1. Die Wes-Kaap Onderwysdepartement (WKOD) is deur die Departement van Basiese Onderwys versoek om alle skole wat tegniese vakke in die Provinsie Wes-Kaap aanbied oor die implementering van die tegniese spesialiseringsvakke, Tegniese Wiskunde en Tegniese Wetenskap vir tegniese skole ingesluit, in te lig.
2. Alle skole is via Minuut DCF 0005/2015 gedateer 13 Februarie 2015 oor die implementeringsdatum ingelig.
3. Die sukses van die implementering van die nuwe tegniese vakke, Tegniese Wiskunde en Tegniese Wetenskap ingesluit, is afhanklik van mensekapitaal met die nodige vaardighede en inhoudskennis.
4. Daar is dus 'n behoefte om die onderwysers wat die nuwe tegniese vakke sal aanbied te ontwikkel. Die WKOD het inrigtings geïdentfiseer wat geskik is vir die opleiding van hierdie onderwysers en genoegsame hulpmiddels tot hulle beskikking het.
5. Dit is dus noodsaaklik dat alle onderwysers by tegniese skole saamwerk om seker te maak dat onderwysers wat Siviele, Elektriese en Meganiese Tegnologie aanbied, insluitend die onderwysers wat geïdentifiseer is om Tegniese Wiskunde en Tegniese Wetenskap aan te bied, 'n sewe dae lange opleidingsessie van Maandag tot Sondag in die Junie-skoolvakansie, asook 'n sewe dae lange opleidingsessie in die Septemberskoolvakansie bywoon. Die presiese datums en plekke sal binnekort deurgegee word.
6. Die KABV se tegniese spesialiseringsvakke sal toenemend vanaf 2016 in graad 10 geïmplementeer word en dus moet oriëntering en vaardigheidsopleiding in 2015 plaasvind.
7. Bring asseblief die inhoud van hierdie minuut onder die aandag van alle onderwysers in u skool.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2015:04:24