1. Die benutting van onderwysers en gemeenskapslede as opsieners vir die 2015 Nasionale Senior Sertifikaat (NSS)-eksamens
1.1 Ingevolge die Regulasies betreffende die Afneem, Administrasie en Bestuur van die Nasionale Senior Sertifikaat-eksamen, gepubliseer in Staatskoerant 37651 van 16 Mei 2014, moet die provinsiale departemente van onderwys skoolhoofde en sentrumbestuurders as die hoofopsiener vir die NSS- en Senior Sertifikaat (SS) -eksamens aanstel.
1.2 Prinsipale van skole mag hierdie verantwoordelikheid skriftelik aan 'n senior onderwyser delegeer. Die Hoofopsiener sal uiteindelik ten volle verantwoordelik en aanspreeklik vir die afneem van alle eksamens wees.
1.3 Prinsipale of gedelegeerde moet die voltooiing van alle kontrakte, Bylae A - F verseker, asook die voorlegging van belasting-verwysingsnommers vir elke opsiener, met spesifieke aandag aan Bylae E.
1.4 Die Wes-Kaap Onderwysdepartement (WKOD) het begin met die infasering van onderwysers as opsieners vir die NSS-eksamens in 2011. Dit is aan skole meegedeel deur middel van Assesseringsbestuursminuut 0009/2010 en Omsendbrief 0015/2011.
1.5 Die reelings vir die toesig van die 2015 NSS-eksamen is soos volg:
1.5.1 Die prinsipaal moet seker maak dat, vir elke eksamensessie, 50% van die toesighouers onderwysers en 50% gemeenskapslede is.
1.5.2 Die senior opsiener wie en lid van die gemeenskap is, word van verwag om die hoofopsiener met die administrasie en afneem van die 2015 NSS-eksamen te ondersteun. Onder geen omstandighede moet die senior opsiener volle verantwoordelikheid neem vir al die administratiewe take wat met die 2015 NSS-eksamens geassosieer word nie.
1.5.3 Die senior opsiener moet as hoofopsiener vir die Maart 2016 aanvullende NSS-eksamens en Junie 2016 Senior Sertifikaat-eksamens heraangestel word.
1.6 Onderwysers wat optree as opsieners hoef nie vir toesig vir die volle duur van elke eksamensessie geskeduleer te word nie.
1.7 'n Onderwyser wat 'n kind het wat die NSS-eksamen afle by die skool waar daardie onderwyser skoolhou, moenie as 'n opsiener aangestel word nie.
1.8 Dit is noodsaaklik dat geen onderwyser toesig sal hou by die vak wat hy of sy by die skool aanbied nie, m.a.w. wanneer Fisiese Wetenskappe geskryf word, mag geen onderwyser van Fisiese Wetenskappe toesig hou nie.
1.9 Die prinsipale moet alle onderwysers wat as opsieners vir die NSS-eksamens sal optree skriftelik aanstel. Die lys met alle onderwysers en lede van die gemeenskap wat as opsieners aangestel is, moet teen Maandag, 3 Augustus 2015 aan die distrikskantoor voorgele word.
1.10 Die hoofopsiener moet seker maak dat alle onderwysers en gemeenskapslede wat as opsieners aangestel is, goed opgelei word in die uitvoering van hul opsienerspligte.
1.11 Opleiding vir prinsipale, senior opsieners en hoofopsieners sal in September 2015 aangebied word en is verpligtend.
1.12 Prinsipale van skole moet 'n toesigrooster opstel en moet dit aan die betrokke IBB-bestuurder teen nie later nie as Vrydag, 21 Augustus 2015 voorle. Die toesigrooster moet opsieners en aflosonderwysers vir elke eksamensessie insluit.
1.13 Indien daarom versoek, sal IBB-bestuurders hulp met die opstel van 'n toesigrooster verskaf.

2. Aanstelling van opsieners vir die Senior Sertifikaat-eksamens
2.1 Prinsipale van skole en bestuurders van volwasse leerdersentrums word vriendelik versoek om geskikte persone uit die gemeenskap as senior opsieners en opsieners vir die bogenoemde eksamens te werf.
2.2 Nominasies vir alle opsieners moet op Bylae A gemaak word, wat voor Woensdag, 24 Junie 2015 aan die IBB-bestuurder voorgele moet word. Die IBB-bestuurder moet sodanige nominasies goedkeur en die finale lys met name voor Woensdag, 29 Julie 2015 aan die Direktoraat: Eksamenadministrasie voorle.
2.3 Die lys met nominasies moet vergesel word van gesertifiseerde afskrifte van elke genomineerde se identiteitsdokument en akademiese kwalifikasie(s), waarvan die minimumvereistes ten minste 'n graad 12-sertifikaat moet wees.
2.4 By die nominering van senior opsieners moet die volgende aspekte in berekening gebring word:
2.4.1 Die IBB-bestuurder moet 'n persoonlike onderhoud voer met die persoon wat as hoof- of senior opsiener genomineer is.
2.4.2 Die IBB-bestuurder moet van elke genomineerde se lees-, skryf-, hoor- en sigvermoens, en gesondheidstoestand seker wees.
2.4.3 Aansoekers of genomineerdes wat elders om 'n voltydse betrekking aansoek gedoen het, moet verkieslik nie vir aanstelling oorweeg word nie.

