| ISALANTHISO: | 42435
6/4/3/3 |
 | | IMIBUZO: | JL van Deventer | IFONI: | 021 467 2563 | IFEKSI: | 021 467 2258 |
INGCACISO EMFUTSHANE YECANDELO LEKHARITYHULAM YEFET: DCF 0006/2015 |
IYA: | KUMASEKELA-BALAWULI-JIKELELE, KUBALAWULI ABAZIINTLOKO, KUBALAWULI, KWIINGCALI ZEMFUNDO EZIZIINTLOKO, KWIINTLOKO ZOQUQUZELELO NENGCEBISO NGEZEKHARITYHULAM, KUBAPHATHI BEEKOMITI ZEESEKETHE, KWIINTLOKO ZOQUQUZELELO NENGCEBISO NGEZE-IMG, KUBAPHATHI BEZE-IMG, KUMASEKELA EENGCALI ZEMFUNDO EZIZIINTLOKO, KUBAQUQUZELELI BOVAVANYO, KUBACEBISI NGEZEKHARITYHULAM BE-ECONOMICS, ACCOUNTING, MATHEMATICS NE-LIFE ORIENTATION NAKWIINQUNUNU ZEZIKOLO EZIFUNDISA AMABAKALA 10 -12 |
| UKHUPHISWANO I-WESTERN CAPE BURSARY COMPETITION OLWENZELWA ABAFUNDI BEBAKALA 11 ABAFUNDA I-ECONOMICS, I-ACCOUNTING NEMATHEMATICS |
| 1. |
I-Ofisi kaNondyebo wePhondo leNtshona Koloni (Western Cape Provincial Treasury), isebenzisana no-Nedbank neSebe leMfundo leNtshona Koloni (WCED), ngokwenjenje icela izikolo ukuba zingenele ukhuphiswano lokubhala isincoko luka-2015, i-Western Cape Bursary Competition. |
| 2. |
Olu khuphiswano lweeBhasari lunika abafundi beBakala 11 kwiphondo abenza izifundo ezidibanisa i-Economics, iMathematics ne-Accounting, ithuba lokufumana iibhasari nezinye izipho eziyinkuthazo (incentives) zokuba baqhubele phambili nezifundo zabo kwezi nkalo zezifundo eyunivesithi. |
| 3. |
Iya kuba ziibhasari ezilishumi elinambini (12) ezona zininzi, kwakunye nebhaso lemali enjengoncedo lwezemali ngethuba lonyaka weBakala 12, eziya kunikwa abafundi abanenjongo yokufumana isidanga kwi-Economics (umz. B Comm. [Economics]), kwi-Accounting (umz. B Acc., B Compt.), kwi-Commerce (umz. B Bus. Science) okanye kwiMathematics kwiYunivesithi eseNtshona Koloni.
|
| 4. |
Iibhasari zezabafundi beBakala 11 abathi bagqwese (elona nqanaba lokupasa lisezantsi malibe ngu-60%) ubuncinane kwizifundo ezibini kwezi, i-Economics, i-Mathematics ne-Accounting, nabafanelekileyo ukungena eyunivesithi ngo-2017. Abafanele ukungenela ukhuphiswano mababe ngabemi baseMzantsi Afrika abakwazi kakuhle ukuthetha nokubhala isiNgesi. |
| 5. |
Amabhaso ootitshala babafundi abaphumeleleyo
- Ixabisa/i-laptop `enikwa utitshala ngamnye wabafundi abangenele ukhuphiswano baza baphumelela kwindawo yokuqala, yesibini, neyesithathu.
- Ibhaso eliyimali eyi-R5 000 elinikwa utitshala womfundi ngamnye wabo bafundi bafumana iibhasari.
Kuza kucelwa iinqununu zezikolo ukuba zinike amagama ootitshala abachaphazelekayo.
|
| 6. |
Injongo yolu khuphiswano lwebhasari:
- kukukhuthaza umdla kwi-Economics, Mathematics nakwi-Accounting namathuba amakhondo emisebenzi anokuthi abekho;
- kukuphuhlisa ulwazi nezakhono kwi-Economics, Mathematics, nakwi-Accounting;
- kukuphuhlisa izakhono zokwazi ukusombulula iingxaki nokwazi ukucazulula idatha;
- kukunika abafundi amathuba okufumana ulwazi ngeendlela zokwenza uphando (research methodology) nezakhono zokubhala izincoko;
- kukunika abafundi amathuba okwazi ukufikelela kwilizwe lomsebenzi nolwazi loqhagamshelwano nalo;
- kukwenza abantu babe nolwazi ngemiba yezentlalo noqoqosho eMzantsi Afrika;
- kukukhuthaza nokuwonga umsebenzi ogqwesileyo; yaye
- kukuphuhlisa iinkokeli zangomso kumacandelo ezifundo ze-Economics, Mathematics ne-Accounting.
