| VERWYSING: | 47707
13/2/11/6/4 |
 | | NAVRAE: | A Mather / I Francis | TEL.: | 021 467 2962 | FAKS: | 021 467 9369 |
KURRIKULUM AOO-MINUUT: DCG 0010/2015 |
AAN: | ADJUNK-DIREKTEURS-GENERAAL, HOOFDIREKTEURE, DIREKTEURE, HOOFDE: KURRIKULUMKOÖRDINERING EN -ADVIES, KRINGSPANBESTUURDERS, IBB-BESTUURDERS, ADJUNKHOOFONDERWYSKUNDIGES, VAKADVISEURS VIR GRONDSLAGFASE EN INTERMEDIÊRE FASE EN SKOOLHOOFDE VAN PRIMÊRE SKOLE |
| AFRIKA-KODEWEEK TOETSGELEENTHEID VIR LEERDERS VAN GRAAD 3 TOT 5 |
| 1. |
Afrika-kodeweek is 'n inisiatief wat regoor die vasteland aangebied word om kodering (rekenaarprogrammering) onder die jeug te bevorder deur van sagteware gebruik te maak wat vryelik beskikbaar is. |
| 2. |
Die Kaapstadse Wetenskapsentrum bied die toetsgeleentheid aan van die Afrikakodeweek wat deur 'n internasionale sagtewaremaatskappy befonds en deur Simplon and Galway Education Centre geimplementeer word. |
| 3. |
Die toetsgeleentheid van die Afrika-kodeweek is spesifiek vir die Wes-Kaap met gratis "Train the Trainer"-sessies vir onderwysers en gratis koderingswerksessies vir leerders vanaf 8 tot 11 jaar aangebied. |
| 3.1 |
Die gratis "Train the Trainer"-werksessies vir onderwysers sal die volgende aanspreek:
- Hoekom kodering/rekenaarprogrammering vir jong leerders?
- Hoe om kodering/rekenaarprogrammering met behulp van SCRATCH (gratis sagteware) te onderrig.
- Hoe om 'n werksessie vir kodering/rekenaarprogrammering vir leerders vanaf 8 tot 11 jaar te organiseer.
- Hoe om werksessies tydens Afrika-kodeweek, vanaf 01 tot 10 Oktober 2015, vir leerders te organiseer.
|
| 3.2 |
Die gratis leerderwerksessies (vir 8- tot 11-jariges) is daarop gemik om bewustheid te kweek van kodering/rekenaarprogrammering en belangstelling in 21ste eeu leervaardighede buite die grense van die klaskamer aan te moedig, deur die volgende te bevorder:
- Geletterdheid;
- Wiskunde;
- Probleemoplossingsvaardighede;
- Rekenaargeletterdheid; en
- Prosedurele geletterdheid d.w.s. denke oor prosesse in die wereld.
|
| 4. |
Afrika-kodeweek is 'n nuwe inisiatief en die implementeerders moedig Wes-Kaapse leerders en onderwysers aan om onder die eerstes te wees om by hierdie geskiedkundige gebeurtenis betrokke te raak deur te registreer om aan die gratis aktiwiteite deel te neem. Deelnemende onderwysers en leerders sal gratis hulpmiddele, verversings en 'n Bywoningsertifikaat ontvang. |
| 5. |
Die Wes-Kaap Onderwysdepartement (WKOD) moedig skole aan om te registreer en om aan die toetsgeleentheid deel te neem. |
| 6. |
Die WKOD versoek dat skole kennis neem van die betrokke datums vir hierdie toetsgeleentheid:
- 30 of 31 Mei 2015 (Saterdag of Sondag) - onderwysers kan op enige van hierdie dae 'n oggend- of middagsessie van nie meer as 3 uur nie, bywoon.
- 01 tot 05 Junie 2015 - werksessies vir leerders sal by die Kaapstadse Wetenskapsentrum plaasvind. Skole kan egter versoek om hierdie uurlange werksessies by hulle skole te he om by die leerder/skool se skedule in te pas.
|
| 7. |
Alle kommunikasie sal via e-pos, SMS en/of telefoon plaasvind en moet aan die Kaapstadse Wetenskapsentrum gerig word. Onderwysers moet die kommunikasiemetode wat verkies word, aandui wanneer hulle registreer. |
| 8. |
Om te registreer, kontak asseblief die Kaapstadse Wetenskapsentrum telefonies, per faks of besoek hulle webwerf:
|
| 9. |
Skoolhoofde word versoek om hierdie minuut onder die aandag van alle graad 3- tot 5-onderwysers te bring. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2015:05:21
Grand Central Towers, Laer-Parlementstraat, Privaatsak X9114, Kaapstad 8000
Meld asseblief verwysingsnommers in alle korrespondensie
Indiensneming- en salarisnavrae: 0861 92 33 22
Veilige Skole: 0800 45 46 47
|
 |