3. Nominasies/Goedkeuring vir hoofopsieners en senior opsieners
3.1 Bylae B (Nominasie van hoofopsieners en senior opsieners) moet deur die skoolhoof of sentrumbestuurder voltooi word en deur die IBB-bestuurder goedgekeur word. . Afskrif hiervan moet onmiddellik aan die persoon wat as hoofopsiener genomineer is, oorhandig word. Hierdie nominasiebrief bevat baie belangrike instruksies. Gesertifiseerde afskrifte van die genomineerde se identiteitsdokument en sy of haar onlangse akademiese rekord (ten minste graad 12) moet by Bylae B aangeheg word.
3.2 Tydens die onderhoud met die genomineerde hoofopsiener of senior opsiener, moet die IBB-bestuurder, indien hy daarvan oortuig is dat die genomineerde persoon in staat is om die vereiste pligte te vervul, Bylae C aan die genomineerde gee om te voltooi, waarna die vorm ook deur die IBB-bestuurder onderteken moet word.

4. Nominasie van opsieners

Die hoofopsiener moet verklaar dat die genomineerde(s) geskik is om die pligte van opsiener(s) uit te voer, waarna die IBB-bestuurder moet aandui of die aanstelling van die genomineerde(s) aanvaarbaar sal wees. Bylae D moet deur die opsiener(s) voltooi en onderteken word.

5. Dienskontrak

Alle hoofopsieners, senior opsieners en opsieners moet bereid wees om 'n dienskontrak met die WKOD te sluit aangaande hul pligte en verantwoordelikhede tydens die afneem van die eksamens. Die kontrak sal vir die eksamens van November 2015, Maart 2016 en Junie 'n Julie 2016 geldig wees.

6. Voorlegging van nominasievorms
6.1 Na voltooiing moet die IBB-bestuurder teen 29 Julie 2015 (soos in paragraaf 2.2 bepaal) Bylae A, B, C, D en F aan die beamptes van die toepaslike Direktoraat: Eksamenadministrasie, soos hieronder gelys, voorle:

Distrik Beampte/ Kontakpersoon Kontak-nommer E-pos
Kaapse Wynland Lindsay Weber 021 467 2732 Lindsay.Weber@westerncape.gov.za
Metro-Sentraal Farrel Jacobs 021 467 2990 Farrel.Jacobs@westerncape.gov.za
Metro-Oos Riyad Isaac 021 467 2916 Riyad.Isaac@westerncape.gov.za
Metro-Noord Johnnie Isaacs 021 467 2974 Johnnie.Isaacs@westerncape.gov.za
Eden en Sentraal-Karoo Samuel Adams 021 467 2914 Samuel.Adams@westerncape.gov.za
Metro-Suid Margaret Janda 021 467 2275 Margaret.Janda@westerncape.gov.za
Weskus Gail Laguma 021 467 2913 Gail.Laguma@westerncape.gov.za
Overberg Linsay van Gensen 021 467 2911 Linsay.vanGensen@westerncape.gov.za
6.2 IBB-bestuurders moet seker maak dat al die voltooide vorms in een bondel aan die Direktoraat: Eksamenadministrasie-kantoor gestuur word, om onnodige vertragings in die aanstellingsproses te vermy.
6.3 Slegs persone wat se aanstellings deur die IBB-bestuurder goedgekeur is, mag diens as 'n opsiener verrig. Opsieners mag onder geen omstandighede plaasvervangers vir enige gedeelte van hul werk aanstel nie. Indien omstandighede verhoed dat . hoofopsiener of assistent opsiener by 'n eksamen toesig hou, moet die skoolhoof of sentrumbestuurder, na beraadslaging met die IBB-bestuurder, vir die aanstelling van 'n plaasvervanger reel en die Direktoraat: Eksamenadministrasie moet onmiddellik oor die verandering ingelig word. Plaasvervangers moet ook hulle bankbesonderhede op 'n Bylae E-vorm voorle.

