1. |
I-Cape Teaching and Leadership Institute (CTLI) iya kuba iqhuba iikhosi zophuhliso lootitshala kwakhona, iinkomfa neesemina zeenqununu, zamasekela-nqununu, zeentloko zezifundo nezootitshala ngethuba leekota zesikolo okanye ngeeholide zesikolo ngo-2016. |
2. |
Zonke iikhosi eziya kuqhutywa yi-CTLI ngo-2016 ziya kwenziwa zifumaneke kwiziko lewebhu le-CTLI: www.wcedctli.co.za |
3. |
Ootitshala abanomdla wokuya kwezi khosi mababhalise kwiziko lewebhu. |
4. |
Abasebenzisi (users) ababhalisileyo banokuklikha kwilinki engu-"Sign in" kwikhasi ihome page baze bangene (sign in) besebenzisa i-username okanye i-dilesi ye-imeyili ne-password, ukubhalisela (sign up) ezi khosi. |
5. |
Abasebenzisi abaqalayo banokubhalisa ngolu hlobo lulandelayo: |
5.1 |
Klikha kule linki "Register here" neya kukusa kwikhasi u-"Sign in" okanye "Register here". |
5.2 |
La macandelo alandelayo makazaliswe:
- I-username: zenzele i-username oya kuyisebenza ngalo lonke ixesha ungena (log in) kwikhasi i-CTLI webpage.
- Idilesi ye-imeyili esebenzayo /esemthethweni: faka i-dilesi ye-imeyili esebenzayo nesemthethweni. Ukuba akunayo idilesi ye-imeyili esebenzayo, kufuneka wenze enye phambi kokuba udlulele phambili. Idilesi ye-imeyili ifunelwa iinjongo zonxibelelwano.
- I-Password: yifake okanye uzenzele i-password yakho.
- Ngqinisisa i-password yakho.
- Ngqinisisa ukuba ungumntu ngokwenene (human visitor) ngokurhuqa (drag) imilo echanekileyo ezantsi kwelo khasi kwindawo eyi-"drop area" engwevu (oku kukuqinisekisa ukuba oku akulolinge lokufumana ngobuqhetseba iinkcukacha zabantu kwikhompyutha (computer generated phishing attempt).
- Klikha ku-"create a new account".
|
5.3 |
Wakuba uklikhe ku-"create a new account", kuvela esi sikrini silandelayo "Let’s confirm your email address". |
5.4 |
Emva koko uvula i-imeyili yakho uze ungqinisise i-akhawunti ye-imeyili yakho ngokulandela le miyalelo ithunyelwe kuwe malunga neenkcukacha ze-akhawunti yakho e-CTLI. Klikha kwilinki yokuqala kumyalezo oya kukusa kwikhasi "Edit your profile". |
5.5 |
Yenza iprofayili epheleleyo ngokufaka iinkcukacha zakho apha "Personal and Work Information".
|
5.6 |
Emva koko klikha ku-"Submit" yaye iprofayili yakho buqu iya kuhlaziywa kwisistim. |
5.7 |
Wakuba wenze iprofayili yakho, jonga zonke iikhosi eziqhutywa eCTLI uze ubhalisele ikhosi/iikhosi onqwenela ukuya kuzo. |
5.8 |
Emva koko faka isicelo sakho. |
6. |
Isicelo sakho siya kujongisiswa ngamagosa ezithili, sivunywe okanye sikhatywe ngumlawuli wesithili yaye ukuthathwa kwesigqibo sokugqibela ngumququzeleli weprogram we-CTLI kuya kuba semva kokusayinelwa kwazo sisithili. |
7. |
Ngalo lonke ithuba lokuqhubeka kwale nkqubo uya kufumana ii-meyili ezikwazisa ngemeko yesicelo sakho. Usenako ukungena (log in) kwisistim uze utshekishe imeko yesicelo sakho kwikhasi i-history page. |
8. |
Nangona le miyalelo ibonakala intsonkothile, isistim yenzelwe ukuba kube lula ukuyisebenzisa nokuba ukwazi ukulandela imiyalelo kwisistim ngokulula. Nangona kunjalo, ukuba kunokwenzeka uxinge; unokuqhagamshelana no-Nks Phelokazi Tutani kule nombolo yefoni 021 900 5024 okanye i-imeyili phelokazi.tutani@westerncape.gov.za, ukuze ufumane uncedo. |
9. |
Ikhosi nganye kwisistim iya kubonisa ixesha elingqiweyo (window period) kwizicelo zalo khosi yaye uyacetyiswa ukuba ufake isicelo ngethuba elimiselweyo. |
10. |
Ukubhalisela iisemina, iinkomfa, namaphulo ongenelelo ngoncedo ngeeholide zezikolo neempelaveki, makuthunyelwe kuMququzeleli we Program we-CTLI ngqo. |
11. |
ISebe leMfundo leNtshona Koloni liya kuqesha ootitshala abambeleyo kangangelo thuba lokuqhutywa kweekhosi zeCTLI ekuye kuzo ootitshala abasezikhundleni ngethuba leekota zesikolo ngokuxhomekeke ekubeni:
- akukho titshala ungaphezu kwemfuneko (no teacher is in excess) kwisikolo eso;
- utitshala osesikhundleni akangotitshala ohlawulwa libhunga lolawulo; yaye
- utitshala osesikhundleni akasele embambele omnye utitshala.
|
12. |
Ngumsebenzi wesikolo ukufuna nokutyumba utitshala ofanelekileyo onako ukubambela omnye osekhosini. |
13. |
Ngootitshala abayi-50 kuphela abanokubhalisela ikhosi nganye kwezi khosi zifundiswa ngethuba lekota yesikolo. |
14. |
Ukufumana ingcaciso malunga namaphulo ongenelelo ngoncedo eCTLI ngo-2016, kucelwa ungathandabuzi uqhagamshelana nomnye waba Baququzeleli beProgram zeCTLI balandelayo:
- Gavin de Bruyn, inombolo yefoni 021 900 5062, ifeksi 021 900 5114, i-imeyili gavin.debruyn@westerncape.gov.za kuzo zonke iikhosi neesemina ze-School Management and Leadership Development.
- Magdalena Benn, inombolo yefoni 021 900 5016, ifeksi 086 614 5151, i-imeyili magdelena.benn@westerncape.gov.za kuzo zonke iikhosi zeSigaba seSiseko ne-GET Language Solutions Conference.
- Natasha Fouche, inombolo yefoni. 021 900 5018, i-imeyili natasha.fouche@westerncape.gov.za kuzo zonke iikhosi zeSigaba esiPhakathi neSigaba saBadala neNkomfa yeZisombululo zeMathematika yeGET (GET Mathematics Solutions Conference).
- Christo Davids, inombolo yefoni. 021 900 5056, ifeksi 086 731 6833, i-imeyili christo.davids2@westerncape.gov.za kuwo onke amaphulo ongenelelo ngoncedo lwe-ICT Intregation.
|
15. |
Kucelwa wazise bonke otitshala ngokuqulethwe yile ngcaciso imfutshane khonukuze bayithathele ingqalelo. |
ISAYINWE: NGU-BK SCHREUDER
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2015:10:08
|
|