| 1. |
ISebe leMfundo leNtshona Koloni (WCED) lixhalabile kukuba ii-Annual National Assessment (ANA) zango-2014 zibonisa ukuba abafundi bamaBakala 1 – 6 abakaqhubi ngokwamanqanaba awamkelekileyo kuLwimi nakwiMathematika. |
| 2. |
Ngokumalunga nesiCwangciso soMsebenzi (Action Plan) 2014: Towards the Realisation of Schooling 2025, abafundi kumaBakala 3 no-6 mabaphumelele ngeyona pesenti isezantsi (minimum competency) engu-60% kuLwimi nakwiMathematika ngo-2014. Le theyibhile ingezantsi ibonisa umndilili wepesenti yephondo efunyenwe kwi-Annual National Assessment (ANA)) kuLwimi nakwiMathematika.
| IBakala |
ULwimi lweeNkobe |
ULwimi lokuQala oloNgezeleweyo |
IMathematika |
| 3 |
53.7 % |
N/A |
53.6 % |
| 6 |
60.4 % |
41.8 % |
11.9 % |
|
| 3. |
Nangona iziphumo zibonisa ukuba abafundi baphumelele ngo-60% ongumyinge oyiavareji eyeyona isezantsi kwiBakala 6 kuLwimi lweeNkobe, kusekho amathuba okuwuphucula lo mgangatho njengoko ithagethi ka-2019 ngokwesi sicwangciso somsebenzi singentla, ikukuba bonke abafundi kula maBakala mabaphumelele ngo-75% oyeyona pesenti isezantsi kuLwimi nakwiMathematika. |
| 4. |
Ngenxa yoku, lugqityiwe ucazululo lweziphumo yaye kucetyiswa izikolo ngesicwangciso songenelelo ngoncedo esidwelisa iinkalo eziyiprayorithi ephambili kuLwimi nakwiMathematika nemazilandelwe zizikolo ukususela kwiKota 2. |
| 5. |
Ziyacelwa izikolo ngoko ke ukuba ziziqwalasele iinkalo eziyiprayorithi ephambili ekufuneka zithagethiwe kumaBakala 1-6 kwezi zifundo zikhankanywe apha ngentla ukwenzela ukujongana neengxaki abafundi abazifumanayo ngethuba leemvavanyo ze-ANA nezeNkqubo yeMfundo yeSebe iWCED. |
| 6. |
IsiHlomelo A sinika inkcazo ngeenkalo eziyiprayorithi eziza komelezwa kumalungiselelo eemvavanyo ze-ANA nezeNkqubo yeMfundo yeSebe iWCED ngo-2015. Bayakhuthazwa ootitshala ukuba banike inkxaso abafundi ngokumalunga nemisantsa eqatshelweyo kwikhontenti. Imibuzo ye-ANA nemibuzo eyimizekelo yeSebe iWCED (WCED exemplars) mayibandakanywe ekufundiseni, ekufundeni nakwinkqubo yovavanyo kunyaka wonke yaye mayingaze ibe yimisebenzi ezimeleyo eyenziwa yodwa. |
| 7. |
Ootitshala mababenze bazisebenze abafundi iincwadi zokwenza umsebenzi zeDBE njengoko kukho ubungqina bokuba ukuzisebenzisa ezi ncwadi kuvelisa iziphumo ezihle. |
| 8. |
Ziyacelwa iinqununu ukuba zazise okuqulethwe kule ngcaciso imfutshane ikomiti yolawulo yesikolo nootitshala abachaphazelekayo ukuze bakuthathele ingqalelo. |
ISAYINWE: NGU-BK SCHREUDER
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2015:04:24
|
 |