| 1. |
Opleiding van opvoeders in kohort 1: Daar was 350 Wiskunde-opvoeders van 174 skole wat opleiding in Wiskunde-pedagogie en -inhoud in Julie 2015 bygewoon het. Die lys met skole is aangeheg (Bylae A). Die fokus van hierdie graad 8 en 9 opleiding was op die onderwerpe wat in die tweede helfte van die skooljaar onderrig word. |
| 2. |
Dit is belangrik dat dieselfde opvoederskohort die opleiding wat fokus op die Wiskunde-inhoud wat in die eerste helfte van die jaar onderrig word, voltooi. Hierdie opleiding sal vanaf 06 tot 08 Januarie 2016 by die Kaapse Onderrig- en Leierskapsinstituut (KOLI) plaasvind. |
| 3. |
Opvoeders van die skole gelys in Bylae A moet asseblief vir die Januarie 2016-opleiding registreer. Die registrasievorm is aangeheg (Bylae B). Dit moet na die toepaslike AOO-distrikskoordineerder gefaks of ge-e-pos word. |
| 4. |
Opleiding van opvoeders in kohort 2: Baie graad 8 en 9 Wiskunde-opvoeders het nie die Julie-opleiding bygewoon nie, maar hulle skole sal by die Januarie-kursus ter voorbereiding van die eerste semester in 2016 baat. |
| 5. |
Hierdie addisionele opvoederskohort word genooi om aan die opleiding wat vanaf 06 tot 08 Januarie 2016 sal plaasvind, deel te neem sodat hulle aan die eise wat die kurrikulum vir die eerste helfte van die jaar stel, kan voldoen. 'n Finale kursus vir hierdie kohort sal in Julie 2016 aangebied word. Geen verdere opleiding van hierdie aard sal vir graad 8- en 9-opvoeders aangebied word nie omdat Wiskunde-opleiding vir laer grade in die toekoms voorkeur sal geniet. |
| 6. |
Registrasie om die Januarie-opleiding by te woon, moet op die aangehegte registrasievorms gedoen word. Prinsipale word versoek om die aangehegte registrasievorm te voltooi en dit voor of op Vrydag, 16 Oktober 2015 aan die betrokke AOO-distrikskordineerder terug te besorg. |
| 7.1 |
Eise is onderworpe aan die volgende voorwaardes, slegs indien:
- Bywoning van die volle opleidingskursus bevestig is.
- Die totale afstand wat gereis is vir die tydperk van 3 dae 60 km oorskry, d.w.s. dit moet minstens 'n 20 km-retoerrit elke dag wees.
- Die totale afstand wat vir die tydperk van 3 dae geeis word, nie 420 km oorskry nie, d.w.s. dit mag hoogstens 'n 140 km-retoerrit per dag wees. Deelnemers wat hierdie afstand oorskry, sal nie vir reisafstand van meer as 420 km vergoed word nie en word aangeraai om eerder vir verblyf te registreer.
|
| 7.2 |
Eise sal volgens die volgende kriteria beoordeel word:
| 7.2.1 |
Gebruik van eie motor |
Opvoeders moet so ver as moontlik vervoer deel.
Slegs die bestuurder of eienaar van die voertuig mag vir die kilometerafstand wat gereis is, eis. Passasiers moet gelys word.
'n Standaardtarief van R3.00 per kilometer sal betaal word. Enjinslagvolume sal nie van toepassing wees nie. |
| 7.2.2 |
Gebruik van 'n saamryklub (betaal of gratis) in 'n privaat voertuig |
Slegs die bestuurder of eienaar van die voertuig mag vir die kilometerafstand wat gereis is, eis. Passasiers moet gelys word.
'n Standaardtarief van R3.00 per kilometer sal betaal word. Enjinslagvolume sal nie van toepassing wees nie. |
| 7.2.3 |
Gebruik van die skoolbus |
Die skool moet 'n brief voorle wat aandui dat die skoolbus vir hierdie kursus gebruik is, asook die name van die passasiers en die afstand wat gereis is.
'n Standaardtarief van R3.00 per kilometer sal betaal word.
