| ISALANTHISO: | 20150807-2141
13/16/8/B |
 | | IMIBUZO: | M Benn | IFONI: | 021 900 5000 | IFEKSI: | 021 900 5027 |
INGCACISO EMFUTSHANE YECANDELO I-CAPE TEACHING AND LEADERSHIP INSTITUTE: 0006/2015 |
IYA: | KUBALAWULI ABAZIINTLOKO, KUBALAWULI (KWANDLUNKULU NAKWII-OFISI ZEZITHILI), KWIINTLOKO ZAMACANDELO NAMACANDELWANA AKWANDLUNKULU, KWIINTLOKO ZOQUQUZELELO NENGCEBISO NGEZEKHARITYHULAM, KWIINTLOKO ZOQUQUZELELO NENGCEBISO NGEZE-IMG, KUBAPHATHI BEEKOMITI ZEESEKETHE, KUBACEBISI NGEZEKHARITYHULAM, KUBAPHATHI BEZE-IMG NAKWIINQUNUNU ZAZO ZONKE IZIKOLO ZIKARHULUMENTE EZIQHELEKILEYO |
| INKOMFA YEZISOMBULULO ZOLWIMI YEPHONDO YAQHO NGONYAKA – NGE-06 NANGE-07 OKTOBHA 2015 |
| 1. |
I-Cape Teaching and Leadership Institute (CTLI) imema ootitshala beeLwimi bamaBakala R – 9 ukuba bathathe inxaxheba kwiNkomfa yeziSombululo zoLwimi nokuba ngaba beza njengabenzi benkcazo-ntetho (presenters) okanye bengabathathi-nxaxheba. |
| 2. |
Injongo
Injongo yeNkomfa yeziSombululo zoLwimi kukunika imizekelo yeendlela ekunokufundiswa ngayo ulwimi ngempumelelo. |
| 3. |
Umhla, ixesha nendawo eya kuqhubekela kuyo inkomfa
Le nkomfa iya kuqhubeka ngoLwesibini, we-06 Oktobha 2015, ukuqala ngo-08:00 kuye ku-15:00, ukuze ngoLwesithathu, we-07 Oktobha 2015, iqale ngo-08:00 ukuya ku-14:00, e-Cape Teaching and Leadership Institute, eNew Nooiensfontein Road, eKuils River. |
| 4. |
Ingcaciso eyenzelwe abo baza kwenza inkcazo-ntetho |
| 4.1 |
Ootitshala abanomdla ekwenzeni inkcazo-ntetho kwisifundo soLwimi okanye iphepha elimalunga "neyona ndlela ibhetele yokufundisa uLwimi eklasini" ("best classroom practice") kwinkomfa mabakhokelwe koku kulandelayo:
- Isifundo, iphepha okanye umasifundisane omalunga "Nendlela endiyisebenzisayo yokufundisa" masisekelwe kwiNkcazo yoMgaqo-nkqubo weKharityhulam noVavanyo kaZwelonke (National Curriculum and Assessment Policy Statements) (CAPS) kumaBakala R - 12.
- Isifundo eso masifundise umba wekharityhulam yoLwimi webakala elithile.
- Abathathi-nxaxheba kwinkomfa mababandakanyeke kwisifundo okanye kumasifundisane, oko kukuthi, makwenziwe inkcazo-ntetho ngendlela ekhuthaza ubandakanyeko lwabanye.
- Ixesha eliya kuthathwa: yimizuzu eyi-60. Nika imizuzu eyi-5 ukuya ku-10 yeengxoxo zamaqela okanye yemibuzo.
- Indawo nganye ekuya kuqhutyelwa kuyo iindibano iya kuba nedatha projektha, i-interactive whiteboard, kunye ne-flipchart stand enephepha. Ifanitshala yendawo iya kulungiselelwa ukuququzelela iinkcazo-ntetho zabathathi-nxaxheba abayi-30 ubuninzi kwindawo nganye.
