| 2. |
Inkqubo yoqeqesho i-Continuing Professional Teacher Development Management System (CPTDMS) yachazwa kwi-National Policy Framework on Teacher Education and Development, yafakwa kwigazethi nge-26 Apreli 2007. |
| 3. |
IBhunga looTitshala laseMzantsi Afrika (SACE), ngentsebenziswano neSebe leMfundo esiSiseko likazwelonke, amasebe emfundo amaphondo kunye nemibutho yootitshala kwiphondo, banike uqeqesho ngempumelelo baze babhalisa iqela labasebenzi abangoogxa boku-1 (signed-up cohort 1) (iinqununu namasekela nqununu) besi-2 (iintloko zecandelo) ukusukela ukuba yaqaliswayo i-CPTDMS ngo-2013. |
| 4. |
Iqela labasebenzi abangoogxa boku-1 (cohort 1) (iinqununu namasekela nqununu) baye baqalisa ngomjikelo wophuhliso ngezomsebenzi ukusuka kowe-01 Januwari 2014 kwaye ngoku bakunyaka wabo wesibini womjikelo weminyaka emithathu. |
| 5. |
Iqela labasebenzi abangoogxa besi-2 (iintloko zecandelo) baqalise ngomjikelo wabo wophuhliso lwabasebenzi ukusuka kowe-01 Januwari 2015 yaye ngoku bakunyaka wokuqala womjikelo wabo weminyaka emithathu. |
| 6. |
Ngokungqinelana nesigqibo seSACE, iNtloko yeSebe leMfundo ikuvumile ukuqaliswa kwe-CPTDM yootitshala benqanaba lesithuba 1 kwithuba leminyaka emibini, o.k.t. 2015-2016. |
| 7. |
Ekulungiseleleni ukuqalisa kootitshala benqanaba lesithuba 1 kumjikelo wokuqala, iSebe leMfundo leNtshona Koloni, ngentsebenziswano neSACE kunye nemibutho yootitshala, baya kubonelela ngoqeqesho kunye neeseshoni zobhaliso lootitshala benqanaba lesithuba 1 ngokulandela le shedyuli ilapha ngezantsi:
| Iqela ekujoliswe kulo |
Uqeqesho nobhaliso |
Ukuqala komjikelo 1 |
Ootitshala bezithuba zenqanaba 1:
- Kwizikolo eziziisekondari; kunye
- Nakwizikolo ii-combined schools.
|
Juni 2015 – Oktobha 2015 |
01 Januwari 2016 |
Ootitshala bezithuba zenqanaba 1:
- Kwizikolo eziziiprayimari;
- Kwizikolo zemfundo eneemfuno ezizodwa;
- Iisayikholojisti neetheraphisti eziqeshwe ezikolweni ngokoMthetho weNgqesho yooTitshala (Employment of Educators Act), ka-1998; kunye
- Nootitshala abaneemfuno zemfundo ezizodwa.
|
Januwari – Oktobha 2016 |
01 Januwari 2017 |
|
| 8. |
Iinkcukacha zeeseshoni zoqeqesho nobhaliso lootitshala bezithuba zenqanaba 1 ziya kwaziswa kwizikolo oko kusenziwa zii-ofisi zezithili. |
| 9. |
Kucelwa wazise okukule ngcaciso imfutshane bonke abasebenzi abachaphazelekayo ukuze bakuthathele ingqalelo. |
ISAYINWE: NGU-BK SCHREUDER
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2015:06:24
|
 |