| 1. |
Die Wes-Kaap Onderwysdepartement (WKOD) is bekommerd oor die swak prestasie in Wiskunde, Huistaal en Eerste Addisionele Taal in die 2014 Jaarlikse Nasionale Assessering (JNA) vir graad 9 in die Wes-Kaap. |
| 2. |
Die uitslae vir die provinsie vir die taal van leer en onderrig, dui daarop dat 48,7% van die leerders 'n aanvaarbare prestasievlak in hulle Huistaal behaal het, terwyl slegs 24,2% dit in hulle Eerste Addsionele Taal kon verkry. Vir Wiskunde het slegs 6,2% van die leerders in die provinsie 'n aanvaarbare vlak in die JNA behaal. |
| 3. |
Ten einde hierdie uitslae te verbeter, word 'n intervensieplan vir skole aanbeveel om te volg. Hierdie plan is veral gemik op die verbetering van die graad 9-JNA-uitslae in skole waar die slaagsyfer minder as 20% in Wiskunde en Eerste Addsionele Taal was, of onder 50% in die Huistaal. |
| 4. |
Die intervensie behels die volgende: |
| 4.1 |
'n Aksieprogram wat hoë prioriteitsareas lys wat in hierdie vakke onderrig moet word tesame met pasaanduiders vir Tale en Wiskunde; en |
| 4.2 |
'n Gesamentlike eksamen in Junie vir hierdie vakke. |
| 5. |
Skole word dus hiermee versoek om op die hoë prioriteitsareas (Bylae B)te fokus wat vir graad 8 en 9 in die bogenoemde vakke geteiken moet word sodat die probleme wat leerders tydens die assesserings en in die besonder met die JNA ervaar, aangespreek kan word. |
| 6. |
Bylae B voorsien onderwysers wat Tale in Graad 8 en 9 onderig met hoë prioriteitsareas om te dek vanaf Kwartaal 2. |
| 7. |
Die algemene eksamenvraestelle en memorandums vir Wiskunde, Huistaal en Eerste Addsionele Taal sal opgestel word deur 'n span spesialiste, wat uit vakadviseurs en onderwysers bestaan. Die eksamenvraestelle sal op die KABV-vereistes gebaseer wees en sal in die besonder op die hoë prioriteitsareas, wat in die aangehegte aksieprogram gelys is, fokus. Die doel van hierdie vraestelle is:
- om die assesseringspraktyk te standardiseer;
- om onderwysers van 'n betroubare eksamenpunt vir Junie te voorsien;
- om graad 9-leerders vir die JNA-toets in Kwartaal 3 voor te berei;
- om die swak prestasie in die bogenoemde vakke te verbeter;
- om 'n elektroniese databasis saam te stel om leerders wat bo 50% in die JNA behaal, na te spoor.
|
| 8. |
Terwyl die afneem van die algemene vraestelle vir graad 8 en 9 oop is vir alle skole, sal skole wat onder die maatstaaf, soos uiteengesit in punt 3 hierbo, vereis word om aan hierdie projek deel te neem. |
| 9. |
Hierdie skole word versoek om Bylae A te voltooi en dit teen 04 Mei 2015 terug te faks of te e-pos aan hulle distrik se AOO-koördineerder. |
| 10. |
Die eksamenvraestelle sal op die WKOD se Moodle-webtuiste geplaas word en sal teen 25 Mei 2015 op 'n CD aan die distrikskantore voorsien word. Die deelnemende skole sal die verskillende vraestelle op die volgende dae skryf:
Tale (HT en EAT) algemene vraestelle op 3 en 5 Junie 2015:
| 10 Jun |
Gr 9 |
Vraestel 2 |
Begrip en taalgebruik |
2 ure |
| Gr 8 |
Vraestel 2 |
Begrip, taalgebruik & letterkunde
Skole moet die vrae vir die gr 8-letterkunde intern opstel |
2 ure |
| |
| 12 Jun |
Gr 9 |
Vraestel 3 |
Skryfwerk: Opstel & transaksionele skryfwerk |
1 uur |
| Gr 8 |
Vraestel 3 |
Skryfwerk: Opstel & transaksionele skryfwerk |
1 uur |
| Nota 1: Gr 8 & 9 |
Vraestel 1- Mondelinge punte wat tydens Kwartaal 1 en 2 deur die skool beoordeel moet word |
| Nota 1: Gr 9 |
Vraestel 4 – Skole moet hulle eie vraestel opstel om die verskillende letterkunde genres, wat gedurende Kwartaal 1 en 2 onderrig is, te evalueer. |
Wiskunde algemene eksamenvraestelle op 8 en 10 Junie 2015;
| 11 Jun |
Gr 8 & 9 Vraestel 1 Syfers, Algebra |
1½ uur |
| |
| 17 Jun |
Gr 8 & 9 Vraestel 2 Vorm & Ruimte, Meeting & gr 8-data |
1½ uur |
|
| 11. |
Sodra die uitslae geanaliseer is, word onderwysers aangemoedig om leerders ten opsigte van die leemtes wat geïdentifiseer is, te ondersteun. JNA-vrae moet gedurende die verloop van die jaar in die onderrig-, leer- en assesseringsproses geïnkorporeer word. Hulle moet nie in 'n losstaande aktiwiteit voorkom nie. |
| 12. |
Prinsipale word versoek om die inhoud van hierdie minuut onder die aandag van alle Senior Fase-onderwysers in Taal en Wiskunde te bring. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2015:04:24
|
 |