1. Le ngcaciso imfutshane ithatha indawo yeNgcaciso eMfutshane yeCandelo loLawulo lweeMvavanyo 0018/2015.

2. Kucelwa ufumane le Setyhula yoVavanyo kaZwelonke (National Assessment Circular) No. 3 ka-2015) iqhotyoshelweyo, ivela kwiSebe leMfundo esiSiseko (ISebe DBE), emalunga nokutshintshwa apha naphaya kwamanqaku kwiSigaba saBadala.
2.1 Ukutshintshwa kwamanqaku kumaBakala 7 ukuya ku-9 kuya kuphunyezwa kwithuba leminyaka emithathu elandelayo ukuqinisekisa ukuba akukho mfundi ukwimeko embi (disadvantaged) ngenxa yeemfuno ezimiselweyo zokupasa (promotion requirements) kula mabakala ukususela okoko kwakuphunyezwe i-Curriculum and Assessment Policy Statements (CAPS) ngo-2014.
2.2 Le migqaliselo ilandelayo iya kusebenza kwinkqubo yokutshintshwa apha naphaya kwamanqaku ngo-2015:
2.2.1 Ukutshintshwa kwamanqaku apha naphaya kuya kugxininisa kwisifundo ngasinye (individual subjects) kuphela yaye akuyi kwenziwa kwireyithi yokupasa yazo zonke izifundo (overall pass rate) yesikolo kwibakala.
2.2.2 Ukutshintshwa apha naphaya kwamanqaku kuya kwenziwa kuphela kwizifundo ezithathu ezona zininzi zomfundi ngamnye.
2.2.3 Ukutshintshwa kwamanqaku apha naphaya kuya kwenziwa kubafundi abafumene amanqaku akwiqondo (range) le-7% yeemfuno ezimiselweyo zokupasa kwisifundo eso.
2.2.4 Ukutshintshwa apha naphaya kwamanqaku makwenziwe kuqala (prioritised) kwizifundo ezibalulekileyo nezingundoqo (fundamental subjects) zoLwimi lweeNkobe, zoLwimi lokuqala oloNgezelelweyo neMathematika.
2.3 Iqondo lepesenti apho abafundi banako ukufumana amanqaku atshintshwe apha naphaya liya kuthotywa qho kunyaka ngamnye olandelayo wokuphunyezwa kweCAPS. Itheyibhile engezantsi ibonisa ukutshintshwa kwamanqaku apha naphaya okuya kusebenza ukususela ngo-2015 ukubheka phambili.

Unyaka 2015 2016 2017 2018 nangaphaya kwakhe
Ipesenti (%) yokutshintshwa kwamanqaku eyeyona inkulu 7% kwizifundo ezi-3 6% kwizifundo ezi-3 5% kwizifundo ezi-3 Yi-2% kwiMathematika okanye nakwesiphi na esinye isifundo

3. Iprogram yokurekhoda nokwenza iripoti (recording and reporting programme) yeSebe leMfundo leNtshona Koloni (WCED) yamaBakala 7 ukuya ku-9 iya kutshintshwa apha naphaya ukwenzela ukuba yenziwe yikhompyutha (automate) le nkqubo yokutshintshwa kwamanqaku icetywa liSebe i-DBE.
3.1 Le program iya kuwatshintsha ngokuzenzekelayo amanqaku (automatically adjust) kwishedyuli ukuba umfundi ukufanele ukupasa ngokutshintshwa apha naphaya kwamanqaku.
3.2 Bonke abafundi abanamanqaku atshintshwe apha naphaya abaya kupasiswa, baya kuboniswa ngokuzenzekelayo (automatically be indicated) kwishedyuli yokupasa ngolu hlobo "Promoted with adjustment" kwikholam i-remarks column.
3.3 Iprogram iya kuvelisa ngokuzenzekelayo (automatically generate) ilisti yabo bonke abafundi abanamanqaku atshintshwe apha naphaya.
3.4 Makwenziwe ngesandla (manually) ukukhetha abo badluliselwa kwesinye iSigaba ngokweMinyaka ("Years in Phase progression") nabafundi abanyinyiselwe imiqathango abavela kwamanye amazwe okanye abafundi abangevayo (immigrant/deaf concession), njengoko bekunjalo ngaphambili.

4. Izikolo ezingayisebenzisiyo le program yeSebe i-WCED recording and reporting programme, mazilandele le miyalelo ikwi-Setyhula No. 3 yeSebe iDBE ka-2015 (DBE Circular No. 3).

5. Kubalulekile ukuba bonke abafundi baphathwe ngendlela efanayo nenobulungisa, ngoko ke izikolo zifanele ukuqala zisebenzise isikhokelo sokutshintshwa kwamanqaku apha naphaya sabo bonke abafundi abangazifezekisanga iimfuno ezimiselweyo zokupasa ezizozena zisezantsi zize ke emva koku, zigqithele kwabo bafundi bakufaneleyo oku ngenxa yeminyaka yabo bekweso sigaba.

6. Izikolo mazinike ilisti yabo bonke abanamanqaku atshintshwe apha naphaya ukulungiselela injongo zokungqinisiswa sisithili.

7. Ziyacelwa iinqununu ukuba zazise ootitshala nabazali ngokuqulethwe kule ngcaciso imfutshane.


ISAYINWE: NGU-BK SCHREUDER
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2015:10:16

"National Assessment Circular No. 3 of 2015"  (ubukhulu: 852 KB)