| 1. |
IVeki yeSayensi kaZwelonke (National Science Week (NSW)) sisiganeko saminyaka le sokubhiyozela iSayensi neThekhinoloji, uBunjineli, iMathematika neZinto eziNtsha ezinxulumene nayo (Science, Technology, Engineering, Mathematics and Innovation (STEMI)) kwilizwe ngokubanzi. IVeki yeMathematika kaZwelonke iye yabandakanywa kwiVeki yeSayensi kaZwelonke, iphulo leSebe leSayensi neThekhinoloji (Department of Science and Technology (DST)). IVeki i-NSW ilawulwa yi-South African Agency for Science and Technology Advancement (SAASTA)) eyiyunithi yezoshishino ye-National Research Foundation (NRF). |
| 2. |
NgeVeki yeSayensi kaZwelonke (NSW) kuya kugxilwa ngokukodwa ekufundiseni iSayensi neMathematika. Injongo yoku kukwenza ezi zifundo zibe nomtsalane ngakumbi kubafundi yaye zibe zizifundo abazithandayo nezityebisa ulwazi lwabo nolwabahlali ngokubanzi. Izikolo zinokuqaqambisa igalelo leMathematika neSayensi njengesiseko samakhondo omsebenzi kwiSayensi, kwiThekhinoloji, nakwimisebenzi yezolawulo. IVeki ye-NSW isisixhobo sokwazisa ngeSayensi neMathematika nesokwandisa ulwazi lukawonke-wonke lokuziqonda kakuhle nokuzixabisa ezi zifundo.
|
| 3. |
ISebe leMfundo leNtshona Koloni (WCED) licela zonke izikolo ukuba ziququzelele imisebenzi ekhethekileyo esekelwe kwezi zifundo ngethuba leveki yeNSW neya kuqala ukususela ngoMgqibelo we-1 ukuya kuMgqibelo we-8 Agasti 2015. Eyona nto inqwenelekayo kukuba kuthathwe inxaxheba ngabafundi nangabazali babo. Kugxininswa ekubeni mababe nolwazi ngeMathematika nangeSayensi kubomi bethu bemihla ngemihla, bakonwabele ukufunda yaye bathathe inxaxheba ngokusebenzisana. |
| 4. |
Iziko lewebhu leSebe iWCED lineengcinga ezigqwesileyo malunga nemisebenzi ekungafikelelwa kuyo ngolu hlobo lulandelayo:
- Vula i-home page yeSebe iWCED
- Khetha u-"Teaching/curriculum support" (ezantsi kwikholam engasekhohlo)
- Khetha i-"National Maths and Science Week" kwi-black toolbar ephezulu uze
- Ukhethe iifolda ozifunayo
|
| 5. |
Imibutho engekho phantsi kukarhulumente, amaziko emfundo ephakamileyo namanye amagosa ezithili zemfundo banokuba bakhe benza izicelo zenkxaso-mali kwi-SAASTA ukulungiselela ukucwangcisa nokuqhuba iiprojekthi ezinkulu ezichaphazela iMathematika neSayensi ngethuba leVeki yeNSW. Iziko lewebhu leSebe iWCED liya kubonelela ngeprogram yemisebenzi yeSayensi eya kuqhubeka eNtshona Koloni. |
| 6. |
ISebe i-WCED lingathanda ukunika izikolo amathuba okwabelana namanye amagosa nezinye izikolo ngemisebenzi yazo kwiphondo. Ziyakhuthazwa kwakhona izikolo ukuba ziwabandakanye amagosa ezithili yaye zithathe iifoto nee-video clips ukwenzela ukuba xa kunokwenzeka, zipapashwe kwiziko lewebhu leSebe iWCED. Ezi zinto zinokunikwa abacebisi bezifundo ukuze bazifake kwiziko lewebhu. Zinokuthathelwa ingqalelo nezinye iindidi zemidiya ezifana ne-facebook page yeSebe iWCED no-YouTube.
|
| 7. |
ISebe liyawathakazelela amalinge angamanye enziwa ngootitshala bethu okucacisa nokwenza konwatyelwe ukufunda nokufundisa iMathematika neSayensi. |
ISAYINWE: NGU-BK SCHREUDER
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2015:07:01
|
 |