1. Die AstroQuiz is 'n wetenskapkompetisie vir graad 7-leerders wat gebaseer is op astronomieverwante temas. Dit is ook verwant aan die "Aarde en die Ruimte" afdeling in die Natuurwetenskappe-sillabus.

2. Die AstroQuiz word deur die Suid-Afrikaanse Agentskap vir Wetenskap en Tegnologiese Voortuitgang (SAAWTV) befonds en word provinsiaal deur die Suid-Afrikaanse Astronomiese Observatorium (SAAO) bestuur. Die projek poog om:

  • 'n belangstelling in die wetenskap in primere skole aan te moedig;
  • klaskamerpraktyk te verbeter;
  • bewustheid en insig te skep in basiese sterrekunde, wetenskap en wiskunde; en
  • 'n belangstelling in loopbaangeleenthede in die sterrekunde en ander wetenskappe te bevorder.
3. Die AstroQuiz is sedert 2006 suksesvol in die provinsie geimplementeer en belangstelling in die kompetisie is ongelooflik. Outeniqua Primer het die provinsie in 2014 op nasionale vlak verteenwoordig. Aantreklike pryse word aan die wenskool gebied.

4. Die Wes-Kaap Onderwysdepartement (WKOD) moedig skole aan om aan die 2015 AstroQuiz deel te neem.

5. Die SAAO sal 'n hulpbronpak vir die AstroQuiz en vorige jare se vraestelle by deelnemende skole, aflewer. Hierdie hulpbronpak en die vorige jare se vraestelle is ook beskikbaar op die SAAO AstroQuiz se webblad: www.astroquiz.saao.ac.za

6. Die WKOD versoek dat alle skole die AstroQuiz hulpbronpak en vraestelle gebruik sodat leerders kan oefen hoe om die vasvra te skryf. Dit moet 'n oop boek aktiwiteit wees vir groepe van vier leerders elk, met elke groep wat as 'n span saamwerk.

7. Belangstellende skole moet direk by die SAAO vir die vasvra registreer, via die AstroQuiz webblad: http://astroquiz.saao.ac.za Registrasie is oop vanaf Maart 2015.

8. Alle kommunikasie met die SAAO sal via e-pos en/of SMS gedoen word. Onderwysers kan hul voorkeurmetode van kommunikasie aandui wanneer hulle registreer.

9. Skole moet reel om aanlyn aan die eerste twee rondtes van die provinsiale AstroQuiz deel te neem. Skole word aangemoedig om in die eerste rondte met soveel moontlik spanne deel te neem. Daar sal . oefenrondte wees sodat leerders kan oefen om die vasvra aanlyn te doen. Leerders mag hul selfone gebruik om aanlyn deel te neem. Alle skole moet en stel van 30 vrae in elke rondte beantwoord. Die vrae is dieselfde vir alle skole. Spanne kry 'n vasgestelde 60 sekondes om en vraag te beantwoord. Spanne mag die antwoorde saggies met mekaar bespreek. Slegs een span per skool mag aan die tweede rondte deelneem. Deelnemende leerders mag nie hulpbronmateriaal in die vasvra lokaal invat nie.

10. Die eerste twee rondtes van die provinsiale AstroQuiz sal op skoolvlak plaasvind onder toesig van die onderwyser in beheer. Rondte 1 sal op Vrydag 24 April 2015 plaasvind, en Rondte 2 op Vrydag 05 Junie 2015.

11. Provinsiale Rondtes 3 en 4 sal saam op Vrydag 28 Augustus 2015 by die SAAO in Observatory, Kaapstad, plaasvind. Alle distrikte in die provinsie sal in die derde rondte verteenwoordig word. Die SAAO sal verantwoordelik wees vir die vervoer van spanne na die provinsiale Rondtes 3 en 4, asook die finale nasionale geleentheid. Die wenskool sal die provinsie by die nasionale kompetisie verteenwoordig, wat op Vrydag, 09 Oktober 2015 gehou sal word. Die byeenkomplek vir die finale nasionale rondte sal later bekend gemaak word.

12. Indien u enige vrae het, moenie huiwer om die SAAO direk te kontak nie. U kan ook hulle webblad besoek vir meer inligting. Hulle besonderhede is:

  Tel:   021 460 9369 (Buzani)
021 460 9319 (Thembela)
021 460 9328 (Christian)
Faks: 086 554 1330
E-pos: help@astroquiz.saao.ac.za
Webblad: http://astroquiz.saao.ac.za

13. Prinsipale word versoek om hierdie minuut onder die aandag van alle graad 7 Natuurwetenskappe onderwysers te bring.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2015:03:20