1. Die nasionale Departement van Basiese Onderwys nooi, in samewerking met Suid-Afrikaanse Geskiedenis Aanlyn, alle skole uit om deel te neem aan die 2015 Nasionale Mondelinge Geskiedenis-kompetisie vir die Nkosi Albert Luthuli-toekenning vir jong geskiedkundiges wat in 2005 van stapel gestuur is. Hierdie kompetisie vorm deel van die Departement se bydrae tot die versterking van die onderrig en leer van Geskiedenis in skole. Die nasionale Departement beplan ‘n nasionale geleentheid wat voorafgegaan sal word deur provinsiale kompetisies oor spesifieke onderwerpe.

2. Dit is ook deel van die Departement se voortgesette inisiatief om alle leerders aan te moedig om nie net 'n begrip te vorm van die breë geskiedenis van Suid-Afrika nie, maar ook van die rykdom van die geskiedenis van hulle plaaslike gemeenskappe. Dit is ook 'n geleentheid vir die jong leerders om ondervinding op te doen in die ontwikkeling van belangrike navorsingsvaardighede.

3. Die kompetisie is oop vir alle leerders van graad 8 tot graad 11 en alle Sosiale Wetenskappe- en Geskiedenis-onderwysers van sekondêre skole.

4. Leerders en onderwysers word uitgenooi om die Suid-Afrikaanse Geskiedenis Aanlynwebtuiste te besoek by www.sahistory.org.za vir inligting oor mondelinge geskiedenisnavorsing, sowel as die Suid-Afrikaanse Geskiedenisargief se webtuiste by www.saha.org.za

5. Kompetisie vir leerders

Daar sal van leerders verwag word om navorsing te doen en 'n voorlegging of 'n dokumentere film of video oor een van die volgende onderwerpe voor te berei:

5.1 Vryheid, demokrasie en die geskiedenis van my skool

Hoe my skool apartheid ervaar het en die veranderinge sedert die koms van demokrasie in 1994.

5.2 Sosio-politieke biografie van 'n plaaslike held of heldin in my gemeenskap

Watter motivering het hulle in die Vryheidsmanifes gevind?

5.3 Lewensverhaal van 'n voormalige studente leier in die 1980's

Hoe die idealisme van die Vrydheidsmanifes hulle gelei het.

5.4 Geslagsaktivis in my gemeenskap wat aan die vroue se eenheidsbeweging deelgeneem het

Hoe die ideale van die Vrydheidsmanifes hulle gemotiveer het.

5.5 'n Plaaslike held of heldin wat in die werkerstryd van die 1980's deelgeneem het

Wat het die die stelreel "there shall be work and security" vir die arbeidsbeweging beteken.


6. Let asseblief op die volgende:

  • Die projek moet op mondelinge geskiedenis-navorsing gebaseer wees;
  • Leerders moet gehelp word met hulle keuse van persone met wie onderhoude gevoer moet word en sterk gelei word om mense uit hulle plaaslike gemeenskap te kies;
  • Leerders moet aangeraai word om onderhoude met ten minste 3 tot 4 persone te voer;
  • Beoordeling sal ten opsigte van navorsing gemeet word;
  • Daar word van leerders verwag om hulle aanbieding net in Engels aan te bied; en
  • Leerders moet 'n portefeulje voorle waarin al hulle navorsing gedokumenteer is.
7. Kriteria - Daar sal van leerders verwag word om TWEE dinge te doen:
7.1 'n Mondeling aanbieding (van 10 minute) aanbied of 'n video-dokumenter van hulle mondelinge navorsing aan 'n paneel van beoordelaars voor te le (dit is die bedoeling dat dit nie 'n dramatiese voorlegging of gedigte is nie).
7.2 Berei 'n portefeulje in geskrewe vorm voor wat die volgende moet insluit:
7.2.1 Portefeuljes moet bewyse van navorsing bevat. Leerders moet met lede van die gemeenskap onderhoude voer en moet bewyse van die onderhoude kan toon, kan voorle van die onderhoude, byvoorbeeld briewe aan persone met wie onderhoude gevoer word, transkripsies van onderhoude of bandopnames, insluitende die lys vrae wat aan die persone gestel is met wie hulle onderhoude gevoer het, asook hulle response - of op skrif of digitale bandopname.
7.2.2 Onderhoude mag in enige van die amptelike tale gevoer en opgeneem word.
7.2.3 Portefeuljes moet ook bewyse van refleksie lewer en moet aandag gee aan die volgende:

  • Leerders moet dit duidelik stel hoekom hulle die persone gekies het met wie hulle die onderhoud gevoer het, 'n duidelik begrip toon van die historiese konteks waarin die individu gewerk het, en hoe die inligting uit die onderhoud verband hou met die historiese konteks of hoe dit ons help om die gebeure vanuit 'n persoonlike perspektief te begryp;
  • Leerders moet 'n persoonlike nabetragting insluit oor wat hulle geleer het oor die moontlikhede vir individue om verandering in die samelewing mee te bring, en oor wat hulle persoonlik gedurende die navorsing geleer het en oor die waarde van mondelinge geskiedenis-navorsing om ons te help om ons geskiedenis te verstaan.
  • Leerders moet alle bronne wat in hulle portefeuljes gebruik is, erken. Bibliografiee moet ingesluit word. Plagiaat sal swaar gepenaliseer word.
8. Assesseringskriteria vir mondelinge geskiedenis-navorsingsprojekte (aangepas uit die NKV VOO se vakassesseringsriglyne vir Geskiedenis)

Omvang van die mondelinge geskiedenis-projek
Mondelinge geskiedenis-projekte het 'n aantal komponente:

  • Sleutelvrae wat die navorsing rig;
  • Agtergrondnavorsing wat die onderhoude binne konteks plaas;
  • Die onderhoude en transkripsies van die onderhoude;
  • 'n Geskrewe bespreking van hoe die inligting uit die onderhoude verband hou met die tydperk;
  • 'n Evaluering van die onderhoude as bronne oor die verlede; en
  • Selfrefleksie aan die einde: Nabetragting om te bepaal wat hierdie projek vir my [die leerder] beteken het ten opsigte van persoonlike groei en kennis en begrip van die tydperk?
    (Dit kan ook op meer direkte vrae fokus, veral in graad 10, soos: Wat is die belangrikste ding wat jy uit die mondelinge geskiedenis geleer het? Waarvan sou jy meer wou weet, noudat jy hierdie projek gedoen het?)
L.W. Gebruik die kriteria soos uiteengesit in die navorsingstaak. Kriteria kan bygevoeg word om die kernkriteria meer toepaslik vir spesifieke take te maak.
Kriterium 1
Formuleer vrae vir die projek
Kriterium 2
Identifiseer en verkry toegang tot 'n verskeidenheid inligtingsbronne
Kriterium 3
Kennis en begrip van die tydperk
Kriterium 4
Geskiedkundige navraag en kommunikasie
Kriterium 5
Aanbieding
Kriteria vir die assessering van 'n mondelinge geskiedenis-projek
Kriterium 1
Vrae vir die onderhoud

  • Die vrae was oop;
  • Die vrae was toepaslik en het inligting uitgelok wat toepaslik is op die oorkoepelende vraag; en
  • Daar was voldoende vrae.
Kriterium 2
Mense met wie onderhoude gevoer is

  • Persone met wie die onderhoud gevoer is, was geskik; en
  • Die biografiese besonderhede van die persone met wie onderhoude gevoer is, is gegee.
Kriterium 3
Voorbereiding en beplanning

  • Daar is bewyse van noukeurige voorbereiding vir die onderhoude;
  • Daar is bewyse van projekbeplanning; en
  • Alle aantekeninge ter voorbereiding en beplanning is by die projek ingesluit.
Kriterium 4
Aanbieding van die inligting uit die onderhoude