Enjinslagvolume sal nie van toepassing wees nie. |
| 7.2.4 |
Gebruik van 'n geregistreerde diensverskaffer
LW: skriftelike goedkeuring moet vooraf by die AOO-distrikskordineerder verkry word. |
| Stap 1) |
Voor die opleiding moet die skool 3 kwotasies bekom. |
| Stap 2) |
Die skool moet hierdie kwotasies by die AOO-distrikskordineerder indien. Die laagste kwotasies sal aanvaar word. |
| Stap 3) |
Die AOO-distrikskoordineerder moet skriftelike bevestiging aan die prinsipaal verskaf dat die diens gekontrakteer kan word. |
| Stap 4) |
Die skool moet vir die huur van die diens reel. |
| Stap 5) |
Na die diens moet die SKOOL die diensverskaffer betaal en 'n kwitansie kry. |
| Stap 6) |
Vir die terugbetaling, moet die skool 'n brief by die bestuurder van distrikseise indien wat aandui dat die diensverskaffer gebruik is. Lys die name van die passasiers en die besonderhede van die afstand wat gereis is. Die kwotasies, goedkeuring vanaf die AOO-distrikskoordineerder en die finale betaalde faktuur moet aangeheg wees. |
Alle papierwerk moet as bewys vir die interne ouditeur gehou word.
Die WKOD sal SLEGS die skool by ontvangs van die getekende dokumentasie, insluitende die skriftelike voorafgoedkeuring vanaf die AOO-distrikskoordineerder, vergoed.
Opvoeders moet reel dat die groep op 'n sentrale punt opgelaai word.
|
| 7.2.5 |
Gebruik van openbare vervoer, bv. 'n openbare taxi, bus, trein vir kort afstand reis |
Eise moet die begin- en eindpunt van elke stadium van die reis aandui.
Vergoeding sal volgens die standaardtariewe gedoen word.
Bewyse (kaartjies) kan deur die eisebeampte versoek word om die eis geldig te verklaar.
Geen taxi's met meters mag vir eise gebruik word nie. |
|
| 8. |
Verblyf en maaltye (waar van toepassing) slegs vir landelike distrikte |
| 8.1 |
Verblyf en maaltye (ontbyt en aandete) sal voorsien word, onderhewig aan die volgende voorwaardes:
- Die afstand na die opleidingslokaal moet meer as 60 km in een rigting per dag wees, d.w.s. 120 km retoer.
- Bywoning van die volle opleidingskursus is bevestig.
- Registrasie is vooraf voltooi.
- Volle nakoming van die vereistes soos in 8.3 hieronder uiteengesit.
- Slegs 1 opsie (sien 8.3 hieronder) mag gekies word, en opvoeders sal vir geen verandering of alternatiewe verblyf vergoed word nie.
|
| 8.2 |
Verblyf sal vanaf die eerste tot die laaste dag van die opleidingskursus voorsien word, met die opsie van aankoms tussen 14:00 en 17:00 op die dag voor die werksessie begin. |
| 8.3 |
Tipes verblyf:
Opvoeders wat vir verblyf in aanmerking kom, kan vir EEN van die opsies hieronder registreer:
| 8.3.1 |
KOLI Koshuisverblyf |
Koshuisverblyf by die KOLI, teen geen koste vir opvoeders nie, sal voorsien word. Die volgende voorwaardes geld:
- Registrasievorm (Bylae B) moet teen Vrydag, 16 Oktober 2015 ingedien word.
- Opvoeders sal kamers deel.
- Opvoeders word versoek om hul eie beddegoed, handdoeke en toiletware saam te bring.
- Aankoms is net tot 17:00 op die dag voordat opleiding begin.
|
| 8.3.2 |
Geregistreerde gasvryheidsinstellings, bv. bed-en-ontbyt-gastehuise, hotelle |
Die volgende voorwaardes sal geld:
- 'n Maksimum van R300 per dag mag vir aandete, bed en ontbyt geeis word.
- 'n Oorspronklike faktuur vanaf die instelling moet medeonderteken word deur die eiser en by die opleidingskursus ingedien word.