7. Maatstawwe vir die aanstelling van opsieners
7.1 Onder normale omstandighede behoort niemand vir aanstelling as hoofopsiener, senior opsiener of opsiener oorweeg te word nie indien hy/sy:
7.1.1 jonger as 25 jaar, of ouer as 65 jaar oud is;
7.1.2 'n familielid is van

  • 'n kandidaat wat die eksamen afle;
  • 'n onderwyser in daardie skool of 'n onderwyser is wat kandidate vir enige van die eksamens voorberei;
7.1.3 in enige hoedanigheid by die skoolpersoneel of in die koshuis waar kandidate van 'n spesifieke skool gehuisves word, betrokke is; of
7.1.4 die eggenoot of naasbestaande van die hoofopsiener is.
7.2 Indien daar meer as 30 kandidate by 'n eksamensessie is, is die WKOD bereid om een opsiener vir elke 30 addisionele kandidate, of deel daarvan aan te stel vir daardie sessie, of een opsiener vir elke lokaal waarin die kandidate geakkommodeer word, op voorwaarde dat alle lokale ten volle in kapasiteit benut word voor daar van 'n addisionele lokaal gebruik gemaak word.
7.3 By sessies waar daar slegs . paar kandidate (minimum van twee) is, sal die dienste van een opsiener genoegsaam wees. In sodanige geval sal die senior of hoofopsiener nie normale opsienerspligte vervul nie, benewens om . opsiener af te los wat . kandidaat moet vergesel wat verlof ontvang het om die lokaal op grond van 'n dringende behoefte te verlaat.
7.4 Wanneer die dienste van addisionele opsieners benodig word om terselfdertyd twee of meer eksamenlokale te beheer, sal die hoofopsiener nie normale opsienerspligte vervul nie, maar daar sal van hom of haar verwag word om te help en pligte in hierdie lokale uit te voer.
7.5 Hoofopsieners, senior opsieners en opsieners moet 'n akademiese kwalifikasie van ten minste graad 12 hê.
7.6 Indien al die kandidate manlik is, moet die hoofopsiener en opsieners mans wees. Indien al die kandidate vroulik is, moet die hoofopsiener en opsieners vroulik wees. Indien die kandidate manlik sowel as vroulik is en die hoofopsiener manlik is, moet ten minste een van die opsieners vroulik wees, of as die hoofopsiener vroulik is, moet ten minste een van die opsieners manlik wees.
7.7 Die volgende voorbeelde gee . aanduiding van hoeveel opsieners aangestel mag word:

Getal kandidate Getal hoofopsieners Getal opsieners
1 - 30 1 1
31 - 60 1 2
61 - 90 1 3
RTT 1 – 10 (Prakties) 1 1

Indien addisionele opsieners gebruik word, moet die Direktoraat: Eksamenadministrasie sonder versuim ingelig word (verwys na die tabel hierbo).
8. Pligte van hoofopsieners en opsieners
8.1 Die pligte van hoofopsieners en opsieners verskyn in Bylae A van die dienskontrakte vir hoofopsieners en opsieners. Hierdie pligte moet bevredigend vir die duur van die eksamens uitgevoer word.
8.2 Senior opsieners en hoofopsieners moet die WKOD se opleiding vir opsieners bywoon.
8.3 Prinsipale moet verseker dat alle opsieners behoorlik opgelei word voor hulle toegelaat word om . eksamenlokaal binne te gaan. Alle opsieners moet, ter bevestiging dat hulle die nodige opleiding ontvang het, die bywoningsregister teken.
8.4 Opsieners mag nie kandidate sonder toesig tydens 'n eksamensessie laat nie.
8.5 Opsieners moenie kandidate met enige onreelmatige aktiwiteite tydens die afneem van 'n eksamen help nie. Die WKOD sal nie huiwer om kriminele aanklagte teen enige opsiener wat skuldig bevind word aan betrokkenheid by 'n onreelmatigheid in te dien nie.
8.6 Hoofopsieners, senior opsieners en opsieners moet hulle IDs, mees onlangse akademiese rekord (minstens graad 12) en kontrakte vir die duur van die eksamens by hulle dra.
8.7 Voor die eksamen begin, moet elke hoofopsiener seker maak dat die eksamenlokaal vir die afneem van die eksamen geskik is.

9. Opleiding van opsieners
9.1 Die hoofopsiener en senior opsiener moet ingelig word dat hy/sy onder verpligting is om die opleidingsessies vir opsieners by te woon.
9.2 Die hoofopsiener sal op sy/haar beurt vir die opleiding van die addisionele opsieners verantwoordelik wees.
9.3 Senior opsieners wat binne 'n radius van 75 km vanaf die skool of sentrum woon waar die opleiding sal plaasvind, sal vir een addisionele sessie besoldig word.
9.4 Senior opsieners wat verder as 75 km vanaf die opleidingslokaal woon, sal vir twee addisionele sessies besoldig word.

