| 1. |
Die Departement van Basiese Onderwys (DBO) het die implementering van die Jaarlikse Nasionale Assesserings (JNA) hersien om graad 7 en 8 vanaf 2015 in te sluit. Dit sal verseker dat daar meer fokus op die senior fase geplaas word in die Algemene Onderwys en Opleiding (AOO)-band waar leerderperstasie 'n bron van kommer is. |
| 2. |
Die JNA sal in Geletterdheid en Gesyferdheid geadministreer word in alle grade soos in die vorige jare. Die administrasie van die JNA is geskeduleer om tussen 15 tot 18 September 2015 plaas te vind. |
| 3. |
Om te verseker dat elke leerder die JNA-toetse in die korrekte graad en taal van leer en onderrig (TLO) ontvang, is dit baie belangrik dat die registrasie van leerders in graad 1 tot 9 voor 20 Maart 2015 so akkuraat as moontlik op die SOBIS vasgevang en opgedateer word. |
| 4. |
Die volgende is van toepassing op leerderregistrasie vir die JNA, vir gewone openbare skole, staatsgesubsidieerde onafhanklike skole en spesiale-behoeteskole: |
| 4.1 |
Elke leerder moet 'n Geletterdheids- en Gesyferdheidstoets skryf. |
| 4.2 |
Elke toets sal aangebied word in die TLO van die leerder. |
| 4.3 |
In die geval van die Intermediêre en Senior Fases, moet die vlak van die Geletterdheidstoets dieselfde wees as die vlak (Huistaal of Eerste Addisionele Taal) waarop daardie taal by die skool bestudeer word. |
| 4.4 |
Die taalvlakke van die toetse word in paragrawe 4.5 en 4.6 hieronder verduidelik. |
| 4.5 |
Assesseringstaal in die Grondslagfase (Graad 1 - 3)
In die Grondslagfase sal die JNA op Huistaalvlak voorsien word.
| Vak geneem |
Taal van leer en onderrig (TLO) |
Taal van JNA Geletterdheidstoets |
Taal van JNA Gesyferdheidstoets |
| Xhosa Huistaal |
Xhosa |
Xhosa Huistaal |
Xhosa |
| Afrikaans Huistaal |
Afrikaans |
Afrikaans Huistaal |
Afrikaans |
| Engels Huistaal |
Engels |
Engels Huistaal |
Engels |
| Sotho Huistaal |
Sotho |
Sotho Huistaal |
Sotho |
|
| 4.6 |
Assesseringstaal in graad 4 tot 9
Leerders in graad 4 tot 9 sal óf in Afrikaans óf in Engels geassesseer word (hetsy op Huistaalvlak of op Eerste Addisionele Taalvlak) soos hieronder verduidelik:
| Huistaalvak geneem |
Eerste Addisionele Taalvak geneem |
Taal van leer en onderrig (TLO) |
Taal van JNA Geletterdheidstoets |
Taal van JNA Gesyferdheidstoets |
| Engels Huistaal |
Xhosa Eerste Addisionele Taal |
Engels |
Engels Huistaal |
Engels |
| Huistaal |
Engels Eerste Addsionele Taal |
Afrikaans |
Afrikaans Huistaal |
Afrikaans |
| Afrikaans Huistaal |
Engels Eerste Addsionele Taal |
Engels |
Engels Eerste Addsionele Taal |
Engels |
| Xhosa Huistaal |
Engels Eerste Addsionele Taal |
Engels |
Engels Eerste Addsionele Taal |
Engels |
| Engels Huistaal |
Afrikaans Eerste Addisionele Taal |
Engels |
Engels Huistaal |
Engels |
| Xhosa Huistaal |
Afrikaans Eerste Addisionele Taal |
Afrikaans |
Afrikaans Eerste Addisionele Taal |
Afrikaans |
|
| 4.7 |
Teken aan op die SOBIS en gaan na "Assessments" om te bevestig of die leerdertotale en TLO per graad korrek is |
| 4.7.1 |
Kies "ANA 2015" en kliek op die "LoLT report". |
| 4.7.2 |
Kyk of die leerdergetal en die TLO wat aangedui word korrek is vir die leerders wat die Geletterdheid en Gesyferdheidstoetse gaan skryf. Maak die nodige veranderinge op die TLO-bladsy. Sodra die TLO-bladsy korrek is, sal die verandering outomaties gestoor word. |
| 4.7.3 |
Die afteken bladsy vir die TLO-verslag is toeganklik deur "ANA Print Statistics" onder "ANA 2015" op die "Assessment" kieslys te selekteer. Vang die prinsipaal se naam en van en die datum vas in die "sign off details" blok en kliek op "submit details" om die TLO-verslag vir u skool af te teken. |
| 4.7.4 |
Kies "Print Details" om die voltooide afgetekende bladsy te druk en stuur 'n kopie van die getekende TLO-verslag aan die betrokke assesseringskoördineerder in u onderwysdistrik, soos aangedui in die tabel hieronder, teen nie later nie as Vrydag 27 Maart 2015:
|
| 5. |
