1. Die Wes-Kaap Onderwysdepartement (WKOD) is deur die Departement van Basiese Onderwys (DBO) versoek om alle skole wat tegniese vakke in die Wes-Kaap Provinsie aanbied, in te lig van die implementering van gespesialiseerde tegniese vakke, insluitende Tegniese Wiskunde en Tegniese Wetenskappe vir tegniese skole.
2. Die DBO het Omsendbrief S16 van 2014 gepubliseer om skole leiding te gee met die implementering.
3. Die Minister het die KABV as beleid vir tegniese vakke goedgekeur en twee nuwe vakke, naamlik Tegniese Wiskunde en Tegniese Wetenskappe, Staatskoerant No. 37840 van 2014.
4. Die KABV se tegniese stroom sal vanaf 2016 in graad 10, vanaf 2017 in graad 11 en vanaf 2018 in graad 12 geïmplementeer word.
5. Die sukses van die implementering van die nuwe tegniese vakke is afhanklik van menslike hulpbron met die nodige vaardighede en inhoudskennis.
6. Daar is 'n behoefte vir die heropleiding van onderwysers wat die nuwe tegniese vakke sal aanbied. Die WKOD het goed toegeruste inrigtings geïdentifiseer wat geskik is vir die opleiding van Tegniese Wiskunde en Tegniese Wetenskappe onderwysers.
7. Vaardigheidsentrums is vir die opleiding van onderwysers, vir die gespesialiseerde vakke, geïdentifiseer naamlik, Siviele Tegnologie, Meganiese Tegnologie en Elektriese Tegnologie. Die voorgestelde datum vir die opleiding van onderwysers is April 2015.
8. Bring asseblief die inhoud van hierdie omsendbrief onder die aandag van alle onderwysers by u skool.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2015:02:10