1. In die lig van die swak uitslae in graad 9 in die Jaarlikse Nasionale Assesserings (JNA), is die Wes-Kaap Onderwysdepartement (WKOD) van voorneme om graad 8- en 9-onderwysers dringende indiensopleiding te bied.

2. Skole wat’n slaagsyfer van minder as 40% behaal het in die 2014 JNA is dus gekies om deel te wees van die graad 8- en 9 Wiskunde-opleiding.

3. Die opleiding sal in 2015 en 2016 oor twee 5-dag-kontaksessies plaasvind. Dit sal gevolg word deur klustergroep ondersteuning ten einde onderwysers se inhoudskennis te versterk en goeie wiskunde gemeenskapspraktyke te bou.

4. Hierdie minuut dien as 'n uitnodiging aan skole wat 'n slaagsyfer van minder as 40% in die JNA vir 2014 behaal het, om deel te wees van hierdie belangrike intervensie.

5. Twee opleidingsessies is vir hierdie doel beplan. Die eerste opleidingsessie sal in Julie 2015 plaasvind en die tweede opleidingsessie sal in Januarie 2016 plaasvind voor die nuwe skooljaar begin. Onderwysers en departementshoofde/vakhoofde word vriendelik versoek om die volgende datums te reserveer:

13 - 17 Julie 2015
(d.w.s die laaste week van die skoolvakansie)		 11-15 Januarie 2016
(d.w.s een week voor die skole begin)		 Opleiding sal oor 5 dae plaasvind. Die tye is soos volg:

  • Maandag - Donderdag: 08:00 tot 15:30
  • Vrydag: 08:00 tot 14:00

Opleiding sal by die Kaapse Onderrig- en Leierskapinstituut plaasvind.

6. Registrasie

Prinsipale word versoek om die aangehegte registrasievorm (Bylae A) te voltooi en dit voor Vrydag, 15 Mei 2015 terug te besorg aan die betrokke AOO-distrikskoordineerder.

Ten einde logistieke probleme by die opleiding te vermy, is dit noodsaaklik dat skole die korrekte registrasie inligting voorsien. Alle beplanning en reelings vir die opleiding (insluitende die hoeveelheid handleidings per taal, fasiliteerders, groepe, lokale, spyseniering en verblyf, ens.) word op hierdie inligting gebaseer.

7. Reis
7.1 'n Reistoelaag sal betaal word, onderhewig aan die volgende voorwaardes:

  • Volledige bywoning van die opleidingskursus is bevestig.
  • Die totale afstand wat gereis is vir die periode van 5 dae moet 100 km oortref, d.w.s. dit moet elke ten minste 'n 20 km retoerrit wees.
  • Die totale afstand wat vir die periode van 5 dae geeis word, mag nie 700 km oorskry nie, d.w.s. dit mag nie meer as 140 km retoerrit per dag wees nie. Deelnemers wat hierdie afstand oorskry sal nie vir meer as 700 km reisafstand vergoed word nie en word aangeraai om eerder vir akkommodasie te registreer.
7.2 Eise sal geassesseer word ooreenkomstig die volgende kriteria:

7.2.1 Gebruik van eie motor Onderwysers moet so ver as moontlik vervoer deel.
Slegs die bestuurder of eienaar van die voertuig mag vir die kilometerafstand wat gereis is, eis. Alle passasiers moet gelys word.
'n Standaardtarief van R3.00 per kilometer sal betaal word. Enjinslagvolume sal nie van toepassing wees nie.
7.2.2 Gebruik van 'n saamryklub (betaal of gratis) in 'n privaat voertuig Slegs die bestuurder of eienaar van die voertuig mag vir die kilometerafstand wat gereis is, eis. Passasiers moet gelys word.
'n Standaardtarief van R3.00 per kilometer sal betaal word. Enjinslagvolume sal nie van toepassing wees nie.
7.2.3 Gebruik van die skoolbus Die skool moet 'n brief voorlê wat aandui dat die skoolbus gebruik is, met die name van die passasiers en die afstand wat gereis is.
'n Standaardtarief van R3.00 per kilometer sal betaal word.
Enjinslagvolume sal nie van toepassing wees nie.
7.2.4 Gebruik van 'n geregistreerde diensverskaffer

