1. Soos deur die Departement van Basiese Onderwys (DBO) se instruksie, moet graad 10 tot 12-leerders se inligting op die Nasionale Eksamenstelsel aangeteken word.

2. Dit beteken dat leerderinligting op die SOBIS onttrek en na die Nasionale Eksamenstelsel vir eksamendoeleindes oorgedra sal word. Alle vraestelle en eksamenverwante dokumentasie sal volgens die SOBIS-data wat deur prinsipale afgeteken is, verpak en aan skole versprei word.

3. Skole het die geleentheid om regstellings aan die besonderhede van hulle leerders (behalwe vir vakregstellings) op die SOBIS te maak. Die funksie is oop op die SOBIS vir skole om hierdie regstellings te maak.

4. Hierdie sal die laaste geleentheid vir skole wees om enige regstellings aan hulle graad 10- tot 12-leerderbesonderhede te maak voordat die data na die Nasionale Eksamenstelsel oorgedra word.

5. Prinsipale moet hulle graad 12-leerders se registrasiebesonderhede teen Vrydag, 19 Junie 2015, en graad 10 tot 11 teen Vrydag, 31 Julie 2015, verifieer en afteken.

6. Verifikasie van leerderbesonderhede
6.1 Gaan die spelling van die volle name en vanne na. Hierdie moet dieselfde wees soos wat dit op die leerder se identiteitsdokument verskyn.
6.2 Aangesien die Nasionale Eksamenstelsel leerders sonder identiteitsnommers van die hand wys, is die identiteitsnommer van 'n leerder 'n verpligte veld. Leerders wat nie oor identiteitsnommers beskik nie, sal nie 'n Nasionale Senior Sertifikaat ontvang nie. Dit is dus belangrik dat alle kandidate in graad 10 om hulle identiteitsdokumente aansoek doen.
6.3 Die selfoonnommer is 'n verpligte veld. Die Wes-Kaap Onderwysdepartement (WKOD) maak van SMS-dienste gebruik om belangrike inligting aan leerders te kommunikeer. Maak asseblief seker dat die selfoonnommers vir die graad 12-leerders steeds geldig is.

7. Proses wat gevolg moet word om regstellings aan leerderbesonderhede op SOBIS aan te bring
7.1 Volg die duidelike instruksie op SOBIS oor hoe om die leer vir die spesifieke graad en klas te onttrek.
7.2 Alle leerders moet hulle besonderhede verifieer en teken dat dit nagegaan is.
7.3 Foute moet op die vorm aangedui en deur die SOBIS-administrateur van die skool reggestel word.
7.4 Nadat regstellings gemaak is, moet hierdie vorms deur die prinsipaal geteken en op die SOBIS afgeteken word. 'n Afskrif van die getekende vorms moet gemaak word. Die oorspronklike moet by die skool gehou word vir die skool se eie rekords. Die afskrifte moet gestuur word aan:

Graad 10-11 Distrikskantore
Graad 12 Hoofkantoor
  Kontakpersoon by Hoofkantoor Kontak-nommer E-pos
Kaapse Wynland Lindsay Weber 021 467 2732 Lindsay.Weber@westerncape.gov.za
Eden & Sentrale Karoo Samuel Adams 021 467 2978 Samuel.Adams@westerncape.gov.za
Weskus Gail Laguma 021 467 2913 Gail.Laguma@westerncape.gov.za
Overberg Linsay van Gensen 021 467 2911 Linsay.vanGensen@westerncape.gov.za
Metropool-Sentraal Farrel Jacobs 021 467 2990 Farrel.Jacobs@westerncape.gov.za
Metropool-Oos Riyad Isaac 021 467 2916 Riyad.Isaac@westerncape.gov.za
Metropool-Noord Johnnie Isaacs 021 467 2974 Johnnie.Isaacs@westerncape.gov.za
Metropool-Suid Margaret Janda 021 467 2275 Margaret.Janda@westerncape.gov.za

8. Let asseblief daarop dat skole nie toegelaat sal word om ENIGE vakregstellings op SOBIS te maak nie. Skole moet graad 10- tot 12-versoeke vir vakveranderinge, met die nodige ondersteunende dokumentasie, aan hulle distrikskantoor voorle, soos byvoorbeeld die vorderingskedule van 2014 of die leerder se November-skoolrapport van die vorige jaar (in die geval van graad 10, moet die leerder se Kwartaal 1-verslag voorgele word).

9. In die geval waar 'n leerder Musiek as 'n vak neem, moet die aangehegte dokument, Bylae A Lys van Musiek-kandidate, voltooi en aan die onderskeie kantore gestuur word, soos aangedui in die tabel hierbo (7.4).

10. Hierdie minuut moet aan alle graad 10- tot 12-koordineerders en SOBIS-administrateurs versprei word.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2015:06:12

Bylae A: Lys van Musiekkandidate  (grootte: 50 KB)