|
| 7. |
Ixesha elibekiweyo lokhuphiswano ngezi bhasari liqala ngoMatshi 2015 kuye kutsho kuMatshi 2016. |
| 8. |
Kucelwa ufunde isiHlomelo B esiqhotyoshelweyo ngokumalunga nesihloko sesincoko (esinikwe kuphela ngesiNgesi). |
| 9. |
Kucelwa ufunde amaxwebhu aqhotyoshelweyo ukufumana:
- Ifom yokungenela;
- Igridi yovavanyo emayizaliswe ngootitshala ukuvavanya izincoko kunye
- nesikhokelo sokubhalwa kwesincoko esisemgangathweni.
|
| 10. |
Kufuneka izikolo zikhethe abafundi abaqhuba kakuhle ezifundweni ukuba bathathe inxaxheba kolu khuphiswano. Baya kucelwa ukuba babhale isincoko esimalunga namagama ayi-2 200. Abanye abafundi beBakala 11 beklasi ye-Economics bangabhala isincoko kwangesi sihloko sinye esinamagama ayi-600 awona maninzi. |
| 11. |
Ikomiti yootitshala esikolweni iya kusebenzisa igridi yovavanyo enikiweyo ukukhetha abafundi abathathu abayizalisekisayo eyona mfuno isezantsi imiselweyo ekukufumana u-70% (isincoko neenkcazo-ntetho zomlomo (oral presentations) zidibene) ukuze bakwazi ukudlulela kumjikelo olandelayo wolu khuphiswano. Isincoko neemakhishithi zabo bafundi bagqwesileyo bathathu nabo bonke abanye abafundi abaphumelele ngaphezu ko-70% mazingeniswe kwi-ofisi yesithili semfundo ukwenzela uvavanyo lwesigaba 2 (isigaba sesithili) ungadlulanga owe-27 Oktobha 2015. |
| 12. |
Iphaneli yovavanyo kwisithili semfundo ngasinye iya kuvavanya izincoko ezifanelekileyo ezivela kwizikolo ize ikhethe abagqwesileyo bokugqibela. Izincoko ezili-10 ezigqwesileyo ziya kukhethwa yile phaneli zize zithunyelwe kwisigaba sokugqibela (isigaba sephondo) ungadlulanga owe-20 Novemba 2015. |
| 13. |
Ezona zincoko zigqwesileyo ezingamashumi amabini (20), ziya kukhethwa yiphaneli ekhetha abokugqibela abagqwesileyo neya kwenziwa ngabameli bakwaNedbank, abe-Ofisi kaNondyebo wePhondo nabeSebe iWCED. |
| 14. |
Abalishumi elinesihlanu, abona baninzi, abangene kumjikelo wokugqibela baya kucelwa ukuba beze kukhetho lokugqibela eKapa ngoMatshi 2016 - ngoLwesihlanu emva kwemini nangoMgqibelo oya kulandela iNtetho yeBhajethi yePhondo. Baya kucelwa ukuba benze inkcazo-ntetho yomlomo (oral presentation) ngeziphumo zophando lwabo nokuba baphendule imibuzo eya kubuzwa yiphaneli yokhetho. Ootitshala be-Economics babo bagqwesileyo bokugqibela baya kucelwa ukuba bahambe kunye nabo. Amalungu ephaneli yesithili semfundo aya kucelwa ukuba aye kwitheko lamabhaso ngokuhlwa kwangoMgqibelo. |
| 15. |
Kucelwa ufunde isiHlomelo A esikunika iinkcukacha ezipheleleyo ngeemfuno ezimiselweyo zamangenelo (entry requirements), amaxwebhu okungenela (entry documents), amaxesha abekiweyo neekhrayitheriya zokugweba (adjudication criteria). |
| 16. |
Imibuzo malunga nokubhalwa nokumakishwa kwesincoko, mayibhekiswe ngqo kubacebisi ngezekharityhulam be-Economics kwizithili zemfundo. |
| 17. |
Kucelwa iinqununu zazise okukule ngcaciso imfutshane bonke ootitshala beBakala 11 be-Economics, Mathematics, Accounting nabe-Life Orientation ukuze bakuthathele ingqalelo. |
ISAYINWE: NGU-BK SCHREUDER
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2015:02:23
Grand Central Towers, Lower Parliament Street, Private Bag X9114, Cape Town 8000
Nceda ubhale iinombolo zesalathiso kuyo yonke imbalelwano
Employment and salary queries: 0861 92 33 22
Safe Schools: 0800 45 46 47
|
 |