Aansoekproses vir toegewings en aangepaste toetse vir leerders met spesiale onderwysbehoeftes |
| 5.1 |
Vir leerders wat nuwe of ongedokumenteerde spesiale onderwysbehoeftes het, moet die prinsipaal ‘n aansoek voorlê aan die onderwysdistrik se Spesiale Behoeftes Onderwysadviseur wat hierdie versoeke sal verwerk. Slegs wanneer die spesiale onderwysbehoeftes se aansoeke deur die onderwysdistriksbeamptes geverifieer en verwerk is en op die SOBIS aangedui is, kan die versoek vir toegewings (vir byvoorbeeld ekstra tyd) voor voorsiening gemaak word. Skole word versoek om eers die onderwysdistrikte in te lig oor die toegewings en dan hierdie toegewings by die skool te bestuur. |
| 5.2 |
Aangepaste toetse is beskikbaar in ongekontrakteerde en gekontrakteerde Braille vir blinde leerders, vergrote font vir leerders met gedeeltelike sig, aangepaste vraestelle en klank-CD’s vir dowe leerders. Slegs leerders wat deur 'n gesertifiseerde mediese beampte geëvalueer is en 'n aanpassing versoek en wat met die skryf van gereelde evaluerings aanpassings ontvang het, kwalifiseer vir hierdie JNA-aanpassings. |
| 5.4 |
Let asseblief daarop dat, aangesien die aanpassings deur die Departement van Basiese Onderwys bestuur word, GEEN verdere versoeke vir aanpassings na die sperdatum van 27 Maart 2015 aanvaar sal word NIE. |
| 6. |
Registrasie van leerders by staatsgesubsideerde onafhanklike skole |
| 6.1 |
Die gewysigde Nasionale Norme en Standaarde vir Skoolbefondsing (Staatskoerant 33973, Kennisgewing 48, aangeheg) dui aan dat die graad 3 of graad 6 Jaarlikse Nasionale Assesserings (JNA) gebruik sal word om leerderprestasie in onafhanklike skole te meet wat in aanmerking kom vir 'n subsidie. |
| 6.2 |
Alle staatgesubsidieerde onafhanklike skole wat graad 3 of graad 6 aanbied word vereis om die JNA te skryf. Die JNA sal óf deur die graad 3 óf deur die graad 6-leerders by die skool geskryf word, afhangende van watter van die twee grade die hoogste is wat deur die skool aangebied word. |
| 6.3 |
Hierdie staatsgesubsidieerde onafhanklike skole moet die voorskrifte volg soos uiteengesit in paragrawe 4.1 tot 4.7 om leerdergetalle en die TLO van leerders wat geïdentifiseer is om die JNA te skryf, te verifieer, en in lyn met paragraaf 5, die behoefte vir die toetsaanpassings en toegewings vir hierdie leerders aan te dui. |
| 7. |
Registrasie van leerders by spesiale-behoefteskole |
| 7.1 |
Slegs ouderdom- en graad gepaste leerders by spesiale skole wat die Nasionale Kurrikulumverklaring aanbied, sal die JNA skryf. |
| 7.2 |
Spesiale skool prinsipale word versoek om teen 20 Maart 2015 hulle skool se deelname aan die JNA-toetse in 'n e-pos aan hulle assesseringskoördineerders te bevestig. |
| 7.3 |
Skole wat deelneem moet verseker dat hulle leerderrekords (TLO, HT, EAT, klas, graad en ongeskiktheid) korrek en op datum is. |
| 7.4 |
Spesiale skole moet die volgende stappe voltooi om leerders te registreer wat die JNA-toetse gaan skryf:
- Teken aan op SOBIS;
- Gaan na "Assessments" en "ANA 2015";
- Kies "SNE ANA learners";
- Kliek op "Manage My Learners";
- Kies 'n graad en dien in;
- Kies slegs die graad en ouderdom-gepaste kurrikulum leerders en STOOR leerders;
- Kliek op "Learner Summary" om 'n opsommende verslag van deelnemende leerders te sien; en
- Aftekening is beskikbaar onder "Assessments" / "ANA printing statistics".
|
| 7.5 |
Sodra die druk statistieke nagegaan en geverifieer is, teken die data op die SOBIS af, druk en teken 'n kopie van die afgetekende data en dien die inligting teen Vrydag 27 Maart 2015 by die assesseringskoördineers by die onderwysdistrikte in. |
| 8. |
Geen aanvullende JNA-toetse sal aan skole voorsien word indien hulle nie hulle JNA-data opgedateer en afgeteken het nie. |
| 9. |
Onderwysdistriksbeamptes en prinsipale word vriendelik versoek om op die inhoud van hierdie minuut te let. |
GETEKEN: T SINGH
WAARNEMENDE ADJUNK-DIREKTEURS-GENERAAL: KURRIKULUM- EN ASSESSERINGSBESTUUR
DATUM: 2015:03:17
|
 |