1. Die Wes-Kaap Onderwysdepartement het 'n CD gemaak met die volgende ondersteunende dokumente vir die onderrig van VOO Engels Eerste Addisionele (EAT): elektroniese merkstelle, eksamenriglyne, 2014 NSS-eksamenvraestelle en memorandums, voorbeeldtake, Mind the Gap-studiegidse, voorbeelde van skryf en assessering en die Departement van Basiese Onderwys (DBO) se Writing Guidelines Document.
2. Moenie die Mind the Gap-studiegidse vir leerders druk nie; kies eerder net die nodige bladsye vir vaslegging-/hersieningsdoeleindes.
3. Gebruik die e-Studiegidse as 'n onderriginstrument en integreer dit toepaslik by die lesse in. 'n Dataprojektor en rekenaar kan doeltreffend hiervoor gebruik word.
4. Let asseblief daarop dat: Kopiee van die CD na Engelse vakadviseurs gestuur sal word. Hulle sal dit na skole versprei.
5. Indien die CD teen 22 Mei 2015 nog nie ontvang is nie, rig navrae direk aan die Hoof: Kurrikulumkoordinering en -advies by die distrikskantoor.
6. Skoolhoofde word vriendelik versoek om die inhoud van hierdie minuut onder die aandag van die departement/vakhoof vir Engels Eerste Addisionele Taal te bring.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2015:05:13