| 1. |
Soos u bewus is, is u skool gekeur om deel te neem aan Fase 4 van die Wes-Kaap Onderwysdepartement (WKOD) se Geletterdheid- en Gesyferdheidsintervensie (LitNum Intervensie). Die fase sal soos volg oor 2 siklusse versprei word:
- Siklus 1 begin in Junie-Julie 2015, met 'n 5-dag indiensopleidingsessie vir onderwysers, in of Taal of Wiskunde. Gespesialiseerde diensverskaffers sal daarna by die skool of in die klaskamer onderwysers ondersteun met die implementering van die metodologiee, inhoudskennis te verdiep en 'n gemeenskap van praktyk te bou. Siklus 1 sluit in Junie 2016 af.
- Siklus 2 begin in Junie 2016. Die aanvanklike, 5-dag opleiding sal gedurende Junie-Julie 2016 gehou word. In siklus 2 sal die skole wat voorheen in siklus 1 Taalondersteuning ontvang het, nou Wiskunde-ondersteuning in siklus 2 ontvang, en omgekeerd.
|
| 2. |
Hierdie minuut dien as 'n formele kennisgewing aan alle Fase 4 skole dat siklus 2-opleiding gedurende Junie-Julie 2015 sal plaasvind, soos aangekondig by die distrik inligtingvergaderings met skoolbestuur. Onderwysers en departementshoofde moet die betrokke datums hieronder reserveer:
| 29 Junie tot 03 Julie 2015 |
13 Julie tot 17 Julie 2015 |
Opleiding sal oor 5 dae geskied. Die tye is soos volg:
- Maandag: Registrasie om 08:00. Opleiding begin 08:30 en eindig 16:00.
- Dinsdag tot Donderdag: 08:30 tot 16:00
- Vrydag: 08:30 tot 14:00
|
| Onderwysdistrik Metro-Sentraal |
Onderwysdistrik Metro-Noord |
| Onderwysdistrik Kaapse Wynland |
Onderwysdistrik Metro-Oos |
| Onderwysdistrik Weskus |
Onderwysdistrik Eden en Sentrale Karoo |
|
| 3. |
Soos in die verlede en waar moontlik, sal opleiding in gesentraliseerde lokale in die metro- en landelike distrikte plaasvind. |
| 4.1 |
Prinsipale word versoek om die aangehegde registrasievorm te voltooi (óf Bylae C óf Bylae D) en dit voor Donderdag, 30 April 2015 aan die betrokke distrik se AOO-koördineerder terug te stuur. |
| 4.2 |
Die volgende onderwysers moet registreer om die opleiding by te woon: |
| 4.2.1 |
Skole wat Taalopleiding en ondersteuning in Siklus 1 sal ontvang (sien Bylae A):
- Alle Grondslagfase-onderwysers (graad 1 tot 3), maar slegs die Intermediere Fase- onderwysers wat Tale onderrig (graad 4 tot 6).
- Bylae C, die Taalkursus se registrasievorm moet voltooi word.
|
| 4.2.2 |
Skole wat Wiskunde-opleiding en ondersteuning in Siklus 1 sal ontvang (sien Bylae B):
„h
„h
- Alle Grondslagfase-onderwysers (graad 1 tot 3), maar slegs die Intermediere Fase- onderwysers wat Wiskunde onderrig (graad 4 tot 6).
- Bylae D, die Wiskunde-kursus se registrasievorm moet voltooi word.
|
| 4.3 |
Let daarop dat graad R-onderwysers en graad 7-onderwysers NIE verplig is om die opleiding by te woon NIE, tensy hulle:
- die Grondslagfase/Intermediere departementshoof is;
- die Taal of Wiskunde vakhoof van die Fase is; of
- in 2016 graad 1 tot 6 en Taal/Wiskunde sal onderrig.
|
| 4.4 |
Ten einde logistieke probleme by die opleiding te vermy, is dit noodsaaklik dat skole die korrekte registrasie inligting voorsien. Alle beplanning en reëlings vir die opleiding (insluitend die hoeveelheid handleidings per taal, fasiliteerders, groepe, lokale, spyseniering en verblyf, ens.) word op hierdie inligting gebaseer. |
| 5.1 |
'n Reistoelaag sal betaal word, onderhewig aan die volgende voorwaardes:
- Volledige bywoning van opleidingskursus moet bevestig word.
- Die totale afstand wat vir die 5-dag-periode afgele word, moet 100 km oorskry, d.w.s. ten minste 'n 20 km retoer per dag.
