1. Die Wes-Kaap Onderwysdepartement (WKOD) sal in 2016 in samewerking met Wordworks ('n spesialisorganisasie op die gebied van opkomende geletterdheid) 'n provinsiewye projek vir alle graad R-opvoeders en -praktisyns uitrol. Daar sal na hierdie projek as die Opkomende Geletterdheids- (ELIT) ingryping verwys word.
2. Die doel van die ELIT-ingryping is om die onderrig van Huistaal te versterk met die gebruik van toepaslike hulpbronne ten einde taal- en geletterdheidprestasievlakke in die grondslagfase (GF) te verbeter.
3. Om hierdie rede het 200 leieropvoeders en -praktisyns as voorbereiding vir die volledige uitrol van die ELIT-ingryping in 2016 opleiding ondergaan.
4. Prinsipale verantwoordelik vir graad R word versoek om hul graad R-opvoeders /-praktisyns op die aangehegte registrasievorm vir die ELIT-opleiding te registreer en dit voor 15 Januarie 2016 aan die toepaslike AOO-distrikskoordineerder terug te stuur.
5. Neem asseblief kennis dat nie-graad R-opvoeders/-praktisyns (byvoorbeeld vroeekindontwikkeling- (VKO) assistente en voor-graad R-praktisyns) nie vir hierdie opleiding geregistreer mag word nie. Die afgevaardigdes wat die opleiding bywoon, mag egter hul kennis en praktyk met hulle deel. Dit sal die skoolbestuurspan se verantwoordelikheid wees om te organiseer.
6. Die opleiding sal in 'n reeks klusterwerksessies (3 uur elk) plus een blok- vyfdagwerksessie aangebied word. Opvoeders/praktisyns word verplig om die volledige program by te woon.
7. Die klusterwerksessies sal gedurende enige van die volgende datums plaasvind:

Klusterwerksessie 1 Tussen 08 en 12 Februarie 2016 Distrikte sal kennisgewings van die presiese datums en plekke uitreik.
Klusterwerksessie 2 29 Februarie en 04 Maart 2016
Klusterwerksessie 3 05 en 08 April 2016
Klusterwerksessie 4 03 en 06 Mei 2016
Klusterwerksessie 5 30 Mei en 03 Junie 2016
Blokwerksessie Vyfdagopleiding vanaf 11 tot 15 Julie 2016 Plekke sal nader aan die datum bevestig word.
8. Ten einde gepas te beplan, is dit noodsaaklik dat skole akkurate registrasie-inligting verskaf.
9. Vir enige verdere inligting, kontak asseblief die toepaslike AOO-distrikskoördineerder:

Distrik Koördineerder Tel E-pos Faks
Metro-Sentraal Avrille Morgendal 021 514 6770 amorgendal@gmail.com 086 236 1892
Metro-Noord Malefo Makena 021 938 3104 Malefo.Makena@westerncape.gov.za 021 938 3183
Metro-Suid Lorraine Bailey 021 370 2041 Lorraine.Bailey@westerncape.gov.za 086 764 1912
Metro-Oos Ursula Esau 021 900 7051 Ursula.Esau@westerncape.gov.za 086 562 3907
Weskus Ebrahim Peck 021 860 1569 Ebrahim.Peck@westerncape.gov.za 086 590 0730
Kaapse Wynland Edgar Johannes 023 348 0605 Edgar.Johannes@westerncape.gov.za 086 531 0476
Overberg James Daniels 028 214 7363 James.Daniels@westerncape.gov.za 028 214 7400
Eden & Sentrale Karoo Marietjie Beukes 044 803 8320 Marietjie.Beukes@westerncape.gov.za 086 673 8499
10. Prinsipale word versoek om hierdie minuut onder die aandag van alle graad R-opvoeders en -praktisyns te bring.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2015:12:02

ELIT-Ingryping 2016 Registrasie  (grootte: 20 KB)