1. U weet waarskynlik reeds dat daar kommer heers oor die onderprestasie van leerders in graad 8 en 9 Wiskunde en die lae deurvloeikoers van hierdie vak in graad 10 tot 12.
2. Om dit teen te werk, het die Wes-Kaap Onderwysdepartement (WKOD) 'n provinsiale strategie ontwikkel om die onderrig van Wiskunde in die senior fase te versterk.
3. Die eerste inisiatief was 'n intensiewe vyfdag-opleidingskursus wat van 13 tot 17 Julie 2015 plaasgevind het. Hierdie opleiding was 'n belangrike leerervaring vir die 350 onderwysers wat dit bygewoon het. Ons bedank al die deelnemende skole vir hulle verbintenis tot die verbetering van Wiskunde. Nog werk moet gedoen word. Daar sal vroeg in 2016 'n verdere 14 uur-opleiding wees om die oorblywende graad 8- en graad 9-inhoudsonderwerpe vir Wiskunde te voltooi, byvoorbeeld deur twee Saterdae in Januarie vanaf 07:30 tot 15:30 te gebruik.
4. Hierbenewens sal plaaslike ondersteuningsgeleenthede in Professionele Leergemeenskappe (PLGfs) onderwysers verder help om dit wat geleer is in hul eie skool se konteks toe te pas. Alle skole wat die Julie-opleiding bygewoon het, asook ander skole wat ondersteuning in graad 8 en 9 Wiskunde benodig, word versoek om deel te neem aan 'n PLG wat met hul distrik se VOO-vakadviseur vir Wiskunde beplan is.
5. Dit word in die vooruitsig gestel dat die PLG-vergaderings van Augustus tot Oktober 2015 en in 2016 sal plaasvind.
6. Die program word in die tabel hieronder uiteengesit:

Aanvangsweek Onderwerp/e Gr 8 Onderwerp/e Gr 9 Hulpbronne
24 Augustus 2015 Datahantering Grafieke
  • DBO-lesplanne op WKOD-webwerf
  • Sasol-werkboeke op DVD
  • Nasionale Werkboeke
28 September 2015 Grafieke Waarskynlikheid
12 Oktober 2015 Waarskynlikheid Meetkunde van 3D-voorwerpe

Die volgende datums word vir 2016 voorgestel: 8 Februarie, 7 Maart, 18 April, 16 Mei, 13 Junie, 25 Julie, 22 Augustus, 19 September, 17 October.
7. Die tweede deel van die strategie behels die implementering van 'n graad 8 Basislyn Diagnostiese Assessering vir Taal, Wiskunde en Natuurwetenskappe.
8. Die Graad 8 Basislyn Diagnostiese Assessering maak gebruik van 'n elektroniese evalueringsinstrument om leerderprestasie in bogenoemde vakke teen die begin van elke leerder se hoerskoolloopbaan in graad 8 te analiseer, kategoriseer en die uitslae te bepaal. Daar word gehoop dat die inligting wat deur die diagnostiese hulpmiddel voorsien word, skole in staat sal stel om 'n ingrypingstrategie te bepaal wat die kumulatiewe gapings in hierdie vakke sal sluit en leerderprestasie in die hoer grade voortdurend sal verbeter.
9. Ten einde vir die uitrol van die Basislyn Diagnostiese Assessering van Januarie 2016 voor te berei, word alle prinsipale versoek om die vergaderings wat deur hul distrikte gereel is, by te woon.
10. Prinsipale word vriendelik versoek om die inhoud van hierdie minuut onder die aandag van alle graad 8- en 9-onderwysers vir Taal, Wiskunde en Natuurwetenskappe te bring.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2015:08:20