtshona Koloni kuVavanyo loNyaka lukaZwelonke (Annual National Assessment (ANA)) ngo-2014 kwiBakala 9. |
| 2. |
Iziphumo zephondo zolwimi lokufunda nokufundisa, zibonisa ukuba i-48,7% yabafundi bafumene inqanaba lokupasa elamkelekileyo kuLwimi lweeNkobe lwabo, lo gama kuphela i-24,2% yaye yenjenjalo kuLwimi lokuQala oloNgezelelweyo lwabo. KwiMathematika kuphela yi-6,2% yabafundi kwiphondo abaye bafikelela kwinqanaba elamkelekileyo kwi-ANA. |
| 3. |
Khon' ukuze kuphuculwe ezi ziphumo kucetyiswa isicwangciso songenelelo ngoncedo oluzizigaba ezithathu (three-tier intervention plan) omalulandelwe zizikolo. Esi sicwangciso sinenjongo eyodwa yokuphucula iziphumo ze-ANA zeBakala 9 kwizikolo apho ireyithi yokupasa yayinganeno kwe-20% kwiMathematika noLwimi lokuQala oloNgezelelweyo, okanye yanganeno kwe-50% kuLwimi lweeNkobe.
|
| 4. |
Ungenelelo ngoncedo oluzizigaba ezithathu lubandakanya okulandelayo: |
| 4.1 |
Iprogram yokusebenza edwelisa iinkalo eziphambili ngokobaluleko eziya kufundiswa kwezi zifundo ezihamba namaxwebhu amisela isantya sokufundisa iiLwimi neMathematika (pace setters for Languages & Mathematics) kunye |
| 4.2 |
Uviwo olukumgangatho ofanayo ngoJuni kwezi zifundo. |
| 5. |
Kucelwa izikolo ke ngoko ukuba ziqaphele iinkalo eziphambili (isiHlomelo B) ngokobaluleko emazithagethwe zamaBakala 8 no-9 kwezi zifundo zikhankanywe apha ngasentla ukwenzela ukusombulula iingxaki ezifunyanwa ngabafundi ngethuba leemvavanyo ngokukodwa kwi-ANA. |
| 6. |
IsiHlomelo B siya kunika ootitshala amaxwebhu okuncedisa isantya amaBakala 8 no-9 sokufunda kwiMathematika. La maxwebhu okuncedisa isantya sokufunda aya kunceda ootitshala ekusebenziseni ixesha elifunekayo ukufundisa iikhonsepthi eziphambili ngokobaluleko kwezi zifundo zikhankanywe apha ngentla.
|
| 7. |
Amaphepha oviwo akumgangatho ofanayo kunye neememoranda zeMathematika, zoLwimi lweeNkobe noLwimi lokuQala oloNgezelelweyo aya kusetwa liqela leengcali elibandakanya abacebisi ngezekharityhulam kunye nootitshala. Amaphepha emibuzo oviwo aya kusekelwa kwiimfuneko ze-CAPS kwaye ziya kugxininisa ngokukodwa kwiinkalo eziphambili ngobaluleko kwiprogram yokusebenza eqhotyoshelweyo. Injongo yala maphepha emibuzo oviwo yile:
- ukumisela umgangatho ofanayo wenkqubo yovavanyo;
- ukubonelela ootitshala ngamanqaku athembakeleyo oviwo afanelekileyo ngoJuni;
- ukulungiselela abafundi beBakala 9 uvavanyo lwe-ANA ngeKota 3;
- ukuphucula inkqubo engekho semgangathweni kwizifundo ezikhankanywe ngentla;
- Ukuseka iziko ledatha yokulandelela abafundi abafumene amanqaku angaphezu ko-50% kwi-ANA.
|
| 8. |
Lo gama ukubhalwa kwamaphepha emibuzo oviwo kuvuleleke kuzo zonke izikolo, izikolo ezifumena amanqaku anganeno komlinganiselo oqingqiweyo obhalwe kwingongoma 3 apha ngentla kofuneka zithathe inxaxheba kule projekthi. |
| 9. |
Kucelwa ezi zikolo zizalise isiHlomelo C zize zisibuyisele ngokusithumela ngefeksi okanye nge-imeyili kuMququzeleli weGET wesithili sazo ungadlulanga owe-24 Apreli 2015. |
| 10. |
Amaphepha emibuzo oviwo aya kufakwa kwiziko lewebhu iMoodle yeWCED aze athunyelwe nge-CD kwii-ofisi zezithili ungadlulanga owe-25 Meyi 2015. Izikolo ezithatha inxaxheba ziya kubhala amaphepha emibuzo ahlukeneyo ngezi ntsuku zilandelayo:
Amaphepha emibuzo oviwo akumgangatho ofanayo eeLwimi (HL ne-FAL) nge-3 ne-5 Juni 2015:
| 10 Juni |
IBkl 9 |
IPhepha 2 |
Uvavanyo-kuqonda nosetyenziso-lwimi |
2 h |
| IBkl 8 |
IPhepha 2 |
Uvavanyo-kuqonda, usetyenziso-lwimi noluncwadi
Izikolo mazisetele amaphepha emibuzo eBkl 8 oluncwadi ngaphakathi |
2 h |
| |
| 12 Juni |
IBkl 9 |
IPh 3 |
Ukubhala: Isincoko & ubhalo lweetranzakshini |
1 h |
| IBkl 8 |
IPh 3 |
Ukubhala: Isincoko & ubhalo lweetranzakshini |
1 h |
| Qaphela 1: 8 & 9 |
IPhepha 1 leBkl 8 & 9 - Amanqaku eorali makavavanywe sisikolo kwiKota 1 no-2 |
| Qaphela 2: IBkl 9 |
IPhepha 4 – Izikolo mazisete amaphepha emibuzo azo ukuvavanya iintlobo ezahlukeneyo zoluncwadi esezifundiswe kwiKota 1 no-2. |
Amaphepha emibuzo oviwo akumgangatho ofanayo eMathematika nge-8 ne-10 Juni 2015:
| 11 Juni |
IBkl 8 & 9 IPhepha 1 Number, Algebra |
1½ h |
| |
| 17 Juni |
IBkl 8 & 9 IPhepha 2 Shape & Space, Measurement & Gr 8 Data |
1½ h |
|
| 11. |
Nje ukuba iziphumo zigqitywe ukucazululwa kukhuthazwa ootitshala ukuba banike inkxaso kubafundi ngokunxulumene nezikhewu eziqatshelweyo. Imibuzo ye-ANA mayibandakanywe kwinkqubo yokufunda, ukufundisa kwanokuvavanya apha enyakeni. Mayingabonakali njengomsebenzi ozimele wodwa jwi. |
| 12. |
Kucelwa iinqununu zazise okukule ngcaciso emfutshane bonke ootitshala beelwimi neMathematika abakwiSigaba esiPhakamileyo ukuze bakuthathele ingqalelo. |
ISAYINWE: NGU-BK SCHREUDER
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2015:04:24
|
 |