  • Die persone met wie onderhoude gevoer is, is in 'n historiese konteks geplaas;
  • Die konteks om die onderhoude te verstaan, is gegee;
  • Die inligting van die onderhoude is in 'n historiese konteks geplaas;
  • Die inligting van die onderhoude is noukeurig getranskribeer (indien 'n bandopnemer gebruik is);
  • Die inligting van die onderhoude is geanaliseer en samehangend georden en wys verskillende uitgangspunte, indien van toepassing en
  • Die aanbieding van die projek vir die klas was duidelik en doeltreffend.
Kriterium 5
Selfrefleksie

  • Kommentaar wys dieper denke uit oor die proses en die produk.

9. Kompetisie vir onderwysers
9.1 Onderwysers van sekondere skole wat vir die kompetisie inskryf, moet 'n werksplan indien oor hoe hulle die mondelinge geskiedenis-projek in die klaskamer opgestel het.
9.2 Elke onderwyser sal 'n aanbieding moet lewer voor 'n paneel beoordelaars (oor sy of haar portefeulje), en voorbereid wees vir 'n paneelbespreking oor sy of haar portefeulje.
9.3 Onderwysers moet die volgende in 'n portefeulje vir die kompetisie insluit:

  • Hoe die mondelinge geskiedenis-projek in die klaskamer bekendgestel is;
  • Leerders kan plakkate ontwerp vir 'n erfenisgebied;
  • Watter verduideliking aan leerders gegee is oor die kies en benadering van moontlike onderhoudpersone, oor voorbereiding vir en afneem van onderhoude en die gebruik van die onderhoud as bewyse waaruit afleidings oor die deelname van daardie individu gemaak kan word;
  • Watter intervensies die onderwyser gebruik het om die leerders by te staan om die projek af te handel;
  • Wat die leerders na die onderwyser se mening geleer het uit die mondelingegeskiedenis-projek; en
  • 'n Reeks voorbeelde van die leerders se werk moet ingesluit word.
10. Provinsiale beoordelingsproses
10.1 Onderwysers moet leerders identifiseer en voorberei vir die uitdunrondes binne die distrik asook vir die provinsiale geleentheid en verseker dat leerders wat ingeskryf het teenwoordig en gereed is vir die provinsiale geleentheid en dat die nodige vervoer na en van die geleenthede gereel is.
10.2 Leerders moet hulle navorsing, vraelyste, onderhoude en transkripsies lank voor die tyd voltooi, seker maak dat hulle hul portefeuljes met bewyse saamgestel het en hulle aanbiedings voltooi het. Leerders moet ook in staat wees om enige vrae oor hulle projekte en navorsing te beantwoord, en moet oor hulle persoonlike ervarings kan reflekteer en dit met ander kan deel.
10.3 Die provinsiale beoordeling om die 8 leerders en 2 onderwysers te kies vir die nasionale kompetiesie, sal plaasvind op 22 Augustus 2015. Voorlopige werkswinkels vir onderwysers en leerders sal deur die kurrikulumadviseurs binne die distrikte gereël word. Die lokale sal bevestig word via die kurrikulumadviseurs vir Sosiale Wetenskappe en Geskiedenis.
10.4 Die nasionale Departement van Basiese Onderwys sal verantwoordelik wees vir reis- en verblyfkostes vir deelnemende leerders en onderwysers tydens die nasionale kompetisie in Pretoria van 02 tot 05 Oktober 2015.

11. 'n Aansoekvorm is aangeheg as Bylae A.

12. Vir verdere inligting, skakel asseblief met me N Dodgen by tel. 021 467 9333 of 021 467 9333 of e-posadres noleen.dodgen@westerncape.gov.za

13. Prinsipale word vriendelik versoek om die inhoud van hierdie minuut onder die aandag van die skoolbestuurspan en die betrokke onderwysers te bring.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2015:04:23

Bylae A: "The Nkosi Albert Luthuli oral history competition application form 2015"  (grootte: 42 KB)