- Abenzi benkcazo-ntetho mabalungise baze bangenise zonke iiwekhishithi zenkomfa yeCTLI. Zonke iiwekhishithi ziya kuqokelelwa zize ziprintwe zibe kuhlobo lwencwadi. Oku kuthetha ukuba abenzi benkcazo-ntetho abasayi kufuneka ukuba bazise iikopi ezingaphezulu zezinto zokufunda eziprintiweyo, ngaphandle kokuba abathathi-nxaxheba kuye kwafuneka ukuba basike okanye basonge amaphepha eewekhishithi. Umhla osikelwe ukungeniswa kweewekhishithi kwi-CTLI ziiveki ezintlanu phambi kokuba iqale inkomfa, ngowe-04 Septemba 2015.
- Ukuba kunokwenzeka, zonke izinto zokufunda mazitayitshwe zize zithunyelwe nge-imeyili. I-CTLI iya kwenza iikopi zezo zinto zokufunda.
|
| 4.2 |
Le nkomfa kwakhona ikhangela abenzi benkcazo-ntetho abanokwabelana kunye nabathathi-nxaxheba "ngezona ndlela zibhetele zokufundisa" ekusetyenzisweni kwengcaciso nonxibelelwano nethekhinoloji ekufundeni nasekufundisweni koLwimi eklasini, ngokunjalo nemizekelo enokusebenziseka yeendlela apho uLwimi (isi-Afrikansi, isiNgesi nesiXhosa) zinokusetyenziswa ngempumelelo khona kwiklasi enabafundi abahlukeneyo ngobuchule bokulandela izifundo. |
| 4.3 |
Ukuba unomdla wokwenza inkcazo-ntetho kwinkomfa, kucelwa uzalise isiHlomelo A uze usibuyisele kuNks M. Benn kule nombolo yefeksi 086 614 5151 okanye kule dilesi ye-imeyili Magdelena.Benn@westerncape.gov.za engadlulanga uLwesihlanu, we-04 Septemba 2015. |
| 5. |
Ingcaciso eyenzelwe abathathi-nxaxheba |
| 5.1 |
Kucelwa ootitshala abanqwenela ukuya kule nkomfa njengabathathi-nxaxheba ukuba bazalise iinkcukacha zabo kwifom yokubhalisa kwisiHlomelo B. |
| 5.2 |
Makubuyiselwe isiHlomelo B esesizalisiwe kule dilesi ye-imeyili kuNks N. Salukazana kule dilesi ye-imeyili Nomsa.Salukazana@westerncape.gov.za okanye kule nombolo yefeksi 021 900 5013 /5027 / 5162 / 086 614 5559 engadlulanga uLwesihlanu, we-4 Septemba 2015.
|
| 5.3 |
Ubhaliso luya kuvala nje ukuba abathathi-nxaxheba abayi-300 babhalise. |
| 6. |
Amalungiselelo
Abathathi-nxaxheba okanye abenzi benkcazo-ntetho abasuka kwii-ofisi zezithili zemfundo ezisemaphandleni abahamba ngaphezu kwe-120 km ngohambo ngalunye lokuya nokubuya banokulala kwindawo eyenzelwe oko e-Cape Teaching and Leadership Institute ngobusuku bangoMvulo, we-05 Oktobha 2015 nangoLwesibini, we-06 Oktobha 2015. |
| 7. |
I-CTLI iyathemba ukuba le nkomfa iya kuba lulutho kakhulu kubo bonke ootitshala beeLwimi abayayo kuyo. |
ISAYINWE: NGU-BK SCHREUDER
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2015:08:17
Grand Central Towers, Lower Parliament Street, Private Bag X9114, Cape Town 8000
Nceda ubhale iinombolo zesalathiso kuyo yonke imbalelwano
Employment and salary queries: 0861 92 33 22
Safe Schools: 0800 45 46 47
|
 |