10. Besoldiging van opsieners
10.1 Die WKOD sal gemeenskapsgebaseerde opsieners ooreenkomstig die Personeeladministrasiemaatreels (PAM) aanstel en besoldig.
10.2 Onafhanklike skole, kolleges en gevangenisse is verantwoordelik vir die besoldiging van hulle eie opsieners. Alhoewel die opsieners van hierdie inrigtings nie deur die WKOD, skoolhoofde of onafhanklike skole besoldig word nie, moet hoofde van onafhanklike skole en hoofde van kolleges en gevangenisse daarop let dat dit verpligtend is om die aanvaardingsvorms, Bylae C en D, te voltooi en na die Departement terug te stuur.
10.3 Administratiewe personeel en onderwysers wat 'n salaris vanaf die Departement ontvang en ook opsieners is, sal nie deur die Departement vir die lewering van pligte as opsieners besoldig word nie.
10.4 Die huidige koers (onderhewig aan verandering) vir opsienerswerk is R182,57 per sessie vir 'n senior opsiener en R121,71 per sessie vir 'n opsiener.
10.5 Onder geen omstandighede sal opsieners vir reiskoste vergoed word nie. Prinsipale en sentrumbestuurders moet dus opsieners aanstel uit die onmiddellike gemeenskap wat deur die skool of sentrum bedien word.
10.6 Die regulasies (IRP10) betreffende die betaling van werknemersbelasting bepaal dat alle salarisse van persone in deeltydse werk onderhewig is aan 'n belastingaftrekking van 25%. Die Departement sal daarom 25% belasting aftrek van die bedrae wat aan opsieners betaal word vir dienste gelewer. Dus is die indiening van 'n belastingaanwysing vir werknemers (IRP3) nie meer van toepassing nie.

Opsieners wat kwalifiseer vir vrystelling of gedeeltelike vrystelling van die betaling van werknemersbelasting moet, na ontvangs van 'n IRP5-sertifikaat (besonderhede van betaling vir inkomstebelasting afgetrek deur die Departement), die sertifikaat saam met die voorgeskrewe IT12 S-vorm aan hulle plaaslike Ontvanger van Inkomste voorlê.

IRP5-sertifikate word gewoonlik, gedurende Junie en Julie van die jaar wat volg op hulle opsienerswerktydperk na opsieners se huise of posadresse gepos.

Voorbeeld:

Aangewese beampte Getal sessies Tarief Bruto 25 % belasting Netto
Senior opsiener 12 R182,57 R2 190,84 R547,71 R1 643,13
Opsiener 12 R121,71 R1 460,52 R365,13 R1 095,39
10.7 Ten einde die uitbetaling van opsieners se eise te bespoedig, moet elke hoofopsiener en opsiener sy of haar identiteitsnommer op die aanvaardingsvorm skryf en . gesertifiseerde kopie van sy of haar identiteitsdokument aanheg. Bylae E, wat ook die belastingnommer weergee, moet deur alle senior opsieners en opsieners van die gemeenskap voltooi word. Die vorm moet voltooi en as korrek gesertifiseer word en die bankrekening moet deur die betrokke bank as aktief verklaar word.

11. Pligte van die prinsipaal of sentrumbestuurder
11.1 Verantwoordelikheid vir die behoorlike afneem van die eksamens berus by die skoolhoof of sentrumbestuurder waar die eksamens afgele word.
11.2 Die skoolhoof of sentrumbestuurder moet seker maak dat die vraestelle veilig en in volgorde in die kluis gestoor word, dat die eksamenlokale bevredigend is, en dat die senior opsieners, hoofopsieners en opsieners behoorlik opgelei word.
11.3 Skoolhoofde en sentrumbestuurders word versoek om, in samewerking met die IBB- bestuurder, seker te maak dat bevredigende reelings getref word om te verseker dat kandidate nie gedurende die eksamensessie gesteur word nie.

12. Maak asseblief seker dat . afskrif van hierdie Eksamenadministrasieminuut aan die skoolhoof of sentrumbestuurder, sy/haar afgevaardigde, senior opsiener en elke addisionele opsiener oorhandig word.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2015:06:11

Kontrak van tydelike werk vir gemeenskapslede  (size: 53 KB)
Bylae A & B: Bepalings en voorwaardes vir die aanstelling  (grootte: 101 KB)
Bylae A - D: Nominasielys  (grootte: 67 KB)
Bylae E: BRS-entiteitsinstandhouding  (grootte: 79 KB)
Bylae F: Bevestiging van ontvangs  (grootte: 22 KB)