L.W.: vooraf skriftelike goedkeuring moet van die AOO-distrikskoördineerder verkry word.
Stap 1) Die skool moet 3 kwitasies voor die opleiding bekom
Stap 2) Die skool moet hierdie kwitasies by die AOO-koördineerder indien. Die laagste kwotasie sal aanvaar word.
Stap 3) Die AOO-koördineerder moet skrfitelik aan die Prinsipaal bevestig dat die diens gekontrakteer kan word.
Stap 4) Die skool moet reël vir die huur van die diens.
Stap 5) Na die dienslewering moet die SKOOL die diensverskaffer betaal en 'n kwitansie verkry.
Stap 6) Vir die vergoeding moet die skool 'n brief by die distrik se eise bestuurder indien wat aandui dat die diensverskaffer gebruik is. Maak 'n lys van die passasiers en besonderhede van die afstand wat gereis is. Die kwitasies, goedkeuring van die AOO-koördineer en die finale betaalde faktuur moet aangeheg wees.

Alle papierwerk moet gehou word as bewys vir die interne ouditeur.
Die WKOD sal SLEGS die skool vergoed by ontvangs van die getekende dokumentasie, insluitende die vooraf geskrewe goedkeuring vanaf die AOO-distrikskoördineerder. Onderwysers moet reël dat die groep by 'n sentrale punt opgelaai word.
7.2.5 Gebruik van openbare vervoer bv. 'n openbare taxi, bus, trein vir die aflê van kort afstand Eise moet die begin- en eindpunt van elke stadium van die reis aandui.
Vergoeding sal plaasvind ooreenkomstig die standaardtariewe.
Bewyse (kaartjies) kan versoek word deur die eise beampte om die eis geldig te maak.
Geen taxi’s met meters mag vir eise gebruik word nie.

8. Akkomodasie en maaltye (waar van toepassing) slegs in landelike gebiede
8.1 Akkommodasie en maaltye (aandete en ontbyt) sal voorsien word, onderhewig aan die volgende voorwaardes:

  • Die afstand na die opleidingslokaal moet meer as 60 km een rigting per dag wees.
  • Volledige bywoning van opleidingskursus is bevestig.
  • Registrasie is vooraf voltooi.
  • Volle nakoming van die vereistes soos uiteengesit in 8.3 hieronder.
  • Slegs 1 opsie (sien 8.3 hieronder) mag gekies word, en onderwysers sal nie vergoed word vir enige verandering of alternatiewe akkommodasie nie.
8.2 Akkomodasie sal vanaf die eerste tot die laaste dag van die opleidingskursus voorsien word, met die opsie van aankoms tussen 14:00 en 17:00 op die Sondag voor die werkswinkel begin.
8.3 Tipes akkommodasie:

Onderwysers wat in aanmerking kom vir akkommodasie, kan vir EEN van die volgende opsies hieronder registreer:

8.3.1 KOLI Koshuisakkommodasie Koshuisakkomodasie by die KOLI, teen geen koste vir onderwysers nie, sal voorsien word. Die volgende voorwaardes sal geld:

  • Registrasievorm (Bylae A) moet teen Vrydag, 15 Mei 2015 ingedien word.
  • Onderwysers sal kamers deel.
  • Onderwyers word versoek om hulle eie beddegoed, handdoeke en toiletware saam te bring.
  • Sondag se aankomstyd is slegs tot en met 17:00.
8.3.2 Geregistreerde gasvryheidsinrigtings, soos bv. bed-en-ontbyt-gastehuise, hotel Die volgende voorwaardes sal geld:

  • 'n Maksimum van R300 per dag mag geeis word vir aandete, bed en ontbyt.
  • 'n Oorspronklike faktuur vanaf die instelling moet onderteken word deur die eiser en by die opleidingskursus ingedien word.
  • Onvolledige of laateise is nie gewaarborg van betaling nie.
8.3.3 Familie/vriende akkommodasie Die volgende voorwaardes sal geld:

  • 'n Maksimum van R130 per dag mag geeis word vir aandete, bed en ontbyt.
  • Hierdie eis moet vergesel word van 'n beedigde verklaring van die betrokke familielid/vriend, medeonderteken deur die eiser, en by die opleidingskursus ingedien word.
8.3.4 Privaat korttermyn huurooreenkomste Die volgende voorwaardes sal geld:

  • Die skool sal verantwoordelik wees vir die akkomodasie reelings en betaling (al die koste vir aandete, bed en ontbyt) daarvan
  • 'n Behoorlike proses moet gevolg word:
    • Stap 1) Die skool moet, vooraf, 'n brief by die AOO-koordineerder indien, wat die gebruik van 'n gehuurde akkommodasie-fasilieit versoek om 'n groep onderwysers te akkomodeer. Besonderhede van die akkommodasie, insluitende die huurooreenkoms, en die name van die onderwysers moet voorsien word.
    Stap 2) Die AOO-koordineerder moet die ooreenkoms op skrif goedkeur. Geen reelings kan sonder dit afgesluit word nie.
    Stap 3) Die skool moet die kwitansies betaal en indien, en die ondersteunende dokumentasie (die ooreenkoms en die goedkeuring van die AOO-koordineerder by die opleidingskursus
  • Die eis sal as een rekening hanteer word, betaalbaar aan die skool.
  • 'n Maksimum van R250 per dag per onderwyser sal betaal word - dit sluit alle akkommodasie, aandete, bed en ontbytkoste in. Die werklike bedrag wat terugbetaal word, sal egter afhang van die werklike koste, tot en met 'n maksimum van R250 per persoon per dag. Enige koste bo dit sal nie deur die WKOD betaal word nie.
  • Alle oorspronklike maaltyd kwitansies, strokies ens, moet afgeteken word en met 'n opsomming ingedien word.
  • Die hele eis moet as EEN REKENING ingedien word met 'n dekbrief vanaf die skool wat al die oorspronklike dokumentasie ondersteun.

9. Hoe om te eis
9.1 Alle onderwysers wat 'n eis wil indien, moet die aangehegte Bank Details Form voltooi en dit op die eerste dag by die eise toonbank by die opleidingslokaal indien. Die Bank Details Form moet deur die bank gestempel word en slegs 'n oorspronklike vorm mag ingedien word. Geen fakse of fotokopieë sal aanvaar word nie. Onderwysers moet hierdie vorrm voltooi VOOR die opleiding begin (d.w.s arriveer by die lokaal met hierdie vorm wat reeds voltooi is).
9.2 Alle eise moet ondersteun word deur oorspronklike dokumentasie. Geen fakse of fotokopieë sal aanvaar word nie.
9.3 Eisers sal slegs vergoed word na voltooiing van die opleidingskursus en sal dus vooraf hulle eie onkoste moet betaal. Waar nodig, word skole vriendelik versoek om hulle onderwysers in hierdie opsig tegemoet te kom. Bewys van betaling moet bewaar word.
9.4 Terugbetalings sal gemaak word slegs na deeglike ondersoek van die eis, en die WKOD behou hom die reg voor om die finale besluit te neem waar daar enige ongerymdheid voorkom.
9.5 Alle eise moet ingedien word by die opleidingslokaal waar beamptes byderhand sal wees om eisers te help.
9.6 Geen laat of onvoltooide eise sal aanvaar word, tensy daar buitengewone versagtende omstandighede is nie, en terugbetalings kan nie gewaarborg word nie.

10. Navrae

Indien u enige navrae het, moenie huiwer om die betrokke AOO-distrikskoördineerder te kontak nie:

Distrik Koördineerder Tel E-pos Faks
Metro Sentraal Avrille Morgendal 021 514 6770 Anna.Morgendal@westerncape.gov.za 021 514 6770
Metro-Noord Malefo Makena 021 938 3104 Malefo.Makena@westerncape.gov.za 021 938 3104
Metro-Oos Ursula Esau 021 900 7051 Ursula.Esau@westerncape.gov.za 021 900 7051
Weskus Ebrahim Peck 021 860 1569 Ebrahim.Peck@westerncape.gov.za 021 860 1569
Kaapse Wynland Edgar Johannes 023 348 4604 Edgar.Johannes@westerncape.gov.za 023 348 4604
Eden & Sentrale Karoo Marietjie Beukes 044 803 8320 Marietjie.Beukes@westerncape.gov.za 044 803 8320

11. Prinsipale word versoek om seker te maak dat die inligting in hierdie minuut oorgedra word aan alle onderwysers en dat registrasie besonderhede by die AOO-distrikskoördineerder gelaat word teen nie later nie as Vrydag, 15 Mei 2015.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2015:03:31

Bylae A: Registrasie vir wiskunde-opleiding  (grootte: 51 KB)