- Die totale afstand wat vir die 5-dag-periode geeis word, mag nie 700 km oorskry nie, d.w.s. dit mag nie meer as 140 km retoer per dag wees nie. Deelnemers wat hierdie afstand oorskrei, sal nie vir meer as 700 km reisafstand vergoed word nie, en word aangeraai om eerder vir akkommodasie te registreer.
|
| 5.2 |
Reiseise sal geassesseer word ooreenkomstig die volgende kriteria:
| 5.2.1 |
Gebruik van eie voertuig |
Onderwysers moet sover moontlik vervoer deel.
Slegs die bestuurder of eienaar van die voertuig mag vir die kilometerafstand wat gereis is, eis. Passasiers moet gelys word.
'n Standaardtarief van R3.00 per km sal betaal word. Enjinslagvolume sal nie van toepassing wees nie. |
| 5.2.2 |
Gebruik van 'n saamryklub in 'n privaatvoertuig (betaal of gratis) |
Slegs die bestuurder of eienaar van die voertuig mag vir die kilometerafstand wat gereis is, eis. Passasiers moet gelys word. 'n Standaardtarief van R3.00 per km sal betaal word. Enjinslagvolume sal nie van toepassing wees nie. |
| 5.2.3 |
Gebruik van die skoolbus |
Die skool moet 'n brief voorlê wat aandui dat die skoolbus gebruik is, met die name van die passasiers en die afstande wat gereis is.
'n Standaardtarief van R3.00 per kilometer sal betaal word.
Enjinslagvolume sal nie van toepassing wees nie. |
| 5.2.4 |
Gebruik van 'n geregistreerde diensverskaffer
LW: vooraf skriftelike goedkeuring moet vanaf die AOO-distrikskoördineerder verkry word. |
| Stap 1) |
Die skool moet 3 kwotasies voor die opleiding bekom. |
| Stap 2) |
Die skool moet hierdie kwotasies by die AOO-koördineerder indien. Die laagste kwotasies sal aanvaar word. |
| Stap 3) |
Die AOO-koördineerder moet skriftelik aan die prinsipaal bevestig dat die diens gekontrakteer kan word. |
| Stap 4) |
Die skool moet reël vir die huur van die diens. |
| Stap 5) |
Na die dienslewering moet die SKOOL die diensverskaffer betaal en 'n kwitansie verkry. |
| Stap 6) |
Vir die vergoeding, moet die skool 'n brief by die distrik se eise bestuurder indien wat aandui dat die diens- verskaffer gebruik is. Lys die name van die passasiers en die besonderhede van die afstand wat gereis is. Die kwotasies, goedkeuring vanaf die AOO- koördineerder en die finale betaalde faktuur moet aangeheg wees. |
Alle papierwerk moet behou word as bewys vir die interne ouditeur.
Die WKOD sal SLEGS die skool vergoed by ontvangs van die getekende dokumentasie, insluitende die vooraf geskrewe goedkeuring vanaf die distrik se AOO-koördineerder. Onderwysers moet reël dat 'n groep by 'n sentrale punt opgelaai word.
|
| 5.2.5 |
Gebruik van openbare vervoer bv. openbare taxi, bus, trein vir kort afstand reis |
Eise moet die begin- en eindpunt van die reis aandui.
Vergoeding sal plaasvind ooreenkomstig die standaardtariewe. Bewyse (kaartjies) kan versoek word deur die eisbeampte om die eis geldig te verklaar.
Geen meter taxis mag vir eise gebruik word nie. |
|
| 6. |
Akkommodasie en maaltye (waar van toepassing) slegs in landelike distrikte |
| 6.1 |
Akkommodasie en maaltye (ontbyt en aandete) sal voorsien word, onderhewig aan die volgende voorwaardes:
- Die afstand na die opleidingslokaal moet 60 km in een rigting per dag oorskry, d.w.s. 120 km retoerreis.
- Volledige bywoning van die opleidingskursus moet bevestig word.
- Registrasie is vooraf voltooi.
- Volle nakoming van die vereistes soos uiteengesit in 6.3 hieronder.
- Slegs 1 opsie (sien 6.3 hieronder) mag gekies word, en onderwysers sal nie vergoed word vir enige verandering of alternatiewe akkommodasie nie.
|
| 6.2 |
Akkommodasie sal vanaf die eerste tot die laaste dag van die opleidingskursus voorsien word, met die opsie van aankoms tussen 14:00 en 17:00 op die Sondag voor die werkswinkel begin. |
| 6.3 |
Tipes akkommodasie:
Onderwysers wat in aanmerking kom vir akkommodasie, kan vir EEN van die volgende opsies hieronder registreer:
| 6.3.1 |
Koshuisakkommodasie |
Koshuisakkommodasie sonder enige koste vir onderwysers sal verskaf word. Die volgende voorwaardes geld:
- Registrasievorm (Bylae C of D) moet teen Donderdag, 30 April 2015 ingedien word.
- Onderwysers moet kamers deel.
- Onderwysers moet hulle eie beddegoed, handdoeke en toiletware saambring.
