| 1. |
Die Wes-Kaap Onderwysdepartement (WKOD) is bekommerd dat die 2014 Jaarlikse Nasionale Assessering (JNA) toon dat graad 1- tot 6-leerders steeds nie op aanvaarbare vlakke in Taal en Wiskunde presteer nie. |
| 2. |
Volgens Aksieplan 2014: Towards the Realisation of Schooling 2025, moet leerders in graad 3 en 6 teen 2014 op 'n minimum bevoegdheid van 60% in Taal en Wiskunde presteer. Die tabel hieronder toon die gemiddelde provinsiale persentasie wat in 2014 in die Jaarlikse Nasionale Assessering (JNA) vir Taal en Wiskunde behaal is.
| Graad |
Huistaal |
Eerste addisionele taal |
Wiskunde |
| 3 |
53.7 % |
N.V.T. |
53.6 % |
| 6 |
60.4 % |
41.8 % |
11.9 % |
|
| 3. |
Alhoewel die uitslae aandui dat daar in graad 6 'n minimum gemiddeld van 60% in Huistaal behaal is, is daar steeds ruimte vir verbetering aangesien die teiken vir 2019, volgens die bogenoemde aksiesplan, is dat alle leerders in hierdie grade 'n minimum van 75% in beide Taal en Wiskunde behaal. |
| 4. |
Vir hierdie doel is die ontleding van die uitslae voltooi en 'n intervensieplan wat die hoë prioriteitsareas in Taal en Wiskunde lys word aanbeveel vir skole om dit vanaf Kwartaal 2 te volg. |
| 5. |
Skole word dus hiermee versoek om op die hoë prioriteitsareas, wat vir graad 1 tot 6 in die bogenoemde vakke geteiken moet word, te let sodat die probleme wat leerders tydens die JNA- en WKOD-sistemiese toetse ervaar, aangespreek kan word. |
| 6. |
Bylae A bied 'n oorsig van die hoë prioriteitsareas wat ter voorbereiding van die JNA- en WKOD-sistemiese toetse in 2015 versterk moet word. Onderwysers word aangemoedig om leerders met die identifisering van inhoudsgapings te ondersteun. Die JNA-vrae en WKOD-voorbeelde moet regdeur die jaar in die onderrig-, leer- en assesseringsprogram geïnkorporeer word en moet geensins as 'n geïsoleerde aktiwiteit voorkom nie. |
| 7. |
Onderwysers moet leerders ook produktief by die DBO-werkboeke betrek aangesien dit bewys dat dit goeie uitslae lewer. |
| 8. |
Prinsipale word vriendelik versoek om die inhoud van hierdie minuut onder die aandag van die skoolbestuurspan en die betrokke onderwysers te bring. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2015:04:24
|
 |