1. Die Suid-Afrikaanse Wiskunde-uitdaging vir graad 4- tot 7-leerders word deur die Suid-Afrikaanse Wiskundestigting (SAWS) in samewerking met die Vereniging vir Wiskundeonderrig in Suid-Afrika (Amesa) gereel en deur die SASOL-stigting geborg.

2. Die doel van die Uitdaging is om Wiskunde te populariseer en om die vak se gehalte van onderrig en leer te verhoog. Die Uitdaging is nie 'n skolastiese toets nie, maar dit toets konseptuele kennis, die toepassing van kennis in nuwe situasies, probleemoplossing en algemene wiskundige denke. Aangesien Wiskunde 'n vak is wat vir alle leerders in die AOO-band toeganklik moet wees, word in die vooruitsig gestel dat alle leerders van graad 4 tot 7 in die Wes-Kaap die geleentheid sal kry om aan die SA Wiskunde-uitdaging en ander Wiskunde-aktiwiteite deel te neem om die vak aantrekliker te maak sodat leerders dit later in die AOO-band kies.

3. In 2014 het die Wes-Kaap Onderwysdepartement (WKOD) bygedra tot die hoogste getal leerders in die land wat aan die Eerste Ronde van die SA Wiskunde-uitdaging deelgeneem het, en skole word weereens aangemoedig om al hul graad 4- tot 7- leerders vir die Eerste Ronde in 2015 in te skryf.

4. Die SA Wiskunde-uitdaging

  • Daar is twee kategoriee vir deelname 'n selfversekerde leerders kan moontlik verkies om as individue (enkels) deel te neem, terwyl ander kan verkies om in pare (dubbels) te werk.
4.1 Eerste Ronde: Donderdag, 21 Mei 2015

  • Deelname aan die Eerste Ronde is gratis en alle leerders mag inskryf.
  • Die Eerste Ronde word op 21 Mei 2015 geskryf. Die aanbevole duur is een uur, maar 'n bietjie meer tyd kan toegelaat word.
  • Alle skole sal die vraestel, memorandum en vorms om statistiese inligting op te teken, ontvang. Daar word van die skool verwag om afskrifte van die vraestel vir die leerders te maak - leerders wat as 'n paar (dubbels) meeding, sal een vraestel en antwoordblad ontvang om samewerkende probleemoplossing te fasiliteer.
  • Omdat die klem nie net op berekeningsvaardighede is nie, word sakrekenaars toegelaat en leerders moet dus aangemoedig word om hul eie sakrekenaars saam te bring.
  • Onderwysers sal die antwoordblaaie volgens die ingeslote memorandum merk (of leerders kan in die klas merk en bespreek).
  • Onderwysers sal uiteindelik die First Round Statistics-vorm en die Final Round Registration-vorm invul en na hul kluster-/baan-/distriksorganiseerder stuur, wat met SAWS sal skakel. Vakadviseurs moet in alle kommunikasie aan SAWS ingekopieer word. Inskrywingsvorms moet SAWS, saam met die statistiese data van die Eerste Ronde, nie later nie as 25 Mei 2015 bereik om hulle in staat te stel om die Finale Ronde te reel.
4.2 Finale Ronde: Woensdag, 29 Julie 2015

  • Leerders wat minstens 50% (10 of meer uit 20) in die Eerste Ronde behaal, kwalifiseer om aan die Finale Ronde deel te neem.
  • Die Finale Ronde word op 29 Julie 2015 by 'n sentrale lokaal in elke streek geskryf. Die kluster-/baan-/distriksorganiseerder sal die lokaal en opsieners reel en sal deelnemende skole teen 24 Junie 2015 oor reelings vir die Finale Ronde inlig - mits die First Round Statistics-vorm en Final Round Registration-vorm betyds ingedien is.
  • Die finale Ronde-vraestelle en veral ontwerpte antwoordblaaie sal deur SAWS gedruk en per koerier na al die skole wat vir die Finale Ronde geregistreer het, versprei word. Geen merkery is nodig nie.
  • Die voltooide antwoordblaaie sal deur die koeriermaatskappy ingesamel en elektronies deur SAWS gemerk word.
  • Slegs skole wat betyds (d.w.s. hul vorm ingedien en die inskrywingsgeld van R25 per leerder betaal het) vir die Finale Ronde geregistreer het, sal toegelaat word om deel te neem.
5. Koste

  • 'n Inskrywingsgeld van R25 per leerder word vir die Finale Ronde gevra (nie SASOL-skole nie). Ons moedig skole aan om die inskrywingsgeld vir hul leerders te betaal. Betaling van die skool se korrekte inskrywingsgeld moet die SAWS teen 22 Mei 2015 bereik 'n deur middel van 'n elektroniese oorplasing (met die naam van die skool as verwysing) of 'n tjek wat aan SAWS uitgemaak is.
  • Indien 'n leerder of 'n skool nie die inskrywingsgeld vir die Finale Ronde kan bekostig nie, moet 'n skriftelike versoek om borgskap saam met die Final Round Registration-vorm aan SAWS gestuur word.
  • Die inskrywingsgeld moet by die volgende bankrekening van SAWS inbetaal word:
    ABSA
    Hatfield, Takkode: 632005
    Rekeningnommer: 4061037913
6. Die WKOD waardeer die moeite wat skole doen om leerders die geleentheid te bied om jaarliks aan die SA Wiskunde-uitdaging deel te neem en vertrou dat leerders Wiskunde met meer selfvertroue sal doen as hulle meer oefening daarin kry.

7. Meer inligting oor die SA Wiskunde-uitdaging, gratis vorige vraestelle ingesluit, kan via die webtuiste van die SA Wiskunde-uitdaging verkry word by www.samf.ac.za en www.amesa.org.za/Challenge/Index.htm

8. Skoolhoofde word vriendelik versoek om hierdie minuut onder die aandag van alle Wiskunde-onderwysers vir graad 4 tot 7 te bring.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2015:05:13