1. I-Africa Code Week liphulo lezwekazi jikelele lokukhuthaza ukufaka iikhowudi ekhompyutheni (iprogram yokufaka iikhowudi ekhompyutheni) kulutsha kusetyenziswa isoftware efumaneka simahla.

2. ICape Town Science Centre isingatha isiganeko esisalingwayo i-Africa Code Week exhaswa ngemali yinkampani ye-software yamazwe ngamazwe yaza yaqalisa ukusetyenziswa yiSimplon and Galway Education Centre.

3. Isiganeko sephulo elisalingwayo i-Africa Code Week sesenziwe ngokukodwa eNtshona Koloni ngeeseshoni zoomasifundisane zasimahla zootitshala ezinesihloko esithi "Qeqesha uMqeqeshi" ("Train the Trainer") kunye nezabafundi abaneminyaka yobudala eyi-8 - 11 zokufaka iikhowudi ekhompyutheni.
3.1 Oomasifundisane abasimahla abasihloko sithi "Qeqesha uMqeqeshi" bootitshala baya kusingatha okulandelayo:

  • Kutheni kufakwa iiprogram zokufaka iikhowudi ekhompyutheni/iiprogram zokufaka iikhowudi ekhompyutheni kubafundi abaselula?
  • Indlela yeprogram yokufaka iikhowudi ekhompyutheni/iprogram yokufaka iikhowudi ekhompyutheni kusetyenziswa i-SCRATCH (isoftware yasimahla).
  • ndlela yokuququzelela umasifundisane weprogram yokufaka iikhowudi ekhompyutheni/iprogram yokufaka iikhowudi ekhompyutheni yabafundi abaneminyaka eyi-8 - 11.
  • Indlela yokuququzelela oomasifundisane babafundi ngethuba le-Africa Code Week ukususela nge-01 – 10 Oktobha 2015.
3.2 Oomasifundisane babafundi abenziwa simahla (abenzelwa abafundi abaneminyaka yobudala eyi-8 - 11) banenjongo yokwazisa ngeprogram yokufaka iikhowudi ekhompyutheni/iprogram yokufaka iikhowudi ekhompyutheni kwanokubethelela umdla kwizakhono zokufunda zenkulungwane ye-21 ngaphandle kwaseklasini, bekhuthaza:

  • ULwazi lokuFunda nokuBhala;
  • IMathematika;
  • Izakhono zokusombulula iingxaki;
  • Ulwazi lwesiseko lwekhompyutha; kunye
  • nolwazi lwendlela yokusebenza kwekhompyutha, o.k.t. ukucinga ngeenkqubo ezikhoyo kwihlabathi liphela.
4. I-Africa Code Week liphulo elitsha yaye nabaqalisi balo bakhuthaza abafundi nootitshala baseNtshona Koloni ukuba babe ngabokuqala ukuzibandakanya kweli nyathelo liyimbali lelizwekazi ngokubanzi ngokubhalisela ukuthatha inxaxheba kwimisebenzi yesiganeko esisalingwayo sasimahla. Ootitshala abathatha inxaxheba nabafundi baya kunikwa izixhobo zasimahla, iziphungo kunye neSatifikethi sokuHamba ooMasifundisane (Certificate of Attendance).

5. ISebe leMfundo leNtshona Koloni (WCED) likhuthaza izikolo ukubhalisa nokuthatha inxaxheba kwisiganeko sephulo elisalingwayo i-Africa Code Week ngo-2015.

6. IWCED icela izikolo ziqwalasele le mihla ichaphazelekayo yeli linge lisalingwayo:

  • Nge-30 okanye nge-31 Meyi 2015 (ngoMgqibelo okanye ngeCawa) - ootitshala banokuza kwiseshoni yakusasa okanye yasemva kwemini engadlulanga kwiiyure eziyi-3 nokuba loluphi kolunye lwezi ntsuku.
  • Nge-01 - 05 Juni 2015 - oomasifundisane babafundi baya kuqhubekela eCape Town Science Centre. Izikolo zinako, nakuba kunjalo, ukucela aba masifundisane baqhube ithuba leyure ezikolweni zabo ukulungelanisa neeshedyuli zabafundi/zesikolo.
7. Makuthunyelwe lonke unxibelelwano eCape Town Science Centre nge-imeyili, ngeSMS kunye/okanye ifoni. Ootitshala mababhale indlela emakuqhagamshelwane ngayo nabo ngethuba lokubhalisa.

8. Malunga nemibuzo engaphezulu okanye ubhaliso kucelwa uqhagamshelane neCape Town Science Centre ngefoni, ifeksi okanye utyelele iziko lewebhu:

Ifoni 021 300 3200 (Gabi okanye icandelo igosa elichaphazelekayo lokunika ingcaciso); 083 276 9501 (Julie)
Ifeksi 086 519 7227
I-imeyili leigh@capetownsciencecentre.org.za or julie@ctsc.org.za
Iziko lewebhu http://ctsc.org.za
Ubhaliso ekhompyutheni www.ctsc.org.za/africacodeweek

9. Kucelwa iinqununu zazise okukule ngcaciso imfutshane bonke ootitshala bamaBakala 3 – 5 ukuze bakuthathele ingqalelo.


ISAYINWE: NGU-BK SCHREUDER
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2015:05:21