- Betaling van onvolledige of laat eise word nie gewaarborg nie.
|
| 8.3.3 |
Verblyf vir familie/vriende |
Die volgende voorwaardes sal geld:
- 'n Maksimum van R130 per dag mag vir aandete, bed en ontbyt geeis word.
- Hierdie eis moet vergesel word van 'n beedigde verklaring van die betrokke familielid/vriend, medeonderteken word deur die eiser, en by die opleidingskursus ingedien word.
|
| 8.3.4 |
Privaat korttermyn- huurooreenkomste |
Die volgende voorwaardes sal geld:
- Die skool sal vir die verblyfreelings en betaling daarvan (alle koste vir aandete, bed en ontbyt) verantwoordelik wees.
- 'n Behoorlike proses moet gevolg word:
| Stap 1) |
Die skool moet vooraf 'n brief by die AOO-distrikskoordineerder indien om die gebruik van gehuurde verblyf vir die huisvesting van 'n groep opvoeders te versoek. Besonderhede van die verblyf, insluitende die huurooreenkoms en die name van die opvoeders, moet verskaf word. |
| Stap 2) |
Die AOO-distrikskoordineerder moet die reeling skriftelik goedkeur. Geen reelings kan hiersonder afgesluit word nie. |
| Stap 3) |
Die skool moet betaal en die kwitansie en ondersteunende dokumentasie (die huurooreenkoms en die goedkeuring van die AOO-distikskoordineerder) by die opleidingskursus indien. |
- Die eis sal as een rekening hanteer word, betaalbaar aan die skool.
- 'n Maksimum van R250 per dag per opvoeder sal betaal word - dit sluit alle koste ten opsigte van verblyf, aandete, bed en ontbyt in. Die presiese bedrag wat terugbetaal word, sal egter afhang van die presiese koste, tot en met 'n maksimum van R250 per persoon per dag. Enige koste bo en behalwe hierdie bedrag sal nie deur die WKOD betaal word nie.
- Alle oorspronklike maaltydkwitansies, kasregisterstrokies, ens. moet afgeteken en met 'n opsomming ingedien word.
- Die hele eis moet met 'n dekbrief vanaf die skool as EEN REKENING, ondersteun deur alle oorspronklike dokumentasie, ingedien word.
|
|
| 9.1 |
Alle opvoeders wat 'n eis wil indien, moet en Bank besonderhede vorm voltooi en dit op die eerste dag by die eisetoonbank by die opleidingslokaal indien. Die Bank besonderhede vorm moet deur die bank gestempel word. Slegs 'n oorspronklike vorm mag ingedien word. Geen fakse of fotokopiee sal aanvaar word nie. Opvoeders moet hierdie vorm voltooi VOORDAT die opleiding begin (m.a.w. opdaag by die lokaal met hierdie vorm wat klaar ingevul is). |
| 9.2 |
Alle eise moet deur oorspronklike dokumentasie ondersteun word. Geen fakse of fotokopiee sal aanvaar word nie. |
| 9.3 |
Eisers sal slegs vergoed word na voltooiing van die opleidingskursus en sal dus vooraf self hul onkoste moet betaal. Waar nodig, word skole vriendelik versoek om hul opvoeders in hierdie opsig tegemoet te kom. Bewys van betaling moet bewaar word. |
| 9.4 |
Terugbetalings sal slegs na deeglike ondersoek van die eis gemaak word, en die WKOD behou hom die reg voor om die finale besluit te neem waar daar enige ongerymdheid of nienakoming is. |
| 9.5 |
Alle eise moet ingedien word by die opleidingslokaal waar beamptes byderhand sal wees om eisers te help. |
| 9.6 |
Tensy daar buitengewone versagtende omstandighede is, sal geen laat of onvoltooide eise aanvaar word nie en terugbetalings kan nie gewaarborg word nie. |
| 10. |
Navrae
Indien u enige navrae het, moenie huiwer om die betrokke AOO-distrikskoordineerder te kontak nie:
|
| 11. |
Prinsipale word vriendelik versoek om hierdie minuut onder die aandag van alle Wiskunde-opvoeders vir graad 8 tot 9 te bring. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2015:09:30
|
 |