- Sondag se aankomstyd is slegs tot en met 17:00.
|
| 6.3.2 |
Geregistreerde gasvryheidsinrigtings, soos bv. bed-en-ontbyt, gastehuise, hotelle |
Die volgende voorwaardes sal van toepassing wees:
- 'n Maksimum van R300 per dag mag geeis word vir aandete, bed en ontbyt.
- 'n Oorspronklike faktuur vanaf die inrigting moet medeonderteken word deur die eiser en by die opleidingskursus ingedien word.
- Betaling is nie gewaarborg vir laat of onvolledige eise nie.
|
| 6.3.3 |
Familie/vriende akkommodasie |
Die volgende voorwaardes sal van toepassing wees:
- 'n Maksimum van R130 per dag mag geeis word vir aandete, bed en ontbyt.
- Hierdie eis moet vergesel word van 'n beedigde verklaring van die betrokke familielid/vriend, medeonderteken deur die eiser, en by die opleidingskursus ingedien word.
|
| 6.3.4 |
Privaat korttermyn huurooreenkomste |
Die volgende voorwaardes sal van toepassing wees:
- Die skool sal verantwoordelik wees vir die akkommodasie reelings en betaling (alle koste vir aandete, bed en ontbyt) daarvan.
- 'n Behoorlike proses moet gevolg word:
| Stap 1) |
Die skool moet vooraf 'n brief by die AOO-koordineerder indien wat die gebruik van 'n gehuurde akkommodasie-fasilieit versoek om 'n groep onderwysers te akkommodeer. Besonderhede van die akkommodasie, insluitende die huurooreenkoms, en die name van die onderwyers moet voorsien word. |
| Stap 2) |
Die AOO-koordineerder moet die ooreenkoms op skrif goedkeur. Geen reelings kan sonder dit gefinaliseer word nie. |
| Stap 3) |
Die skool moet die rekening betaal en stawende dokumentasie (die ooreenkoms en die goedkeuring van die AOO-koordineerder) by die opleidings- kursus indien. |
- Die eis sal as een rekening hanteer word, betaalbaar aan die skool.
- 'n Maksimum bedrag van R250 per dag per onderwyser sal betaal word - dit sluit alle akkommodasie, aandetes, bed en ontbytkoste in. Die presiese bedrag wat vergoed word, sal egter afhang van die presiese koste, tot en met 'n maksimum van R250 per persoon per dag. Enige koste wat meer as dit is, sal nie deur die WKOD betaal word nie.
- Alle oorspronklike ete kwitansies, strokies ens., moet onderteken word en saam met 'n opsomming ingedien word.
- Die totale eis moet as EEN REKENING ingedien word met 'n dekbrief van die skool, vergesel deur alle oorspronklike dokumentasie.
|
|
| 7.1 |
Alle onderwysers wat 'n eis wil indien, moet die aangehegte Bank Details Form voltooi en dit op die eerste dag by die eise toonbank by die opleidingslokaal indien. Die Bank Details Form moet deur die bank gestempel word en slegs 'n oorspronklike vorm mag ingedien word. Geen fakse of fotokopieë sal aanvaar word nie. Onderwysers moet hierdie vorm voltooi VOOR die opleiding begin (m.a.w. daag by die lokaal op met hierdie vorm wat reeds voltooi is). |
| 7.2 |
Alle eise moet ondersteun word deur oorspronklike dokumentasie. Geen fakse of fotokopieë sal aanvaar word nie. |
| 7.3 |
Eisers sal slegs vergoed word na voltooiing van die opleidingskursus en sal dus vooraf hulle eie onkoste moet betaal. Waar nodig, word skole vriendelik versoek om hulle onderwysers in hierdie opsig tegemoet te kom. Bewys van betaling moet bewaar word. |
| 7.4 |
Vergoedings sal plaasvind slegs na deeglike ondersoek van die eis en die WKOD behou hom die reg voor om die finale besluit te neem waar daar enige ongerymdheid of nie-nakoming is. |
| 7.5 |
Alle eise moet ingedien word by die opleidingslokaal waar amptenare byderhand sal wees om eisers te help. |
| 7.6 |
Geen laat of onvoltooide eise sal aanvaar word, tensy daar buitengewone versagtende omstandighede is nie, en vergoedings kan nie gewaarborg word nie. |
| 8. |
Navrae
Indien u enige verdere navrae het, moenie huiwer om die betrokke AOO-koördineerder te kontak nie:
|
| 9. |
Prinsipale word versoek om seker te maak dat die inligting in hierdie minuut aan alle onderwysers oorgedra word en dat die besonderhede van registrasie teen nie later as Donderdag, 30 April 2015 by die AOO-distrikskoördineerder ingedien word nie.
|
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2015:03:20
|
 |