Byela emva     Close this Minute     Maak omsendbrief toe

ISALANTHISO:  20150803-1903
14/31
IMIBUZO:   R van der Horst    IFONI:   021 467 2991  IFEKSI:   021 467 9370

INGCACISO EMFUTSHANE YECANDELO LOLAWULO LOVAVANYO:  0015/2015


IYA:   

KUMASEKELA BALAWULI-JIKELELE, KUBALAWULI ABAZIINTLOKO, KUBALAWULI (KWANDLUNKULU NAKWII-OFISI ZEZITHILI, KUMASEKELA-BALAWULI, KWIINGCALI ZEMFUNDO EZIZIINTLOKO, KWIINTLOKO ZOQUQUZELELO NEENGCEBISO NGEZEKHARITYHULAM, KUBAPHATHI BEEKOMITI ZEESEKETHE, KWIINTLOKO ZOQUQUZELELO NENGCEBISO NGEZE-IMG, KUBAPHATHI BEZE-IMG, KUBAQUQUZELELI BEGET, KUMASEKELA EENGCALI ZEMFUNDO EZIZIINTLOKO, KUBACWANGCISI BEZEKHARITYHULAM ABAKHULU BEMFUNDO NOQEQESHO OLUQHUBELEKAYO (GET), KUBAQUQUZELELI BOVAVANYO, KUBACEBISI NGEZEKHARITYHULAM, NAKWIINTLOKO ZAMAZIKO AFUNDISA AMABAKALA 1-9


 

UKULAWULWA, UKUBHALWA NOKUMAKISHWA KWEEMVAVANYO ZONYAKA ZIKAZWELONKE (ANNUAL NATIONAL ASSESSMENTS (ANA))


1. Zazazisiwe izikolo ngeSetyhula 0008/2015 ka-2015 ukuba iiMvavanyo zoNyaka zikaZwelonke (ANA) ziza kubhalwa ukususela kwi-15 ukuya kwi-18 Septemba 2015 ngabafundi bamaBakala 1-9 kwizikolo zikarhulumente eziqhelekileyo nakwizikolo ezithile zemfundo eneemfuno ezizodwa. Kwizikolo ezizimeleyo ezixhaswa ngemali ngurhulumente (state funded independent schools), kuphela liBakala 3 okanye iBakala 6 eliya kubhala ii-ANA, nokuba leliphi na ibakala elifundiswayo esikolweni elilelona liphezulu.
2. Injongo yale ngcaciso imfutshane kukucacisa amalungiselelo okulawulwa, ukubhalwa nokumakishwa kwee-ANA. Ukungaphumeleli ukulandela mbo le migqaliselo kuya kuba neziphumo zokuba kuqhutywe uphando ngezitenxo zee-ANA.
3. IsiHlomelo A siqulethe iinkqubo emazilandelwe phambi, ngethuba lokubhalwa nasemva kokubhalwa kwee-ANA. Kucelwa uyiqaphele imihla echazwe kwesi sihlomelo.
4. IsiHlomelo B yi-Teacher Guide to the Annual National Assessment yaye masinikwe ootitshala ubuncinane kwiveki enye phambi kokuqala kwee-ANA.
5. ISebe leMfundo leNtshona Koloni liya kuqhubeka nokuthembela kwinkxaso yenu ekuqinisekiseni ukuba ii-ANA ziqhutywa ngentembeko elufaneleyo uvavanyo lukazwelonke.
6. Kucelwa wazise okukule ngcaciso imfutshane ootitshala abachaphazelekayo ukuze bakuthathele ingqalelo.


ISAYINWE: NGU-BK SCHREUDER
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2015:09:01

Grand Central Towers, Lower Parliament Street, Private Bag X9114, Cape Town 8000
Nceda ubhale iinombolo zesalathiso kuyo yonke imbalelwano
Employment and salary queries: 0861 92 33 22
Safe Schools: 0800 45 46 47

La maxwebhu alandelayo abhekisele kule kwingcaciso.
Sebenzisa i-Adobe Acrobat Reader® ukuwafunda okanye ukuwaprinta.
Klikha kwisihloko esingezantsi:  uxwebu luya kuvula i-Acrobat Reader® apho unokugcina okanye uprinte ikopi.
Ukubuyela kule kwingcaciso, klikha kwi logo ye-WCED Online ephezulu kwesi sikrini.
IsiHlomelo A: Ukulawulwa, ukubhalwa nokumakishwa kwee-Annual National Assessments (ANA) ngo-2015  (ubukhulu: 95 KB)
IsiHlomelo B: "Teacher Guide to the Annual National Assessment"  (ubukhulu: 76 KB)
Byela emva     Close this Minute     Maak omsendbrief toe